Next
【年度評核】做Appraisal 得啖笑？事主：最後咪人夾人緣！
【年度評核】做Appraisal 得啖笑？事主：最後咪人夾人緣！
2023-01-13
普遍公司都會至少會為員工進行一次年度評核（Appraisal），審視員工過往的工作情況，從而提出改善的方法及制定來年的目標。有打工仔在香港討論區分享自己對Appraisal的看法，認為Appraisal只是「得啖笑」，大嘆「最後也就是看人際關係！」
點圖了解更多事主分享：
「好明顯係睇你同你上司夾唔夾，唔係做唔做到嘢，上年度我明明係0 Sick Leave，喺Performance畀最高個級別我，但另外有啲位都要扣我分，真係搞錯，明明往年Performance反而無咁好，但都畀佢扣梗啲分！佢咁咪塞住你把口，話『嗱！我畀咗最高啦，不過你其他方面唔夠好』，其實搵笨。」
網民回應：
A/一向都覺得Appraisal好無聊，完全係睇上司個人喜好，間公司同上司差，又唔可以話返佢哋轉頭，不過打工係咁無奈，真係睇彩數
B/人夾人緣
C/真係多餘，做嚟無用
D/如果你做咗人哋上司，下面有一班下屬，你係咪會同老闆提議取消Appraisal？如果唔用Appraisal，咁應該根據咩去升人職？所有人加薪幅度係咪要一樣，升職按年資，定抽籤決定？
E/刷鞋唔做嘢一樣高分
F/返工社交力一定要有
G/純粹畀上司批評，你唔會有意見可以講
H/其實Appraisal的確帶有主觀同客觀因素，係咪公平，難以定論。但正常個分數一定不會比滿分，否則你就唔會有進步空間。另外評分都會睇attendance、遲到、早退、病假同no pay，全部都會有記錄，呢啲就係客觀數據，無得反駁，所以晉升選拔中，良好嘅出勤記錄係有絕對優勢。
Appraisal的意義視乎個人而定？
對於事主的看法，網民都有兩種不同的回應，有網民認同事主的看法，認為做Appraisal是完全沒有意義，評估充斥着上司的個人看法，即使不工作，只是拍馬屁也能在Appraisal獲得好的分數。相反，有人反駁事主，指若不以工作表現評分，又如何選定升職及加薪的人選？
Appraisal是否有存在價值？這一切都視乎你的上司及公司是以事論事，還是「玩針對」，打工仔反思自己過去一年的工作表現，若發現有所不足，應該好好反省，想出解決方法，並非自怨自艾；不過，要是你認為自己工作表現良好，仍被上司針對，或許現時的職位不適合你。
做Appraisal有甚麼禁忌？（點圖了解更多）
即睇8條問題準備年度自評：
🌟免費獨家「大學生銀行MT/GT攻略」🌟
CTgoodjobs聯同HKCareers為有意應徵銀行管理培訓生（MT）的大學生，精心準備「銀行MT/GT攻略」，內容涵蓋銀行MT常見面試形式、題目大全、求職準備項目等資訊，還提供市場上熱門MT及GT職位空缺，幫你順利踏上MT之路：http://bit.ly/3VdJFI2
最新專訪片︰
30歲蘇麗珊轉型做唱作歌手 大爆曾經5點起身返咖啡店、做地盤
Look out for further updates on our Facebook fan page!
Follow CTgoodjobs for the latest career news, hot topics and recommended jobs!