【返工紋身】見工長袖遮紋身返工短袖即出事？老細：驚你有反社會人格仲勒令事主咁樣做！

CTgoodjobs' Editor

Published: 2026-07-07 09:15

Updated: 2026-07-07 09:15

紋身在當代社會已逐漸普及，成為許多年輕人展現自我風格與文化認同的方式。然而，職場對紋身的接受度仍存在明顯落差。部分企業基於維護公司形象或顧客觀感的考量，會要求員工遮掩紋身。近日，有網民於社交專頁「辦公室日報」投稿，透露自己在求職時未主動告知身上有紋身，入職後被老闆發現。老闆質疑其刻意隱瞞，更直言「驚你有反社會人格」，最終強制要求事主做這件事。

紋身=反社會人格？

+19

+18

🔥最熱門地區職位空缺🔥
🔗職位空缺傳送門🔗
▶️【荃灣區】工作機會
 ▶️【銅鑼灣/灣仔】工作機會
 ▶️【啟德】工作機會
 ▶️【元朗區】工作機會

樓主：我返新工幾日後，老細話見到我手腕有紋身。老細：「點解你有紋身？啱啱整㗎？」我：「唔係，一向都有。」老細：「見工睇唔到㗎，你刻意隱瞞？」我：「我冇，見工著長袖，而家返工著短袖…」老細：「我唔想同事見到會覺得你係反社會人格。」而家老細要我紮繃帶遮手腕個紋身，其實只係5cm左右嘅十字架圖案，好嬲自己咁輕易妥協，但我真係需要份工。網民A：咩呀！我見有醫生都有紋身喎！無咩呀！網民B：每日痴十字型膠布去無聲抗議佢。網民C：個老闆就真係有反社會人格。

網民D：平機會。

網民E：包繃帶仲中二病。

網民F：同同事講，條繃帶係你老細叫你用嚟封印你左手隱藏嘅力量，咁啲人就知你老細有中二病。

網民G：貼膠布唔得咩？要繃帶咁癲。

網民H：有紋身唔代表工作能力低同反社會，我有好多同事都有，但大家都好叻。

網民I：遮瑕膏都遮到㗎，唔使包手，不過唔開心的話，不如努力搵過第二份工啦。

網民J：有4個紋身，舊工係日資，我最初返工都怕有問題，最後只係見客先要遮，其他日子冇人理。

網民K：見工時有冇講過唔畀紋身？老闆用「刻意」「隱瞞」呢啲小人之心嘅猜度員工先係反社會人格。

網民L：咁封建嘅思維模式，到22世紀竟然仲根深蒂固。

網民M：咩年代呀？

許多網民認為，紋身與工作能力無關，部分人更以專業人士（如醫生）也有紋身為例，反駁老闆的偏見。有人批評老闆的「反社會人格」言論過時，甚至諷刺其「封建思維」或「中二病」，建議事主以幽默方式暗諷公司政策。

部分人提出實際解決方案，如使用遮瑕膏、膠布，或只在見客時遮掩。也有意見認為，若公司文化無法接納，不如另尋更開明的工作環境。此外，有人質疑面試時若未明文禁止紋身，老闆事後指責「隱瞞」實屬無理，反映其管理思維落後於時代。