【人力資源】老闆要求唔好請1類人！HR得知原因感憤怒：咩奇怪理論？

每個行業、每間公司對員工都有不一樣的要求，為求更迅速找到適合的人選，人力資源從業員（HR）都會諮詢部門主管及老闆的意見，再整理出招聘條件。有台灣HR在網上討論區Dcard分享個人經歷，指老闆要求不要取錄1類人，讓事主感到無奈及憤怒，「這是甚麼理論？」

點圖了解更多事主分享：

+13

+12

「目前我喺一間中小型公司任職HR，雖然係細公司，但福利都幾好，我都希望為公司搵到適合嘅人選，所以我就將幾位我認為喺面試中表現唔錯嘅求職者，按排序咁交畀老闆。點知老闆同我講，叫我以後唔好揀啲面試表現好嘅人。我不禁『吓』咗出聲，佢同我講太叻嘅人都會騎牛搵馬，做得唔長。真係啲咩奇怪理論，所以我當你公司係牛？所以你當初請我都係因為我唔掂？我差啲枱都反埋，真係唔明佢想點。」

網民回應：

A/我相信你老闆係有親身經歷，知道優秀嘅人才都留得唔長先咁講，自知自己公司係牛都好正常，因為係細公司，做老闆應該有客觀嘅審判，而唔係自信心爆棚，建議你學吓佢嘅處事態度。

B/我覺得你老闆思維幾好，唔似啲人對員工要求好高，但人工畀得嗰少少。

C/公司係要奴隸，唔係英雄。

D/代表你老闆都知道公司條件係點，請唔起啲太優秀嘅人。

E/好合理啊，有公司見到啲好掂嘅人都知佢哋做唔長，唔需要太優秀嘅人，只要做到嘢就得。

F/你要人力定人才？睇你老闆係要人力。

G/都無錯，我都唔鍾意請啲好優秀嘅大學畢業生。因為呢種做2至3年嘢就會走。

H/我哋公司都係咁，甚至我被請嗰陣，主管直接話我知，「其實另一位後選人各方面都好優秀，但公司考量到穩定性問題，妳前一份工喺家族企業做咗好耐，所以最後決定請你。」因為嗰次畀我知道，面試唔係搵最優秀嘅人，而係最適合嘅人。

I/你嘅思維聽起來，好似冇乜HR經驗，老闆反而好老練，而且了解自己公司狀況。

J/老闆嘅思維好正常，你就唔好諗太多。

理解公司對職位的要求
對於事主的分享，網民都認為「少年，你太年輕了」，指老闆是過來人，知道甚麼求職者最適合公司，才會說出這樣的話。有人覺得事主的老闆定必是有親身經驗，才會決定不聘用優秀的人才。談及面試過程，有網民分享親身經歷，指自己被聘請的時候，部門主管告知因為穏定性而放棄另一個優秀人才，當時他才明白招聘並不是找最優秀的人，而是最適合的人。作為HR，事主應該了解公司需要擁有甚麼條件的求職者，從而為公司挑選適當的人選，不一定凡事都是老闆的錯。

HR提及1個關鍵字，求職者即放棄Offer？（點圖了解更多）

+17

+16

即睇5種極速被職場淘汰的性格：

+8

+7

延伸閱讀：【職場英語】想喺Email快速表明目的？ 教你7大「For your…」用法
延伸閱讀：【職涯規劃】30歲最後悔做過邊10件事？「拍拖太少」都上榜？
延伸閱讀：【職場熱話】好奇而家返工嘅人用乜中文輸入法多？網民：而家班00後好多都用普通話拼音啦！
延伸閱讀：【職場關係】10種職場「小人」典型特徵 小心過度友善 悲觀主義者

《CTgoodjobs2023年畢業生薪酬及就業調查》結果出爐

立即按此了解更多：https://bit.ly/46UT513

最新專訪片︰

【星級斜槓族】陳欣茵離巢TVB後積極多元發展 冀踏足影圈 不希望被定型為性感路線

⏩⏩  需要請人？立即刊登招聘廣告！  ⏪⏪