Next
【經常轉工】求職者5年內轉10份工！工作經驗多 VS 份工做得耐 邊樣好啲？網民：而家唔係淨係睇年資！
【經常轉工】求職者5年內轉10份工！工作經驗多 VS 份工做得耐 邊樣好啲？網民：而家唔係淨係睇年資！
2024-09-10
對於不適合自己的工作，你會選擇「止損離場」還是「繼續嘗試」？每個人的選擇都不一樣，有台灣招聘人員在Threads談及遇上一名求職者，他在5年間轉10份工，令他不禁思考「工作做得久」還是「工作經驗多」比較重要，網民回應：「現在不是只看年資！」
招聘人員談及個人見聞
點圖了解更多：
事主：「今日睇個新人份CV嗰陣，見到有個後生仔，佢22歲畢業，而家27歲，5年間已經有10種唔同行業嘅工作經歷。咁樣計返即係等於一份工平均做半年左右，你哋點睇？覺得經歷越多越好，還是上份工做得越長越好？」
網民分享個人想法
A. 其實如果每間公司都冇問題，應該冇人會輕易想離職。因為搵工真係好辛苦，而家嘅職涯已經唔再係穩定，反而更似一場多變嘅旅程！呢位求職者可能只係不斷調整自己嘅職涯策略，搵一個可以捉住嘅支點同機會啫。
B. 面試官都會話冇穩定性，但其實邊個想日日換工呢？比起舒適圈，適應新環境、新面孔同重新學習，都需要勇氣。佢有唔同行業嘅經歷，代表佢好鍾意嘗試，唔好講佢係咪遇到衰老闆或者啲好煩嘅同事，可能只係想搵到一份適合自己同熱愛嘅工作。講真，時代已經唔同，唔似以前一間公司做一世。主要睇佢適唔適合你呢個職缺，佢過往嘅經歷對呢份工作係加分定扣分？
C. 其實今時今日真係有太多因素造成呢種狀況，所以有啲公司對呢啲求職者有唔好嘅印象，其實我覺得係唔公平。人一世都係學習認識自己，了解自己，甚至我哋喺唔同年齡層，狀況都會有所改變，更何況20至30歲呢個階段可能會更加明顯。我覺得換工頻繁呢啲只係其次，更重要係對方面試嗰陣嘅談吐係點，透過佢表達自己嘅方式，大概可以睇到佢係唔係公司想要嘅人，符唔符合自己間公司嘅文化。
D. 年輕先有本錢咁換，如果行業差異性大，見識會廣好多，可以從多個角度思考，反而嗰啲只係留喺一種行業環境嘅人容易夜郎自大……有好有壞，睇吓公司想要邊種人才。
E. 佢仲喺搵緊自己嘅路，以呢邊嘅教育嚟講，好多人出咗社會都唔知道自己想做咩，有啲人會咁樣不停換工，直到發現自己真正想做咩，有啲人就係做住一份唔係好鍾意嘅工作過一生。我覺得應該唔鍾意就換，尤其係30歲之前。
F. 換位思考，佢有咩能力可以做到10類唔同行業嘅工？可能係佢適應力好強，思維又好廣闊。唔好太在意求職者以前嘅經歷，反而要思考佢可以畀到咩價值公司，佢嘅優點係咩。
G. 真係要搵到好工太難啦。如果份工好、環境好、人工好、老闆同同事樣樣好，我相信冇人會隨隨便便想換工。我自己一份工大多只係做一年至兩年，最近我都成日諗，到底要百忍成金，喺間有問題嘅公司默默做，定係再去搵其他工作。
H. 成日真心想喺一間公司好好做事，但啲是是非非搞到我好心累。搵工作真係好花精神同勞力，運氣都好重要。而家根本唔可以淨係用工作嘅時間嚟判斷定，有時候真係倒霉搵唔到志同道合嘅同事同好公司。
I. 大家好似都覺得做同一份工作好穩定好厲害，但有啲人嘅個性就唔適合穩定！我覺得人生真係嚟體驗嘅，持續不斷換工作、換環境，只要喺呢個過程中收穫經驗，能夠越來越清楚知道自己要咩，咁冇咩唔好嘅地方。
J. 有冇諗過，過去嗰5年世界發生咗咩事？啱啱畢業出嚟就遇到呢種局面，仲有能力喺唔同行業搵到工作，佢根本就係個人才。你唔請就唔好浪費人哋時間，如果佢早5年畢業，2019年已經喺度幫其他人做面試啦。
K. 我都係5年換咗10次工，2間公司倒閉解散、工作環境差，員工全部係老闆屋企人，淨係得我一個，咩屎都要我接，冇加班費、冇假期，呢種工作我做2個月就唔得啦。而家喺屋企返工，唔使面對衰人衰事，已經做咗2年幾。
L. 我嘅窘境同呢位朋友相反。我23歲畢業，但係到25歲先正式做第一份全職工作，呢份工作做咗2年半，打算換工，可惜CV上只有呢一份可以寫上去（以前返嘅都係臨時工，所以履歷唔會寫到呢啲）。而家待業咗1年，因為被各大公司質疑我只有一份工作經驗，佢哋驚浪費時間培訓我。但我仲有2個小朋友要養呀！待業呢一年，基本上公司feedback都係咁，有時真心想去做嘢，做牛做馬都得，但連take offer都冇機會，真係好心酸。
M. 我目前冇一份工作係超過1年半，每次都會跳唔同行業。應該話我之前嘅工作做得唔符合我嘅理想，我唔想一輩子都做嗰啲工作，但我又唔知道咩適合我，所以就睇來睇去。而家呢份工作仲可以，就快做咗1年啦。如果冇更好嘅工作機會就會繼續。不過做過好多行業嘅好處就係，自己好多嘢都明，唔會畀人話詐騙。
