【中秋節】港女同事嫌雙黃白蓮蓉月餅太肥 質問HR點解唔買五仁月餅!

【中秋節】港女同事嫌雙黃白蓮蓉月餅太肥 質問HR點解唔買五仁月餅!

中秋節將至,不少公司都會向員工派發月餅券,或請員工食月餅、食生果之類,而月餅的種類則按每間公司的喜好而訂,大家最喜歡收到甚麼款式的月餅呢?

延伸閱讀:【中秋節】同員工歡度中秋 一個果籃50人分 網民:原來真係有五餅二魚…

有網民在香港討論區上發文分享,指自己有一位港女同事,對公司贈予同事的月餅種類有很大的不滿,更加去質問HR,表達自己對月餅種的見解,網民在討論區上以「港女同事嫌月餅太肥,問HR點解唔買五仁月餅」為題分享,內容令人嘖嘖稱奇,沒想到會有如此麻煩的同事……

即睇事主分享及網民回應:(按圖了解)

事主:「我個港女同事,見到今朝pantry有月餅,佢好不滿咁返嚟呻,話點解會買雙黃白蓮蓉同奶黃月餅,唔知呢啲月餅好肥咩?應該要為咗同事嘅健康着想,買五仁月餅先啱!

我平時都唔會理佢,港女同事見冇人理佢,佢走去問HR問點解唔買五仁月餅?HR話又冇人食五仁月餅,你想食嘅話可以自己拎返嚟share埋畀其他同事。港女同事:『咁月餅應該係公司福利嚟㗎嘛,點可以我自己畀完錢買,仲要share畀其他人食?五仁月餅我都係食一啖應下中秋咋,我唔會食晒成個囉!』

呢個女人真係癲癲哋,唔通為咗你買一盒月餅返嚟,仲要淨係食4分1咩?浪費埋呢啲錢買冇乜人食嘅月餅,不如用嚟買燈籠掛起佢冇咁嬲!覺得肥咪唔好食囉,月餅又話嫌肥,要買五仁月餅,但平時又見佢成包薯片咁食,唔通薯片就唔肥?」

網民:「食冰皮,健康又好食。」

網民:「冰皮我驚佢要嘆凍返先食。」

網民:「叫個港女同事買雪糕月餅嘛!」

網民:「已經估到佢會答女仔唔好食咁多凍嘢!」

網民:「五仁月餅都好高糖份,唔好以為健康好多。」

網民:「五仁個卡路里都唔少。」

網民:「果仁熱量都高。另外,五仁好乾,好難入口,但五仁月餅就唔會,點解?相信佢冇諗過,哈哈。」

網民:「OMG,五仁月餅超難食,點頂得順呀大佬?」

網民:「怕肥,佢可以唔要㗎!」

網民:「其他同事唔需要食?淨係顧自己就夠?」

網民:「怕肥就任何月餅都唔應該食!其實你坐到CEO、CFO個位食乜餅都得。」

網民:「五仁同榴槤差不多,鍾意嘅就好正,唔鍾意嘅聞到陣味都難頂。」

網民:「碌柚肯定受歡迎過月餅,而且更健康,以後大家都買碌柚。」

網民:「五仁咁難食,有冇諗過其他同事鍾唔鍾意先!」

麻煩同事
不少網民都為HR感到為難,面對如此野蠻的同事,真的不知如何是好。留言中很多人都覺得五仁月餅極難食,所以有網民建議HR可以做個簡單調查,以調查結果令港女同事閉咀;又有網民分享,因為公司知道未必所有人都喜歡食傳統月餅,所以每年都會讓同事選擇要月餅券還是超巿現金券,個人選擇不會影響所有人,其實都是一個不錯的做法!

不過,令人最看不過眼的,可能是該港女同事說怕肥,但平時又不停食薯片吧?

延伸閱讀:【中秋節】同員工歡度中秋 一個果籃50人分 網民:原來真係有五餅二魚…

延伸閱讀:【職場熱話】同事成日話公司衰 勸喻大家早走早着 但自己十幾年都仲喺度…

延伸閱讀:【職場熱話】打工仔嘆返shift好難約朋友 網民:唔通返shift等於斷六親?

延伸閱讀:【職場熱話】同事瘋狂𢲷頭 頭皮屑飛到周圍都係 同事:真係六月飛霜…

⏩⏩  需要請人?立即刊登招聘廣告!  ⏪⏪

Advertisement

Look out for further updates on our Facebook fan page!

Related Articles

  • 【領導技巧】下屬犯錯 應該要讚咗先?即刻鬧都冇幫助

  • 【Z世代職場】逾5成新世代唔想做夾心管理層!點解有得升職都唔想?

  • 【工作效率】研究:每工作52分鐘休息17分鐘 最高工作效率 網民:調返轉仲高效率!

  • 【留才策略】要令員工留低好困難!逾半企業遇上「留才困難」!點先可以減少流失率?

  • 【效率提升】告別拖延症!HR私藏5個工作效率提升技巧大公開!

  • 【時間管理】HR必學的5個時間管理妙招 準時放工冇難度!

  • 【優先順序】分唔清輕重緩急?HR教你如何決定工作嘅優先順序 唔再手忙腳亂!

  • 【求職天書|面試問題攻略】見工被問上一份工離職原因 6大模範答案得HR歡心(內附提升面試成功率方法)

  • 【員工溝通技巧】絕不能容許「Sorry,我唔記得咗!」呢句話出現!你團隊管理可能大有問題!

  • 【管理學問】上司就可以乜都唔做 指指點點?要服眾就要適時展現實力!

刊登招聘廣告
;
Follow CTgoodjobs for the latest career news, hot topics and recommended jobs!
Maybe Later Follow