Next
【職涯規劃】捱3年終獲升職 卻想直接離職？打工仔：因為呢4個理由做得唔開心⋯⋯
【職涯規劃】捱3年終獲升職 卻想直接離職？打工仔：因為呢4個理由做得唔開心⋯⋯
2024-04-08
升職、加人工是普遍打工仔的願望，若果能夠願望成真，相信打工仔都別無所求。不過，並非所有人都有同樣想法，有台灣打工仔在網上討論區Dcard分享個人經歷，指自己經過3年後，終於獲升職，他卻表示想要馬上辭職，坦言是4個理由所致。
點圖了解更多事主分享：
事主：「想問吓大家，會唔會為咗份糧，喺唔開心嘅地方工作？我喺目前嘅酒店做咗3年，都升咗做組長，但呢份工我一直都做得唔開心，好想走，尤其係因為公司制度唔好、人力不足、同事好難管理、啲客好煩又好多，我已經做到心力交瘁。
升咗做組長，人工雖然唔高，但唔差，做得唔開心，好想唔做，但我大學讀嘅係相關科目，我自己冇一技所長，有上網睇吓其他工，但人工都係低過而家嗰份，要放棄呢個金額，又覺得好可惜，想問吓大家會點揀？或者可以畀啲建議我嗎？多謝大家！」
網民回應：
A/同我好似，試過喺公司人工唔錯，但後嚟管人管到好攰，制度唔明確，身心俱疲，返工又唔開心，之後決定咗走，雖然而家人工冇咁高，但至少我係開心。
B/唔好做啦，因為份工係你除咗屋企，最長時間逗留嘅地方，如果長期唔開心，真係會好痛苦，做酒店想有返咁上下人工應該唔難，你仲要有經驗。
C/我覺得開心最重要，一直忍住有日會病，我聽日要走，畀我離開唔開心嘅工作環境，新工都會比而家少人工啲，但如果新公司可以開心，工作順利，我覺得少啲錢都值。
D/除非份高人工真係高到不得了，唔係捱落去冇意義。
E/儲返筆錢先走啦！
F/我會建議你做返一段時間管理職位（下份工做準備），但最後都係建議你唔好做，畢竟日日返工都唔開心，何必咁樣虐待自己？後面仲有好長嘅日子要過。
G/你都係快啲走，怕你為咗間冇前景嘅公司，搞到自己心理有問題。
H/人工唔係差好多的話，建議你都係唔好做，我都係同行，而家都做得唔開心，但無奈我想做嘅位比較少，唯有苦撐多陣。
對於事主的提問，網民都普遍建議事主盡早離開現時的公司。有人指曾經有類似的經驗，坦言雖然新工作薪酬沒以前高，但至少他覺得開心。有網民就認為，人要在公司長時間逗留，假如上班不開心，會非常痛苦，更可能會因而有心理病，為免把賺的錢用於治病，還是盡早離職比較直接。薪酬是打工仔決定去留的主要因素，不過公司的前景亦很重要，假如看不到發展空間，最好還是尋找更適合自己的工作。
辭職前要想清楚？（點圖了解更多）
千萬不如因為這6個原因轉工！
延伸閱讀：【職場英語】7大職場用語你要識！「Chair a meeting」、「Reshuffle」又點解？
延伸閱讀：【職場理財】自覺理財不遂 有可能理財能力比想像中好！5個理財指標 判斷財務健康與否！
延伸閱讀：【職場溝通】到職1周被上司「照肺」 全因1個理由！打工仔：點解要請我？
延伸閱讀：【職場文化】同事學歷低、工作少、年資少 但人工竟然高過自己！
最新專訪片︰
【金像獎背後】憑《年少日記》獲多個獎項提名 編劇、導演卓亦謙：時刻提醒自己不要心高氣傲！
Look out for further updates on our Facebook fan page!
Follow CTgoodjobs for the latest career news, hot topics and recommended jobs!