Next
法定產假
法定產假
2023-02-17
資料來源: 勞工處
小雲的閨密Sharon懷孕，小雲約她喝下午茶聊天。
小雲：「準媽媽，你幾時開始放產假啊？」
Sharon：「而家法定產假有14個星期，我打算喺預產期前兩星期開始放，留多啲時間產後休息同照顧BB。」
小雲：「咁呢14個星期係咪有薪產假？」
Sharon：「係啊！僱員只要喺產假開始前已經按連續性合約受僱滿40星期，並預早通知僱主自己懷孕同準備放取產假，例如遞交列有預產期嘅醫生證明書，就可獲支付產假薪酬，款額相等於『產假首天』前12個月內所賺取嘅每日平均工資嘅五分之四。第11至14個星期嘅法定產假薪酬上限係八萬元，僱主可以上『發還易』網站，向政府申請發還呢4個星期已支付嘅法定產假薪酬。」
小雲：「係喎！你做甜品師，平時都要搬運食材，而家懷有身孕，唔適宜搬運重嘢。你公司有冇特別安排呀？」
Sharon：「我老闆好好，知我大肚就即刻重新分配工作，唔使我搬重嘢。其實懷孕僱員向僱主提交醫生證明書，講明唔適宜處理重物或其他會損害懷孕嘅工作，僱主喺收到有關請求後14日內必須將僱員調離嗰項工作。當然，僱主亦唔可以解僱懷孕僱員，除非懷孕員工犯咗嚴重過失，或者喺試用期12個星期內非懷孕原因而解僱佢，否則僱主可被檢控，一經定罪，最高可被罰款十萬元㗎。」
小雲：「明白晒！好期待可以同BB見面啊！」
僱傭條例簡明指南
第六章：生育保障
Look out for further updates on our Facebook fan page!
Follow CTgoodjobs for the latest career news, hot topics and recommended jobs!