Next
【返工血淚史】搭車總有人大聲傾偈、播片 打工仔：想喺巴士補眠都唔得！
【返工血淚史】搭車總有人大聲傾偈、播片 打工仔：想喺巴士補眠都唔得！
2023-06-16
在交通工具上「補眠」對於打工仔來說是非常重要的事，特別是要跨區上班的人士，睡眠時間十分寶貴。最近有網民在討論區投訴有缺德乘客，經常在巴士上大聲傾偈、播放影片，被嘈音滋擾導致不得安寧。大批網民表示有共鳴，指不明白為何總是有人搭車時高談闊論，影響其他人休息。
延伸閱讀：【返工血淚史】網民嚴選最難上車的港鐵站 邊個站比金鐘更迫爆人？
按圖了解網民的控訴：
打工仔：「好想問吓，究竟啲人係咪聾㗎？點解講電話要咁大聲？點解打機又要開到咁大聲？點解睇片又唔戴耳機？日日搭車返工，10個朝早起碼有8日都被呢啲嘈音騷擾。我唔想知你睇咩劇、隻game過唔過到關、今晚返唔返屋企食飯呀！我想補個眠都唔得，搭程車都無一刻安寧。平時就算戴降噪耳機，都隔唔到人聲，唉……」
網民點睇？
網民A：邊個叫你窮要搭公共交通工具啫，自己揸車囉～
網民Ｂ：我最怕兩樣嘢：喺Lift入面或者巴士大大聲傾偈，咁鍾意演講去參加比賽啦，無人想聽你高談闊論！
網民Ｃ：上次有個女人大聲講電話，成車人就快連佢部門嘅人名都講得出，好想叫佢收聲。
網民Ｄ：香港應該要仿效日本，喺地鐵同巴士上都唔可以大聲通話。
網民Ｅ：啲人返工放工大大聲講電話嘈到痴線，麻煩畀啲同情心，好多人生活好攰需要補眠。
網民Ｆ：唔知點解搭親車都有人唔戴耳機打機，我試過同車長投訴，結果迫到佢落車，爽！
網民Ｇ：成日喺巴士都會遇到師奶傾電話傾足全程，祖宗十八代都講晒，點解可以咁多口水？
根據《道路交通(公共服務車輛)規例》第46條，公共巴士、公共小巴或的士乘客均不得在車廂內使用或操作任何嘈吵的器具、樂器或任何留聲機、收音機或錄音機，而滋擾到任何其他人。在沒有合理辯解下即屬違法，一經定罪，可被判罰款3,000元及監禁6個月。如果市民遇到上述情況可向車長求助，車長亦可將有關人士交予警方處理。
除了公共交通上的噪音問題外，有網民整理了10種搭長途巴士時最怕遇到的乘客，部分行為有欠公德心，還危害其他人的安全。
按圖了解更多：
延伸閱讀：【返工血淚史】日日返工搭車出晒汗 打工仔嚴選7大最悶熱港鐵站
延伸閱讀：【返工血淚史】落雨返工被淋濕 打工仔︰香港人擔遮真係要考牌！
最新專訪片︰
【星級斜槓族】Jason陳柏宇入行前做過洗頭仔同送貨員 拍YouTube只為吹水好玩 自認100分爸爸 但對父親節零感覺？！
Look out for further updates on our Facebook fan page!
Follow CTgoodjobs for the latest career news, hot topics and recommended jobs!