【騷擾工作】隔籬同事成日自言自語 好煩擾！網民細數返工滋擾行為：大聲播歌！

在辦公室工作，往往要面對各種令人困擾的情況，而同事的行為習慣更可能成為工作環境中最大的煩惱來源。近日有網民在討論區Dcard上以「隔籬同事成日自己同自己講嘢」為題，分享被同事的「自言自語」行為困擾，引起不少職場人士共鳴，紛紛分享自己遇過被滋擾的經歷。

從大聲播放音樂、不停嘆氣、敲打桌子，到不斷咀嚼零食發出聲響，這些看似微不足道的行為，長期累積下來卻足以影響同事的工作效率和心理健康。在開放式辦公室日漸普及的今天，如何在保持和諧的同時，又能妥善處理這些職場噪音困擾，成為不少打工仔女必須面對的挑戰！

延伸閱讀：【職場溝通技巧】辦公室環境太嘈吵 應該如何有禮貌地表達不滿？即睇10句實用英文句子

即睇事主分享及網民回應：（按圖了解）

+13

+12

事主：「我本身對聲音比較敏感。公司坐豬肉枱，隔籬同事成日自言自語，唔知我係覺得佢kam定係覺得佢嘈，總之佢一同自己講嘢，我就會覺得好唔舒服！我試過一邊耳仔帶耳機聽歌，唔戴兩邊係因為做嘢會唔方便，我覺得自己好難唔去在意佢把聲！佢係一日有6至7成時間自言自語，我好難專心做嘢……我係廢柴，唔敢開聲同佢講，怕傷佢自尊，同埋都冇得調位。

我就嚟癲！已經有同人呻但係都冇咩用，想問有冇人都係咁？應該點算好？」

網民：「1.正常人做法：禮貌咁同佢講，佢自言自語嘅行動令到你好困擾，希望佢可以停止；2.白卡做法：鬥癲，佢講一句你就播返5秒刮黑板/尖叫聲。建議先1後2。」

網民：「我公司都好好多同事做啲滋擾行為！我有個同事好鍾意聽歌，話覺得office太靜，所以大聲播歌！大佬？你有冇理過啲需要寧靜空間嘅人？要聽歌你戴耳機啦！」

網民：「好多人都當公司係屋企，搞到人都唔自覺……我公司茶水間有個阿姐做清潔，佢直程當咗茶水間係自己廚房，成日買餸返嚟喺度洗菜切菜！雪櫃大家用嚟放飯盒，佢就放啲生肉喺側邊！呢啲都好難搞……」

網民：「寫匿名紙仔畀佢，叫佢收聲。師兄怯就輸一世啦！」

網民：「我阿媽同老公都係呢啲人，Ignore到當然最好，唔得嘅試吓佢講乜都搭嗲，等佢知你聽晒佢講乜。」

網民：「佢講咩你不斷答嘴，講到佢唔夠膽講。」

網民：「文職見不少自言自語，多數忙應諗緊嘢先見到，見慣不怪。」

網民：「自己同自己講嘢！要大聲過佢！」

網民：「講開聲音騷擾，我有個同事日日沖咖啡都超大聲，又磨豆又搞呢搞路，不過都係一陣，同埋幾香，所以就算啦！」

網民：「申請辭職，話隔籬嗰個太嘈！」

網民：「有時都唔明點解啲人無時無刻都可以發出聲響！我有個同事，平時所有嘢都粗力粗腳好鬼大聲，到Lunch Time食嘢又大聲，睇片又大笑，然後小睡就有鼻鼾！救命呀！」

應採取甚麼方式處理？
從網民的分享可見，辦公室滋擾行為種類繁多，影響不少同事的工作效率和心理健康。面對這些情況，我們建議可採取以下方式處理：

+1

1.直接溝通：以友善和專業的態度，私下與當事人溝通，表達困擾並尋求互相理解和改善方案。

2.善用工具：可使用降噪耳機、隔音屏風等工具，為自己創造較為寧靜的工作環境。

3.尋求管理層協助：若問題持續，可向上級或人力資源部反映，讓公司從制度層面作出適當安排。

4.建立共識：建議公司制定明確的辦公室禮儀指引，讓所有員工都能遵循相同的工作場所準則。

最重要的是，每個人都應該謹記：開放式辦公環境中，互相尊重和體諒是維持和諧工作氣氛的關鍵。在表達自己需求的同時，也要顧及他人感受，共同營造一個舒適的工作環境。

延伸閱讀：【職場溝通技巧】辦公室環境太嘈吵 應該如何有禮貌地表達不滿？即睇10句實用英文句子

+8

+7

延伸閱讀：【奇怪同事】同事鍾意對空氣自言自語 打工仔：佢想點啫

延伸閱讀：【I人地獄】一人一個內向仔職場行為！網民：行樓梯返工放工 唔想同人接觸！

最新專訪片︰

【Office豪華旅行團】安永會計重視多元和企業社會責任 培養包容性的企業文化

⏩⏩  需要請人？立即刊登招聘廣告！  ⏪⏪