【遲到返工】兩個下屬鍾意例遲 前上司習慣包庇 應該整頓定容忍?

【遲到返工】兩個下屬鍾意例遲 前上司習慣包庇 應該整頓定容忍?

不少年近三十的打工仔,可能已經慢慢升上一級做初階的管理層,即成為別人的上司,不過,因為一直是做人下屬,未必個個都懂得成為一個好上司,遇到管理下屬的問題時,有時會不懂得處理……大家又有遇到過甚麼狀況呢?

延伸閱讀:【履歷表】職業辯論員、高人 即係乜嘢?求職者CV職業title惹討論!

有網民在社交平台專頁「奴工處」上分享自己正在面對一個難題,因為自己新入職,有兩個比自己年資長的下屬,他不知道應該怎樣與他們相處,加上下屬經常指前上司會怎樣做、怎樣做,另事主都有一點壓力,不知道應該參考他們前上司的做法,還是應該「新官上任三把火」好好地整頓不良的風氣,來一個「下馬威」好?

即睇網民回應:(按圖了解)

事主:「新入職有兩個下屬跟我,公司返工時間係10am,佢哋例遲到11:30am後先返,佢哋話習慣咗係咁,而且會遲走補返,前上司都OK。亦話HR問到時,前上司會求其作啲理由幫佢哋解釋。畀着大家會唔會整頓呢件事?定係照前人做法就算?利申:佢哋兩個除咗遲到,其他嘅嘢都好好好幫到手。」

網民:「入鄉隨俗。」

網民:「炒咗佢,請返個準時返工但交垃圾嘅,你就會知自己啱定錯。」

網民:「幫到手你仲想計較?想玩自己?」

網民:「如果對公司運作無影響,其他同事對佢兩個又冇意見,我覺得唔使吓吓都執到咁正嘅,事在人為嘅啫!」

網民:「遲到,但醒目、交到功課、做到嘢,定係準時,但揸流攤、玩失蹤,你自己揀。」

網民:「幫到手做到嘢,由佢啦,請人都係想做到嘢啫。」

網民:「好幫到手,你就咪鬼咁多事啦!」

網民:「作為一個上司、Leader,呢個係一個最基本、最入門、最初階要處理(或者唔使處理)嘅問題,如果咁都仲要上嚟問,不如問吓自己係咪應該做返人哋下屬好過啦。」

網民:「彈性上班時間幫到你。」

網民:「做到嘢又會補返鐘,你仲想點?」

網民:「現實係『做到嘢就得啦』!」

網民:「HR都未嘈你嘈乜嘢?迫走咗,到時交唔到功課,睇吓老細嘈唔嘈你。」

網民:「叫佢哋返11 點。又早咗又繼續畀佢哋例遲,又繼續有好幫手。super!」

網民:「經驗之談,千祈唔好畀佢哋咁樣遲,到時有咩事爆鑊,你係老細最大嗰位,一定入你數,到時齊齊要走,間公司好人嘅就由得你哋自己走,炒你嘅就慘啦。利申:以前公司真實發生過。」

應該怎樣處理才兩全其美?
有不少網民都覺得既然兩個下屬的工作能力都非常好的話,作為上司的還求甚麼呢?並認為遲到如沒有影響他們的工作進度,加上他們已經會補鐘,就更加不應該干涉他們。不過又有網民覺得,規矩就是規矩,如果縱容他們的話,之後有甚麼問責的話,作為上司的你就難辭其疚了,最差情況更可能會被炒!

那應該怎樣做才好呢?有網民提議可以向HR建議彈性上班時間,當然這不是容易爭取的事,不過可以試着提出,讓下屬知道你有為他們爭取,你是站在他們的一方的;如果真的不能爭取,就唯有說這是公司的規定,公司希望執整大家的上班時間,唯有要大家早一點上班,可以先由11am開始,然後再慢慢提早,慢慢令他們進步。

大家又有沒有更加好的做法呢?如果你是別人的上司,你又會怎樣處理如此的情況?

延伸閱讀:【履歷表】職業辯論員、高人 即係乜嘢?求職者CV職業title惹討論!

延伸閱讀:【見工面試】唔將上一間公司寫落CV 新僱主會唔會check到?網民:除非佢係FBI…

延伸閱讀:【心理測驗】一張圖測試自己有冇揀啱工作!如果喺荒山野嶺蕩失路…

延伸閱讀:【辭職學問】Last Day幾時派散水餅先好?網民提議「散水吉時」係…

延伸閱讀:【職場熱話】男同事次次開會都要人三催四請、工作訊息永遠慢一拍先覆

⏩⏩  需要請人?立即刊登招聘廣告!  ⏪⏪

Look out for further updates on our Facebook fan page!

Jobs You Maybe Interested In

刊登招聘廣告
;