Next
【僱傭條例｜試用期及有薪年假】打工仔試用期後想請假見工？｜拆掂公司問長問短！
【僱傭條例｜試用期及有薪年假】打工仔試用期後想請假見工？｜拆掂公司問長問短！
2024-07-30
【請假見工｜SL定出AL大絕？】雖說良禽擇木而棲，但如果打工仔剛過試用期，又發現自己想另覓新東家，該怎麼辦？近日有位新入職打工仔於社交平台專頁「奴工處」投稿分享，指自己剛通過了試用期，惟他開始發現老闆有躁狂症，每日都不停鬧人，令他萌生去意。打工仔欲請假見工，投稿請教各位網民有甚麼好建議，令他可在有工作情況下跳槽。帖文刊登後，惹來不少網民熱議，更向樓主提出兩招大絕！
過試用想請假見工｜請假去見工？
按圖即睇樓主分享及網民回應：
過試用想請假見工｜打工仔真實分享
打工仔分享：新入職過咗probation，開始覺得個老闆係躁狂症，日日鬧人唔使本，想轉工，但係又冇資格裸辭，而家想再搵過另一份，但係如果要見工又要請假，最弊嘅係公司連請假都問長問短，好想請教一下各位如果喺想返緊工嘅情況下跳槽，會點樣請假見工或者有冇好建議分享呢？
延伸閱讀：【打工仔被炒】請病假去見工被公司發現！HR批打工仔無誠信決定即時解僱 網民：你下次都係請AL去見工啦！
過試用想請假見工｜網民又點睇？
網民A：其實請AL佢無權問。不過如果你咁情況，一係請SL啦。
網民B：呢排菌勁，仲唔把握機會。如果係女，賴埋M痛。
網民C：Sick Leave，記得睇醫生拎醫生紙，病假大晒，冇得唔俾放，只要有醫生紙。
網民D：我覺得好似睇緊自己經歷，好似脫北咁。P.S.病假，屋企有事…etc…發揮下想像力啦。
網民E：睇你有幾想轉工，想轉工自然會搵到方法去見。
網民F：Lunch time online interview。
網民G：咁大壓力，成日病都好正常。
網民H：其實直接請假或者sick leave咪得囉。
網民I：SL，屋企有事。
網民J：收工見、lunch time見、Zoom見、返緊工蛇出去見、返緊工匿埋Zoom見。
網民K：直接病假，隨時請得又有理由。
網民L：裸辭唔係講有冇資格，係有冇必要，投稿者你的情況係有必要。盡快辭職，否則會出現心理病，到時手尾長。信我，我係過來人。
網民M：過咗3個月按比例有起碼3日大假，攞大假咪得囉。
延伸閱讀：【勞工法例418│病假、休息日點先有？】418計算方法一覽 兼職都有有薪假？勞工法例年假、食飯時間規定懶人包
帖文刊登後，大部份回應的網民都認為，該名打工仔應運用Sick Leave（下稱：病假）或Annual Leave（年假，下稱：大假）來見新工。同時，亦有不少網民指，如果樓主去意夠強，自然會有方法，更列舉了一些例子讓樓主參考，例如：下班、午飯時段、視象會議、上班途中偷走或躲藏起來，以上皆可。另外，有數名網民則表示該名打工仔的經歷跟自己相似，更指出裸辭沒有資格之分，是看有沒有必要性，如最後出現心理疾病，情況或會更糟糕。
過試用想請假見工｜入職首1年不能請年假/大假？
此外，其中一名網民因見到有留言指可以透過請大假去見工，故他提醒如果公司「執到正」的話，或會不允許申請，因該名打工仔聲稱自己剛過試用期，有些公司列名僱員要於受聘12個月後，才可申請入職後首12個月的大假。即使公司沒有相關政策，大假的日子、申請皆可由公司一方決定及審批，即使最後不獲審批，樓主都沒有辦法的。
過試用想請假見工｜求職者對假期政策的常見誤解
其實仍有不少人未明瞭法律保障下的假期政策，更常對病假、大假等有錯誤的理解，對於僱員的大假、病假定義，都有清楚列明在《僱傭條例》上，以下CTgoodjobs整合了3個常見誤解供，各位求職者或僱員參考。
按圖睇睇，求職者對假期政策的3個常見誤解！
過試用想請假見工｜勞工法例怎樣說？
根據香港勞工法例，雖並未列明病假期間可否外出，然而若僱員的病假屬有薪，而公司質疑僱員有意欺騙公司的有薪假期，公司有權向僱員展開調查。若證據確鑿，僱主可即時解僱僱員，而無須預先通知或給予代通知金，甚至有機會負上刑責。
《僱傭條例》第9條僱主在以下情況，可即時解僱僱員，而無須預先通知或給予代通知金。如果僱員在與其僱傭有關的事宜上：
- 故意不服從僱主合法合理的命令；
- 行為不當；
- 欺詐、不忠實；或
- 慣常疏忽職責。
僱員參加罷工，並非僱主無須給予通知或代通知金而終止合約的合法理由。
仲有可以睇埋，10個合情合理請SL理由及例句！
Look out for further updates on our Facebook fan page!
Related Articles
Follow CTgoodjobs for the latest career news, hot topics and recommended jobs!