【搵工CV】Send完履歷冇回音 應唔應該再send？隔幾耐先再寄？

在競爭激烈的就業市場，求職者寄出履歷後往往 Stone沉大海，杳無音訊。面對這種情況，不少人感到困惑和焦慮：究竟應否再次寄出CV？如果應該，又該間隔多久才再次投遞？有網民在香港討論區發文，正因此事而苦惱！就讓CTgoodjobs為大家解答吧！

即睇事主分享及網民回應：（按圖了解）

+15

+14

事主：「搵工問題，你send完份CV去一份工，無回音，之後會唔會再send？如果會，幾耐之後send？半個月？一個月？半年？一年？」

網民：「我試過發3次，每次隔個零月，我最後尾知道佢每次有睇。我舊年年尾未有個post話HR趕收爐交數，就係呢份了，佢一路係咁揀人，揀到年尾冇得再揀就叫我去見工，仲要約我一星期後喎，跟住我一口拒絕，話已經有工返，呢間公司我唔會再發㗎啦。」

網民：「其實你短時間內發咗3次去，証明你都想入呢間公司，咁而家有得你見，你又唔去見，你都幾小器（定係你真係搵到工？）」

網民：「直接上去公司，問佢哋收到未！」

網民：「我只記得某女HR公報私仇，叫我等一個鐘。」

網民：「如果我真係好想入嗰間公司，我會send多幾次，或者係直接打電話去問。」

網民：「我會搵佢公司電話或者係求職網站都會有佢電話嘅，就打去搵負責人， 當然會扮晒嘢咁問，請問你哋係咪請緊人㗎，我喺網站嗰度見到你刊登咗咩職位喎，之後就話我send咗個履歷表過嚟，之後幾次都試過係冇回音嘅，都係叫我等電話，佢話睇到你嘅履歷表覺得啱嘅就會打返畀你㗎喇。」

網民：「係囉，通常人哋睇到你CV，覺得啱先會叫你去in，唔叫你就即係覺得你唔啱（或者你可以話佢睇漏咗你份CV）所以我覺得直接打去人哋公司，好似好唐突。」

網民：「執靚啲份CV或者重新排版先再re-send。」

網民：「我為咗份工會照打，打完佢唔請我嘅話，點解我唔打去試吓呢？」

網民：「搵工，一定要面皮厚！你諗下，求職者好多人，如果其中一個好主動，經常問問問，個HR一定加深印象，特別留意嗰個人。」

網民：「而家大把人爭工，無回音好正常，以前仲易搵少少。唔好上咁多網，好多唔係現實。」

網民：「用email apply，無成本，send 100次都無問題啦，不過send太多，人哋HR認得你，唔使睇內容就直接skip。所以時間間距自己好好把握，但另一個角度睇，如果份工2、3個月、半年，都仲有post份工，一係要求好高，難請人，一係就好惡做，常換人……」

網民：「真係太多人send，我之前見工試過一次有個HR話，淨係一日收到求職信都幾百封啦！點解我要揀你呀，畀個原因我先啦！」

以下以點列方式解答求職者的疑慮，並從HR的角度提供建議：

+8

+7

應唔應該再send？

．HR角度： 重複投遞履歷是可以的。但要確保履歷資訊已更新、調整，針對職務特點調整履歷內容，才可能帶來最大效益。

．建議：

1/若首次投遞後1至2周沒有回音： 可嘗試聯絡公司人事部，確認對方收到申請。

2/若真的非常想加入該公司： 可考慮再次投遞，但應先檢視履歷，並根據職位要求進行修改。

3/若已參與面試但失敗： 幾周甚至幾個月後，看到相似的職缺再次招募可以再投遞。但仍需根據職缺調整內容，放大你成長的部分。

隔幾耐先再send？

．HR角度： 短時間內頻繁投遞可能會造成反感，讓人覺得求職者只是「亂槍打鳥」，缺乏仔細思考。太頻繁地寄出求職信，其實與成功率沒有直接關係。

．建議：

1/重新投遞的間隔時間： 建議至少間隔2至3周。

2/切忌在短時間內重複投遞： 避免造成HR負面印象。

HR會否對該求職者反感？

．HR角度： 視乎情況而定。若求職者在短時間內多次投遞相同職位，可能會被認為缺乏耐心或對職位要求不夠了解。但如果間隔一段時間後，求職者更新履歷，並針對職位要求進行修改，HR可能會認為其對該職位有高度興趣。

．建議：

1/避免過於頻繁的投遞： 同一職位不宜在短時間內重複投遞多次。

2/每次投遞前更新履歷： 確保履歷內容與職位要求相符。

3/在求職信中說明： 可在求職信中簡單說明再次投遞的原因，例如強調自己對該職位的熱誠，或說明自己在這段時間內所獲得的新技能或經驗。

總而言之，重複投遞履歷並非絕對的禁忌，但求職者必須謹慎行事，切勿過於頻繁，並確保每次投遞的履歷都經過更新和修改。

延伸閱讀：【求職攻略】狂Send CV冇回音？可能係求職目標出事！專家教路3招檢查目標是否明確！

+14

+13

延伸閱讀：【求職攻略】Send CV前要檢查呢5樣嘢 其中一樣做錯可能會令HR睇唔到你CV！？

延伸閱讀：【CV範本｜求職招聘】如何撰寫出色的CV履歷表？呢7大秘訣一定要識！

最新專訪片︰

【星級斜槓族】雷同二友為音樂夢想打100份工 用創作回應時代 願成為都市人的心靈「療癒劑」

⏩⏩  需要請人？立即刊登招聘廣告！  ⏪⏪