【失業潮】失業前上司月薪15萬人工減50%都冇人請打工仔：爬太高唔係好事

2024-03-27

全球市場依然疲弱，各大企業繼續裁員或暫緩招聘，令失業潮持續。有網民在連登討論區發文，表示前上司失業數個月，願意減薪5成仍找不到工作，令他感嘆職位、薪酬太高亦不是一件好事。

按圖了解事主、網民分享：

樓主：「我老細15萬人工，做中資公司嘅head位，新年被人兜咗，依家都未搵到工，減50%都無人要。屋企又大開支，成日買名牌、靚錶，小朋友又讀國際學校，好大壓力。」

網民A：唔通越低越好？只係上咗高位，唔肯落低位，搵2萬我唔信搵唔到。

網民B：如果做咗10年都咁高人工，咁應該都儲咗唔少錢。

網民C：當搵呢個數時，好難慳住使。一冇咗收入，就算有儲蓄，啲錢都會倒水咁。

網民D：15萬一個月，慳啲使，每月儲10萬，一年都120萬。醒少少都有一、兩層樓收租。

網民E：一個月使費10萬好，點都應該要有5萬儲。

網民F：如果一個人搵錢，要養四大長老加小朋友、供樓、交稅，仲有一年去幾次旅行，其實儲唔到幾多。

網民G：人哋一年都180萬，不如擔心自己好過。

網民H：生存就唔會有問題，但人哋中產講緊生活。積蓄一定會有，唔使擔心！只係積蓄可以燒到幾耐。

不少網民都認為該前上司尚有一定經濟能力，只是儲蓄能否支持高開支生活。全球經濟未完全康復，不少失業人士都表示再就業困難，尤其有一定年資的人。如持續未能找到下一份工作，前上司應從節流出發，先改變買名牌、奢侈品的習慣，減少非必要開支。

若果失業情況未有改善，前上司可能要考慮再減薪，從而爭取企業聘用。無疑不能過上以前的生活水平，但他至少可以應付家庭基本開支。

【職場辛酸】加入失業大軍驚家人朋友擔心打工仔：點先可以唔畀人知？

【2024薪酬趨勢丨職涯規劃丨附最新統計數字】30歲應該搵緊幾錢？OO係壓力位人工好難升上去

Get latest jobs,career news and
job invitations on-the-go.