【兩文三語】 見工要求精通兩文三語 不善廣東話應徵者：我會問返佢講普通話得唔得！

普遍公司在發出的招聘廣告上也會列明對該崗位的要求及工作內容，免卻到面試應徵者時才發現面試者達不到崗位工作技能所需，浪費彼此時間！然而仍會有部分求職者抱着「我可以學！」的心態應徵！惟職場並不是學校，僱主真的會願意「等你學」嗎？

有網民在網上平台「Threads」上分享指早數月前，他的公司正在招聘一位前線應對客人的崗位，然而在招聘廣告上也有列明應徵者需要精通兩文三語（即廣東話、普通話及英語）。其中一位應徵者在CV上表明自己乎合以上條件，惟到了面試考核時間才坦言自己其實不懂廣東話，更表示若要應對廣東話客人時，他會反問對方「你能說普通話嗎？」令HR即場「血已嘔！」，引網民熱議。

即睇事主分享及網民回應：（按圖了解）

+26

+25

事主：早幾個月，我要請一位前線要對人嘅崗位，Job Adv 度都寫明要識兩文三語！宜家啲工，愈來愈多00後申請者，佢哋通常標榜自己咩都識，兩文三語Excellent！面試嘅時候問完英文，就用廣東話傾吓偈！
我：「我宜家問你一條情景題，你幻想吓你坐counter，有人向你查詢，測試一吓你會點樣應對！放鬆啲！宜家開始！」
求職者：（普通話）「你能說普通話嗎？我聽不太懂，我只聽懂一點點！」
我：（普通話）「你在履歷上表示自己廣東話也是excellent，因為我們這個崗位是需要面對本地及國際查詢者，你可以試嗎？」 
求職者：（普通話）「我會學習廣東話的，我相信半年內我的廣東話會excellent！不過你儘管說問題，我必定會做得很好的！」
我：「（情況係咁），好啦，請問你會如何應對呢？」
求職者：（普通話）「我會跟他說，你能說普通話嗎？」
我：「那如果他不會說呢？」
求職者：（普通話）「普通話是全球通用語言，能說普通話是基本的事吧？他不懂的話，也應該要好好學習一下啊！」
血已嘔！拜拜Next！

網民A：我公司最近都請人，九成半都寫Putonghua、English，Cantonese都Fluent，所以宜家考慮緊1st round online interview算……

網民B：他們邏輯係咁，我哋Team meal去中上環的西餐，在場只有講英文的侍應。我老闆英文唔好，問我哋：「點解佢哋要捨棄會嚟幫襯嘅內地人客人，唔請會講中文嘅服務員？」我望住全場30%外國人，70%應該會識英文嘅白領……

網民C：英文先算得上全球通用？

網民D：我都試過要同HR合作請我個位嘅replacement，招聘廣告寫明要精通廣東話，但有起碼5個內地Applicant份CV無提到呢樣嘢（全部都係喺香港讀完碩士想搵份工留喺香港）。於是我叫HR打電話去測試，結果5個都係唔識聽唔識講嘅，即時再見！

網民Ｅ：我覺得如果面試請人可以拍片出YouTube，過百萬訂閱應該唔難！

網民Ｆ：如果履歷上話自己識廣東話，然後面試答情境題竟然問用廣東話查詢嘅人「能說普通話嗎？」呢啲咁嘅思維價值觀態度，可以叮走，好趕客！

網民Ｇ：唔識真係唔緊要，但好心就直認唔識啦！

網民Ｈ：現在職場上好多人認為語言上嘅問題上司同事都會畀佢哋慢慢講！但，佢哋好理解力都係有困難！如果職位上需要快狠準，大部分人都要好長時間適應！簡單啲講：請呢啲人返嚟，激死自己！

求職場在面試見工過程中，若遇上不慬得回答的問題時可以選擇坦言自己不知道，展現出自己坦誠的態度，也可留下正面的形象予面試官！同時也不建議求職者在CV上虛報自己慬得的技能，即使在面試時沒有考核順利入職，入職後也會很快被人識破，到時工作機會成危更得不償失！
 

延伸閱讀：【見工面試】interview畀面試官問到口啞啞可以點算好？

+9

+8

延伸閱讀：【面試技巧】見工講自己缺點會扣分？Google HR教路：「未成熟人才」反而更著數

延伸閱讀：【面試技巧】HR問「你犯過咩錯？」咁答即加分！

►最新【政府/公共機構】職位空缺
►最新【行政】職位空缺
►最新【銀行/金融】職位空缺
►最新【非政府組織/社福】職位空缺
►最新【人力資源】職位空缺

最新專訪片︰

【office豪華旅行團】GT Group超日系辦公室展現年輕活力 仲有Poolside畀員工放水燈！

⏩⏩  需要請人？立即刊登招聘廣告！  ⏪⏪