【最長年資】大家做過最長嘅一份工係做幾耐？竟然有同事做足40年？

在現今瞬息萬變的職場環境中，長期為同一家公司效力已經變得罕見。然而，仍有一些忠誠的員工矢志不渝，默默耕耘多年，見證公司風雨歷程。他們堅持不懈的工作態度，無疑值得敬佩。

每個人在職場上都有屬於自己最長的工作紀錄。有些人或許只在某間公司工作數年便離職另覓新機；但亦有人憑着對公司的熱誠，竟能服務數十載之久。40年的資歷確實令人嘖嘖稱奇，這份恆心誠可嘉。有網民在社交媒體專頁「奴工處」上投稿，詢問大家最長的一份工作年期，大家對此都有不同的看法！

即睇事主分享及網民回應：（按圖了解）

+16

+15

事主：「想問吓大家最長嘅工係返幾耐？有日同長輩傾開，佢話佢一份工做了40年！完全想像唔到！」

網民：「職業兒子做60年。」

網民：「年代唔同，以前1980年代做同一公司加上經濟起飛，會跟年資加人工，加上人哋完咗供樓，仔女又大個哂，唔等錢使。人又老轉唔到工，你就由得人哋啦！宜家年代，間間公司都要後生，年年睇KPI睇加唔加你人工，想加快啲只能趁後生轉工加人工，到某個位，然後用差唔多人工去搵份可以做到退休嘅工為止。不過都要睇工種，有啲工唔使轉工，例如政府工。」

網民：「以前啲老細真係會尊重老臣子，依家？佢覺得係你無本事走，恰得就恰呀！唔好怪啲夥計養唔熟，啲老細有冇檢討吓點對夥計先？」

網民：「老一輩絕對可以，但呢一代千祈唔好做死一間公司！」

網民：「年代同時代唔同，冇得比較。」

網民：「咩年代呀，冇咩公司同你講天長地久啦！」

網民：「待遇好值得留嘅話，時間唔係問題。」

網民：「我做緊嗰間公司，好多老一輩閒閒哋都二三十年，之前有個就真係做咗40年退休。如果能夠搵到一間人工又好福利又唔差嘅公司，怕乜嘢做到老？」

網民：「我識得個人做一個商場，由佢起好開始做，做咗三十幾年，依家仲做緊，睇住交通變化，要搭巴士行山路兜過去返工，變到依家搭地鐵幾個站就到公司。」

網民：「我都做過有兩份工，入面啲人閒閒哋20年以上，同感，完全想像唔到點解可以做咁耐！」

網民：「第15年，自己都覺得難以置信。」

網民：「以前做政府工絕對唔難，退咗休仲有長糧咬，依家轉咗合約制就無呢回事。」

網民：「依家長工（除了政府工）做到2年巳係算耐，後生仔炒散多。」

網民：「以前就得，依家？魚唔過塘唔肥，點做過世？」

網民：「做政府大把人一份工都做到退休啦！」

網民：「而家大多數人係自由工，一係搵父母照顧到死。」

死守工作VS Slasher
打工模式隨着時代變遷而改變，並無一個放諸四海而皆準的定律。往昔年代，員工們能夠長期為同一家公司效命數十年，主要是因為當時經濟環境、公司政策以及員工期望等多方面因素的影響。然而，現今職場競爭激烈，公司追求靈活彈性人手管理，員工亦更重視個人發展空間和機會。長期死守一份工作的情況已不復常見。

無可否認，在同一企業服務數十年是一種值得敬佩的堅持和忠誠。但我們不應簡單地將這視為理想的職業道路。近年興起的「slasher」職業生涯，指的是一個人擁有多種專業身份和收入來源，如程序員、攝影師、自由作家。這種靈活多元的工作模式，不但能充分發揮個人才華，更有助分散風險，獲得更大發展潛力。

每個人的志趣和價值觀不盡相同，選擇何種職業發展路徑，理應因人而異。無論是死守一份工作，還是擁抱「slasher」人生，關鍵是要遵循內心的熱誠和理想。時代更迭如白駒過隙，我們都應與時俱進，為自己開創最合適、最具潛能的職涯道路。

延伸閱讀：【職場貼士｜Slasher｜斜槓族】每個人都適合做Slasher？10條問題測試你的斜槓指數！斜槓族定義、必備條件及增加收入來源的方法一覽！

+10

+9

延伸閱讀：【2024兼職時薪中位數$80？】熱門Part Time包裝員、文員、餐飲業人工、晉升階梯大公開！

延伸閱讀：【Z世代職場觀念】 6成企業將解僱應屆畢業生！世代職場觀念衝突 管理層難以接受！

延伸閱讀：【人生規劃】30歲係人生分水嶺？ 網民：40歲先係，30係黃金搏殺期

最新專訪片︰

【Office豪華旅行團】安永會計重視多元和企業社會責任 培養包容性的企業文化

⏩⏩  需要請人？立即刊登招聘廣告！  ⏪⏪