【求職秘笈】點避開地獄公司？面試問福利都冇用？網民激推一條問題99%測出黑心公司！

CTgoodjobs' Editor

Published: 2025-08-13

Updated: 2025-08-13

求職者常陷入兩難：如何從短短面試中識破「地獄公司」真面目？提問傳統問題，如：團隊文化或加班頻率，可能只換來官方說詞。近日，有網民在Threads實測發現，關鍵在於「反向觀察」主動向面試官提問一條關鍵問題，有助嗅出危險信號，遠離黑心公司。

網民激推一條問題測出黑心公司！

+29

+28

樓主：
奉勸大家面試一定要記得問一個問題：你嘅上司喺呢間公司做咗幾耐。如果係新創企業，而上司由開公司到而家都冇走過，仲由基層一路升到中高層，我會建議你早啲結束面試。

1.晉升機制偏重資歷多過能力
新創公司成長期，早期員工好多時會因為「做得耐」就升職，但唔代表佢哋真係有能力管理。久而久之就會出現高薪但低效嘅管理層，仲會形成小圈子。

2.後加入嘅員工蝕底
早期員工霸住晒啲位同資源，後來嘅人好難有發展空間，升職加薪都唔公平。

3.人治文化根深蒂固
如果上司係創始團隊成員，通常代表公司好重人治文化，制度唔透明。資源有限嘅情況下，規則好容易變做擺設。

當然每間公司情況唔同，但如果核心團隊流動率極低又封閉，十居其九都有呢啲問題。

網民A：
上司做咗好耐，但下屬平均做1至2年就走，你知問題喺邊啦。

網民B：
其實問咗都冇咩用，做得耐唔等於係好上司。

網民C：
上司做咗十年，但成個部門成日換人，問題在邊個好明顯啦。

網民D：
我通常問上一個做呢個位嘅人做咗幾耐。

網民E：
空降部隊就冇得講啦。

網民F：
講得太中肯。

網民G：
睇樣就知啦，使咩問。

網民H：
我見過最癲係個上司做咗8年，但成team人每半年換一轉，仲要個個走都係咁話「同個上司夾唔到」。

網民I：
試過見工問HR點解個位空缺，佢話上個做咗3個月就走咗...即刻明晒。

網民J：
最慘係遇到「老臣子」文化，班開國功臣霸住晒啲位，新嘅idea永遠被ban，做乜都要睇佢哋面色。

網民普遍認為判斷一個上司是否合格，不僅看他任職時間長短，更要注意團隊人員流動率。即使上司做得久，若部門經常有人離職，問題通常明顯存在於管理層。許多人指出，詢問前任員工或了解離職原因，比單純問福利更實用。空降部隊以及根深蒂固的「老臣子」文化，會抑制新思想，令團隊士氣低落，造成高流失率。有經驗者分享，面試時若知道之前職位空缺原因是離職率高，通常是警號。整體來說，團隊穩定性和離職原因是評估公司好壞最直接且有力的指標。

延伸閱讀：【見工心酸史】一份工面試5輪等足2星期都音訊全無！事主崩潰：點解要玩我？

+25

+24