【職場性騷擾】男同事講黃色笑話當有趣 仲想做媒人撮合同事…

在身體和說話方面，人都會有屬於自己的界線，若果不小心越線，很容易就會令人誤會，甚至感到冒犯。所以在講話，做每一個行動之前，都要好好想清楚。

在職場的一言一語、一舉一動就要更為謹慎，因為很容易會令同事感到不便，始終同事「朝見口，晚見面」，無謂造成「面阻阻」的情況。

延伸閱讀：【職場欺凌】慘遭同事淋濕 幫其他人做嘢仲被指責…

在網上討論區有女打工仔道出自己的煩惱，指出公司有男同事經常開黃腔、想要撮合同事之餘，仲會出手揩油，令她感到相當不便，網民不禁反問：「好好做同事不行嗎？」

+13

+12

點圖了解更多事主經歷：

1/我係嗰種公私分明嘅人，同同事喺私底下唔會有任何交集，就連公司聚餐都唔會去嗰種。
2/加上我好憎啲人拎配對呢啲嘢嚟講笑，好似「吓？你單身啊？某人都單身喎，你哋要唔要拍拖啊？」
3/最近因為私事要離職，就有人問：「係唔係要結婚啊？做咩離職唔做啊？」呢啲關心為名，八卦為實嘅行為真係好討人厭！
4/某一次同事B想撮合我同男同事A，我講到明「我唔會同同事拍拖」，點知同事B回我一句：「咁你咪辭職囉」真係令人反晒白眼。
5/嗰位同事想撮合我同個成日講黃色笑話嘅男同事A，男同事A仲要係成日會揩油，會故意將手靠近我個胸嗰種人！
6/男同事A知道我就快離職，居然走嚟獻殷勤，想我真係同佢拍拖，真係令我太崩潰，到底佢啲自信係邊度嚟？
7/搞到我覺得呢段喺公司最後過嘅日子，覺得非常難捱，真係好嘔心。

網民回應：

A/到底係咩黐線公司？
B/我以前都遇過啲咁嘅事，我哋部門嚟咗個好靚嘅女仔，好有氣質，勁有仙氣，英文又好，咁啱佢同我、另一位女同事都係做助理。有次年尾聚餐，我哋三個助理坐埋一起食飯，點知兩個工程師出現，要我哋兩個助理讓位畀佢同個靚女同事食飯喎。好心你哋啦，人哋有男朋友，仲要係談婚論嫁嗰種，人哋對象仲係名門望族嚟，唔好搞笑啦你哋
C/呢啲男仔真係好黐線，好好哋做同事唔好咩？
D/我都唔鍾意參加公司聚餐．我做咗打工仔好多年，去咗一兩年之後就無去，抽獎無斬穫，啲嘢難食，仲要敬酒，覺得太嘔心，所以無再去過
E/真係好Cheap
F/有時講明話自己有男朋友，啲人都係咁照直騷擾你，真係唔知咩心態，好恐怖
G/反正都唔做囉，咪寸返佢轉頭囉，呢啲人工作表現都唔好得去邊

延伸閱讀：【平等機會】懷孕女性難搵工 面試遭歧視 求職者：單身先返得工？

男同事或涉及性騷擾
上述個案男同事或會涉及性騷擾，根據《性別歧視條例》，第2(5)條和第2(8)條，任何人向一名男士或女士作出性騷擾行為，即屬違法，條文亦適合用於同性關係。

性騷擾可以是直接或者間接透過身體動作或語言去進行，以下是部分例子：

1.不受歡迎的身體接觸（例如擁抱、親吻或觸摸）；
2.盯著看或擠眉弄眼；
3.摩擦別人的身體；
4.不斷追問別人的私生活；
5.做出使人反感並涉及性的手勢。

性騷擾亦包括作出不受歡迎並涉及性的行徑，以營造一個在性方面具敵意或具威嚇性的工作環境，例如：

1.說出與性有關的言論或笑話；
2.展示與性有關的不雅圖片或海報；
3.對別人的性別作出侮辱或嘲笑；
4.挑引性地吹口哨。

（註：在《性別歧視條例》中關於具敵意或具威嚇性的工作環境之條文，只適用於工作場所或與履行職務有關的環境。）

若不幸遇上性騷擾，可以向僱主或有關機構（如服務提供者）投訴、要求得到公平公正的處理，亦可與平機會、社工、所屬工會、志願機構、朋友或家人求助。

⏩⏩  需要請人？立即刊登招聘廣告！  ⏪⏪