【勞工法例】公司有突發工作 同事不理勸告照放AL 事後公司裁員有否犯法？

本港的疫情逐漸受控，不少行業都陸續回到正上軌道，而最新的失業率亦回落至5.5%，可見求職市場變得樂觀。經過這一年疫情影響，曾失業、曾被裁員、曾幾個月都找不到工作的打工仔，相信感受到可以公司忙碌工作的幸福。不過最近讀者阿輝就分享了自己公司老闆和同事K先生的「恩怨」，最後K先生不旦鬥氣失敗，更賠上自己的事業。

按圖了解K先生和老闆的「恩怨」︰

  讀者阿輝︰「我喺呢間公司做咗7年幾，雖然係細公司，無大公司咁多福利，但勝在好多時老闆都親力親為，大家感情幾好。呢7年幾，其實有升職加人工，老闆賺到錢都有請食飯派Bonus，可能係呢個原因，同埋基於自己惰性，所以無轉工。

我有個同事K先生，佢喺公司做咗三年左右，佢唔叫係好做得嘢，搭正返工搭正收工，算係無咩做錯嘢。不過你知喇，細公司老闆不嬲都鍾意你好打得，一個做三個人嘅嘢。其他同事日日努力做嘢，K先生又Hea下Hea下咁，老細咪唔多鍾意佢囉。之前其實老細都試過同我阿姐講，叫我阿姐同K先生講下，叫佢唔好咁懶散，但最後都無咩改善。上年疫情無咩生意，老細都無炒人，其實都算對大家好好㗎啦。

呢排疫情好咗，生意多返好多，最近老闆仲話接到單大生意添。老細希望所有同事都可以幫手處理呢個Project，咪同大家講盡量唔好請AL，盡快搞掂佢囉。點知K先生有日同我講，話佢諗住請7日大假…我有同佢講，老細會唔高興，但佢一意孤行。咁我都勸過佢，佢又唔聽，我都無嘢可以再講啦…老細知道咗之後，佢火都嚟埋，仲鬧爆我阿姐，問點解畀佢請假，咁阿姐話呢啲係福利嚟，無得唔畀佢請…

好啦！個Project做到一半，K先生返嚟啦，佢諗住睇下有冇嘢可以幫手做啦。點知老細講到明唔可以畀K先生跟任何嘢，直接放逐佢，連之前跟開嘅Project都要佢交晒畀其他同事。其實大家都知道有啲嘢架啦，不過一直見老細未有行動，咪睇定啲先囉。去到K先生返嚟之後第三日，佢突然被老細叫咗入房，出返嚟之後仲嬲爆爆。一問之下，原來老細係要炒佢，仲話會賠足一個月糧畀佢即走…我哋全部人都呆晒，都係放個假啫，其實係基本嘅員工福利。無諗過老細今次企到咁硬，不過都理解嘅，始終細公司拎到單咁大嘅生意，都會著緊啲。我同啲同事講，話以後老細話A就A，唔好逆佢意，除非你想被人炒啦…」

延伸閱讀︰【惡劣天氣】老細收集員工地址 計準出門時間 問：點解掛黑雨個時間你唔係搭緊車？

如何定義裁員？
根據勞工處在《勞工法例》第11章列明，裁員是指僱員若基於以下原因被解僱，即視作因裁員而被解僱：
1/ 僱主結束或準備結束營業而解僱僱員

2/ 僱主停止或準備停止經營僱員受僱的工作場所而解僱僱員

3/ 僱主對僱員所擔任的工作，或對僱員在其受僱地點所擔任的工作需求量縮減或預期會縮減而解僱僱員

至於以下的情況則視為「停工」︰
1/ 在任何連續 4 個星期內，不獲僱主分配工作並不獲支付工資的日數 超過正常工作日數總和的一半

2/ 在連續 26 個星期內，不獲分配工作並不獲支付工資的日數超過正 常工作日數總和的三分之一

延伸閱讀︰【勞工法例】試用期內辭職7日通知？點解打工仔被HR鬧曠工？

 

延伸閱讀︰【新冠疫苗】強制員工打疫苗是否違法？不打針被解僱又會點？平機會話…
 

⏩⏩  需要請人？立即刊登招聘廣告！  ⏪⏪