【勞工法例】除夕唔肯返工即收大信封！僱主即炒魷魚可能犯法？

每逢踏入年末，即是代表節日漸漸靠近。節日對不少零售商可謂銷售旺季，為了令商店能夠順暢運作，老闆盡可能都想準備充足的人手應付需求，不過世事豈能盡如人意？

延伸閱讀：【勞工法例】返新工HR遲遲唔肯簽約 打工仔2日後被辭退 白做無糧出？

最近在討論區就有打工仔分享自己的經驗，指自己在一間公司兼職，老闆要求他除夕上班。打工仔拒絕卻收到大信封，令他感到非常錯愕。

點圖了解更多事主經過：

1/係咁嘅，我自己平時都有喺一間餐廳返兼職，
2/我一向都係星期五、六、日都唔會「報更」，因為星期五、六，我都要幫人補習。
3/不過咁啱呢個月人手短缺，而平安夜、聖誕節、除夕同元旦呢啲大節日，缺人嘅情況就嚴重，
4/於是老闆就問我：「你可唔可以除夕返工？」
5/但我真係嗰日真係約好晒人，而佢就唔係出多啲人工，
6/所以我就拒絕咗佢，點知佢就叫我以後都唔使再返工，真係唔知講咩好。

 

延伸閱讀：【勞工法例】新同事放大假唔理公事 上司要求放假做嘢 原來係犯法？

僱主可能犯法？
以上情況僱主可能涉及「無理解僱」，根據香港法例第57章《僱傭條例》，僱主能夠證明他因以下5項理由的其中一項而解僱員工，或者更改僱傭合約，便屬於以正當理由解僱：

1.僱員的行為;

2.僱員在工作方面所需要的能力或資格;

3.裁員或其他真正的業務運作需要;

4.法例的規定;或

5.其他實質原因

若果屬於合理解僱需要支付僱員未發放人工、代通知金、未放年假（以薪代假）、未發放的年終酬金、長期服務金或遣散金（須符合相關條件）、其他合約內列明的款項。

有不少公司會以僱員行為不當作為解僱理由，例如：無故失蹤、遲到及早退等等，都算是合理；可是若果僱主以僱員態度不佳，以及感覺他不盡責等等為理由解僱僱員，就可能會被定義為不合理的解僱。

容許即時解僱的情況
僱主在甚麼情況下可以即時解僱員工？

若果僱員符合以下條件，便可當為即時解僱：

1. 故意不服從僱主合法合理的命令；

2. 行為不當；

3. 欺詐、不忠實；或

4. 慣常疏忽職責。

只是有僱員在犯了非常嚴重的過失，或者經多次警告後，仍不作出改善之下才能夠即時解僱。遇上不合理解僱，僱員可以尋求勞工處、相關勞工團體或工會的協助。

兼職僱員都受保障？
事實上在《僱傭條例》中並沒有區分「臨時工」、「兼職」、「替工」、「長工」及全職僱員。不論僱員的工作時數、獲聘職位的名稱，都受到法例保障，例如工資支付、工資扣除的限制，以及放取法定假期的權益和保障。

⏩⏩  需要請人？立即刊登招聘廣告！  ⏪⏪