多數網民都替求職者感到不值，認為他能夠在10個不同行業中工作，是非常厲害的事。有人坦言現時的職場與以往不同，人總不能在做同一份工作直到永遠，會轉換工作是正常事。有網民感嘆現時很多人畢業後，都不知道自己想做甚麼，全憑親身體驗才明白那行業不適合自己。比起質疑求職者太Jumpy，事主應該欣賞對方能夠在不同的行業工作，並在面試期間觀察對方的表現，是否適合公司的文化。
HR教路3招挽回轉工頻繁形象
填上與申請職位的相關經驗
一些打工仔會將過往工作內容，直接從該招聘廣告中所描述的工作內容Copy & Paste。此舉雖然方便快捷，又能確保用字精準無誤，但卻令Jumpy的CV裡所列的工作毫無連貫性，可能會令HR覺得你轉工次數多，未能累積同類經驗。不妨找出多次轉工背後，各項工作的共通點，在CV上表現出即使轉工亦有所得着的經歷。
自行控制轉工空白期
每隔一至兩年便轉工的CV尚有挽救餘地，但若多次只工作2至3個月便離職，則必須好好考慮哪些工作寫進CV裡，哪些應該剔除。若心儀工作要素應徵者必須有特定的相關經驗，則相關經驗工作年期較短亦可保留。如果過往經驗真的不幸地全部只維持幾個月，則只好剔走其中最不重要的一項，畢竟其他已「剔無可剔」，若剔走太多經驗，反而會被問為何有那麼多空白期。這些情況下，就要預備好答案作面試之需。
顯示職銜轉變
即使時常轉工，你的工作職位有改變嗎？說到底，HR擔心所聘請的員工毫無上進心、不求進步。一個員工多年未升職，難免令人懷疑工作能力有所不足。要避免這個壞印象，最理想是每次轉工都有頭銜上的「升級」，並在CV上清楚表明。如果每次未能等到升職機會便離職，則可能需要考慮下次轉工時，向更上一級的職銜進發。
離職原因6大模範答案
發展遇到樽頸位
♦目前工作內容＋期待未來拓展工作方向
►在一個崗位待久了，難免會覺得工作內容重複、沒趣，而想追求新鮮感。你可以說明如果持續現職的話，將無法滿足自己求知慾與熱愛學習的心。並敘述你希望進步的方向、成長的空間，讓HR看見你是個喜歡不斷挑戰的優秀人才。
上一份工薪金太低
♦你的能力及價值＋上一份工薪資體系無法突破的客觀原因
►不要直接指出人工太低，而要透過具體事例說明為何你值得更高的薪金。你可以說因為工作獲取了ＸＸ成果、你考取了行業ＸＸ相關牌照或資格，所以希望下一份工的報酬能夠反映個人能力及價值，增加談判薪金的空間。
與其他同事不合
♦目前團隊合作方式＋期望的正面團隊氛圍
►千萬不要帶有任何負面情緒，抱怨前同事的不是，即使要說明前公司的問題，也應該透過客觀角度分析，對事不對人才能為自己加分。如果因為前上司工作量分配不均而離職，你可以說由於前公司分工不明確、無法專注於某一範疇，而貴公司有明確的成長目標與部門分工，使你心生嚮往。
試用期內覺得不適合
♦磨合過程＋發現巨大差異＋對新職位的期望
►正所謂「人夾人緣」，如果不適應公司的企業文化，或價值觀不相符，盡早離開對雙方都是好事。你可以解釋曾與前公司嘗試磨合，但發現大家對工作期望出現巨大差異，例如不重視團隊合作，鼓勵內部惡性競爭，表示貴公司才是適合自己的環境，希望能出一分力貢獻所長。
公司業務重組或倒閉
♦如實說明原因＋介紹原工作內容＋對新職位的期望
►說謊是面試的大忌，遇上經驗豐富的HR時，謊言很易被一眼看穿。雖然你不用講出被遣散的心酸，但可以把它包裝成無害的答案。裁員並不一定代表你的能力差，你可以解釋在經濟大環境不好的情況下，公司迫於無奈解散部門，說明自己在現職的工作成果，並期望在貴公司實踐的計劃。
想跳出舒適圈（Comfort Zone）
♦感謝前公司給予成長＋期待新崗位有哪些發展
►人人都懂得講「跳出舒適圈」，但真正有明確計劃的又有多少個？求職者除了表現求變的決心與熱情外，亦要清晰表達在貴公司想拓展的方向，呈現出積極向上的態度，讓HR知道你並非衝動辭職。
延伸閱讀：【見工面試】HR問「點解突然轉工」點答好？網民紛紛獻計
延伸閱讀：【9月更新｜面試技巧｜面試準備】面試HR問：「點解要請你？」，點答先係最好、最得體？（內附不應詢問的見工最後問題、面試成功跡象、面試衣著穿搭貼士）
延伸閱讀：【庹縮老細｜勞工法例】老細叫打工仔提早Last Day 美其名畀打工仔返新工前有緩衝期 其實係想收代通知金？
最新專訪片︰
【星級斜槓族】Cloud雲浩影曾做過侍應、補習老師及派傳單 風格多變深受觀眾喜愛 冀能實現演唱會夢
Look out for further updates on our Facebook fan page!
Related Articles
Follow CTgoodjobs for the latest career news, hot topics and recommended jobs!