【失業潮】8個月無工開自我價值崩塌 網民失業心情實錄：每日我都懷疑自己仲有無價值！

失業數月，寄出數百份CV（履歷）無回音，這種無盡等待與挫敗感，其實是很多打工仔在經濟下行期的共同經歷。每天望着天花板，只可反覆問「係咪自己真係無價值？」，「會唔會一世都搵唔到工？」。當生活只剩下求職這個單一目標，信心同自尊一日日被蠶食，自然變得愈來愈「頹」、愈來愈自我懷疑。

網民在網上平台「Threads」上發文指自身已失業8月，在求職路上困難重重，減薪，降低職級要求也不獲錄用。每天就是處於不斷自我懷疑的狀態，覺得自己完全失去價值。市場經濟情況每況愈下，但事主奮力自強，努力堅守在求職的道路上，保持正面樂觀的態度，最終覓得如意工作，更獲加薪一成。事主將經歷分享於網上勉勵同路人，獲一眾網民熱議。

即睇8個月失業心情實錄！（按圖了解）

+36

+35

事主：近排見到好失業搵工嘅Post有感而發！

之前被裁員失業8個月，我諗我應該send咗幾百份CV！Contact咗十幾廿個Head Hunts。但上年年底個市靜到爆！完全無Interviews 咁！超級灰！

我每日瞓醒望住間房天花板，覺得自己好無用，會唔會成世人就咁樣無人請，個人愈來愈頹！

正正因為咁，我迫自己要換件衫，去Library搵工。我一直係個無乜自我價值嘅人，過去只用自己搵幾多錢去衡量自己嘅價值，一旦失業了，就覺得自己係零。

去食碗米線，都會諗啲姐姐仲有價值過自己，人哋有份工有份收入，唔會好似自己咁無所事事！

我失業呢件事，我完全無同屋企人同朋友講，只係同咗最friend嘅閨蜜講。

當時聖誕節新年好多Gathering，我都唔係好想去，但為咗阿仔有啲節日氣氛先去。

身邊朋友幸福家庭，事業順利，生活過得好好，令我覺得自己仲廢！

如是者，過完農曆新年之後，我降低要求！Expected Salary減4成，Apply middle Level嘅位，然後多咗Interview機會！

前前後後大約見咗十幾份工，3月份開始陸續收到3個Offer！2份減人工4成，1份超過分Offer Paycut 6成。

其他唔請我嘅，有一啲可能係Senior Role覺得我唔夠好！有一啲可能係唔放心我Overqualified同Paycut！

正當我諗住Take其中一份Paycut 4成嘅工，就收到宜家呢份工嘅Offer，人工仲要多過我上一份工10%！如是者，我就完結咗8個月的失業日子了。

搵工嘅過程真係好疲累，每一份工都要見2至3次，每一次In完無消息都好氣餒！

但我都欣賞自己嘅堅持！無論有幾遙遠嘅工，我都會做足準備去見，整好PowerPoint Slides，話畀Interviewer 知如果佢請我，我會點樣做好佢。所以，Interview衰咗唔緊要，每一次可以檢討自己有咩地方可以改善，對方唔請你，可能人哋背後好多考量點你唔知道，根本唔關自己嘅能力事。

網民A：我都經歷緊，已經3個月，一個Interview都無！每個人都叫我唔使擔心，Profile好靚，等機會啦！多謝你分享原來真係會等到！

網民B：雖然唔知你做邊行，不過睇你應該係做開高層位，落返Manager已是降級。減人工都預咗，始終職級唔同。所以你搵得返高層都算好彩。

網民C：最慘係高層位！市場上空缺好少！就算肯降Grade減人工，僱主都唔會考慮你！完全係高不成低不就，夾喺中間。

網民D：你可以調轉心態，點解一定要搵工，唔自已發展自已興趣為職業！如果你諗唔明白，你只會活係人地嘅世界！

網民E：我由3月開始失業，都Apply起碼超過60份工，都係得6個Interview，所以完全體會到你心情。個人認為呢段時間最緊要保持心態平衡！多啲做吓運動同做下其他嘢去分散吓精神壓力！

網民F：恭喜你搵到心儀嘅Offer！你嘅經歴好勵志，希望多啲人知！

網民G：經濟唔好，香港人大家都要撐住大家！年年難過年年過！

網民H：你好叻，柳暗花明有又一村，希望你新工順利！

網民I：作為同路人，想同你講聲加油！

網民J：長期搵工狀態真係好Toxic！蠶食個人意志，懷疑自己……

網民K：堅持唔放棄總會見到希望！咁講好似好行，但好多嘢都係命中注定！工作都好講緣份！

8個月失業的經歷，充分體現經濟寒冬下多數打工仔的無力與掙扎。不停投遞CV、面試受挫、降級降薪，過程十分消耗精神，但也讓人學懂了調整自身期望、檢討與成長、堅持與努力。有時被拒並非自己不夠好，而是現實市場和職位選擇的遊戲規則。即使過程灰暗、懷疑自己，也要相信峰迴路轉之後，總有一份屬於自己的崗位和價值。

延伸閱讀：【見工面試】Second-In完無回音好氣餒！ 到底表現上有咩問題？ 十大面試建議助一擊即中！

+29

+28

延伸閱讀：【市場現況】失業潮搵工難？ HR親揭：返工前No Show成風氣，請人仲難過搵工啊！

延伸閱讀：【世代裁員觀】被裁員好丟架？長輩驚寫花CV 建議事主傾自願離職 網民：被裁先最值錢！

►最新【政府/公共機構】職位空缺  

►最新【行政】職位空缺   

►最新【銀行/金融】職位空缺  

►最新【非政府組織/社福】職位空缺     

►最新【人力資源】職位空缺

最新專訪片︰

【office豪華旅行團】GT Group超日系辦公室展現年輕活力 仲有Poolside畀員工放水燈！

⏩⏩  需要請人？立即刊登招聘廣告！  ⏪⏪