Next
【我愛返工】新工同事心繫公司 Lunch照傾公事 打工仔疑：係咪無私生活？
【我愛返工】新工同事心繫公司 Lunch照傾公事 打工仔疑：係咪無私生活？
2023-08-08
在職場上並非所有工作，能夠單靠一個人的力量完成，因此我們需要與不同的同事合作。要是同事投入工作，當然事半功倍；可是過份投入，又是否一件好事？在連登討論區有打工仔分享親身經歷，指新公司的同事即使在午膳時間，也與老闆聊公事，令他感到非常疑惑：「是否沒有私生活？」
點圖了解更多事主分享：
延伸閱讀：【職場貼士】待業期間無所事事？5個規劃有效降低求職焦慮
延伸閱讀：【職場貼士】5個開會不再浪費時間的方法
「最近返新工，我啲同事個個都夜晚8、9點先收工，就連Lunch Time都會同老細繼續食住飯傾公事，到2點完咗食飯時間，佢哋就會返埋位做嘢，唔會遲多過5分鐘，真係好好奇呢班人係唔係無私生活。利申返：我係佢哋入面嘅怪人，堅持無Urgent嘢就準時走」
網民回應：
A/因為你係局外人
B/我識幾個人係會星期六返公司做義工
C/成日OT嗰啲人話壓力大瞓唔着，效率低到不得了
D/我見過有人放大假都照返工
E/其實我咁睇，公司出糧畀你，就唔係買起你9至6個時段，係買你嘅能力，正如足球員，唔通佢每星期得90分鐘先自稱係球隊嘅隊員咩？比賽以外可以扮唔識老細咩？唔得咁㗎嘛
F/其實有能力就唔使OT啦，有能力又要OT，即係公司請唔夠人
G/有同事放大假都返嚟公司，我問佢「你今日唔係放假咩？」佢話喺屋企無嘢做
H/你唔係怪人，只係佢哋唔正常，利申：我留喺公司多1分鐘，就已經坐立不安
I/我臨收工會開住電腦個鐘，一夠鐘就起身走
J/我識啲同事係因為佢喺屋企放假無個人時間同空間，所以會情願返公司「Break」兩三個鐘
K/我之前有個下屬係咁，都勸過佢好多次，其實準時收工無問題，真係唔好以為老闆會覺得你勤力而升你職，我老闆每次提起嗰個下屬都係喺度笑佢
L/有個同事係畀HR要求清假，最後迫住放咗啲AL，但照返嚟公司做嘢
M/我又何嘗未試過仆心仆命咁做嘢，但人哋唔會特別Appreciate，唔會錫住你，又唔會覺得你好重要，更加無金錢嘅補償，久而久之，就捱到身體差晒，最終都係要辭職離開間公司。我而家只係後悔點解唔及早離開，白白浪費咗人生寶貴嘅幾年時間
N/好彩我唔搏上位，千萬唔好升我，我行躺平路線
O/呢啲奴性重嘅人真係每間都有，最誇張係佢哋嘅認真，唔覺自己有奴性，仲要好似想每個人都同佢哋一樣
超時工作影響健康
對於事主的見聞，網民都紛紛回應，有人指自己曾遇上全身投入於公事的同事，更談及有同事會在放假時回公司工作。以往曾為公司全心付出的網民坦言，即使拼命做，也未得到別人的欣賞，要是未能平衡工作與生活，會令身體變差。不少研究資料顯示，超時工作除了增加打工仔的壓力外，更可會間接增加患上腸胃及心血管疾病的風險。為了自己的健康着想，如非趕急的工作，就別勉強自己加班。
在求職時，網民最怕在求職廣告看到甚麼字眼？（點圖了解更多）
即睇10件打工仔最擔心的事：
延伸閱讀：【見工面試】想由小薯晉身成管理層 面試可以點樣凸顯管理技能？
延伸閱讀：【職場文化】如何收服下屬的心？後疫情時代「好上司」必備5個特質
最新專訪片︰
【HR Guru】華御結首推「全職員工子女醫保計劃」為員工分憂解難 董事長西田宗生笑言：我是公司最底層
Look out for further updates on our Facebook fan page!
Follow CTgoodjobs for the latest career news, hot topics and recommended jobs!