【畢業生薪酬】Fresh Grad出嚟要搵到$20,000 先叫唔做爛市？網民：大學生供過於求搵到$15,000都叫合理啦

2023-09-21

對非專科大學畢業生而言，只要找到工作就已經心滿意足。普遍人認為大學生作為知識分子，理應有不錯的收入。近日有網民於香港討論區發文，表示發現許多畢業生甘願接受只得萬多元的工作，認為他們「做爛市」，浪費了4年在大學苦讀的時間，網民紛紛提出看法，表示非畢業生們所願。

按圖了解事主及網民回應：

+16

事主：點解得$10,000幾嘅基層工都有大學生面試？你哋讀書比人叻，又讀多人4年書，嘥錢嘥時間！認真講，FG出嚟搵到$20,000係基本，班大學生喺到做爛市，啲公司就可以係咁壓價！

網民A：好多非專科畢業大學生仲係搵得$15000-16000一個，真係頂難市……

網民B：教育制度問題，幾時先有人發現？由小一讀專科到大學個個都係頂級人士！何苦要讀足十幾年，行條唔知讀乜嘅路。

網民C：依家讀完大學你估真係乜都識？好多都係搵份普通文職，唔使擔擔抬抬就算，反正仲可以靠父母，有乜所謂！

網民D：呢個絕對係大學普及化後嘅必然結果……如果香港有60%人有大學讀，你信唔信香港有60%高薪職業？

網民E：做$10,000幾嘅工，有屋住又有嘢食，點解要做份辛苦工為難自己？

網民F：都係騎牛搵馬啫，好過乜都唔做坐而待斃啦！

網民G：如果有得揀，邊個唔會揀份高人工啲？個巿比以前差，唔同你叫佢等多排先返工？到時有又人講，讀四年書，一份工都揾唔到！做又被人罵，唔做又被人罵。

網民H：唔係做爛市，係佢哋無能力啫。有本事就唔會見呢啲工啦！

網民I：學歷貶值所以先會變成咁。

網民J：其實係香港人口太多，競爭大。

網民K：喺香港搵工，無張證書連見都無得見！

網民L：佢哋都係向現實低頭啫，都要返工搵錢，唔係嘅話食都無得食！

對於畢業生「做爛市」，普遍網民都認為源於教育制度問題，學位普及化供過於求所致，相比以往專科畢業生，更難找到高薪厚職。加上，近幾年市道較差，畢業生難以找到合適工作，有工返已經算是不錯了。

踏入職場，普遍畢業生都不太習慣。作為職場新人如何擺脫學生思維？即圖即看4個貼士，助你儘快適應！

社交媒體當道，LinkedIn作為打工仔的社交平台，用心經營的話隨時有數不盡的工作機會。不妨參考6個步驟，輕鬆打造專業的LinkedIn主頁！

Get latest jobs,career news and
job invitations on-the-go.