Next
【辭職時機】月薪低於2萬！每年須出差4個月應否辭職？網民：快啲走！
【辭職時機】月薪低於2萬！每年須出差4個月應否辭職？網民：快啲走！
2024-07-12
打工仔考慮應否轉工，除了薪酬外，亦會考量工作地點、內容及時間等各種因素。假如現時的工作未能符合你的要求，或者就是辭職跳槽的時機。
有台灣打工仔在網上論壇PTT分享苦惱，指自己月薪8萬台幣（約19,177港幣），每年需要出差4個月，正思考自己應否留任，網民都紛紛勸喻：「快逃！」
點圖即睇事主分享：
事主：「各位好啊！我而家喺親戚嘅一間生產公司做會計，工廠喺美國鄉下。而家我係遙距工作，公司總部喺台灣，主要職責係做現金預算、料件入庫、系統維修（美國同事成日入錯數）、核查倉存、成本計算，以及每個月出損益表同資產負債表等等。
我做到第六年，目前人工係大約8萬台幣（約19,177港幣），佢係由台幣換算嘅美金。2年前搵到呢份工，開頭只有47,000台幣（約11,268港幣），連福利都冇，但有得休假。所以生活算過得去，出外旅遊都方便，不過平時冇咩錢可以出去玩。老闆希望我常駐美國工作，而家Offer我每年出差4個月，人工翻倍，但我啱啱30歲，想留喺台灣，所以婉拒咗佢。
原本只係1年出1次差，多數係報稅季，本身每年8、9月都係要過去美國2個月，上年我畀人要求陪董事長過去，今年又要我去更新會計系統。期間冇OT津貼，不過可以同老闆住。因為咁我每年行程都亂晒，上年安排咗行程，買咗張活動門票，1萬台幣都冇得退（約2,397港幣），要我自己硬食，影響到我女朋友，我哋唔敢結婚生仔。我曾經要求同美國人一樣嘅薪酬，但老闆話因為我返台灣做嘢，所以要同佢哋唔同。
大家覺得而家呢個工作條件合唔合理？我已經想申請銀行嘅職位，本身呢兩年因為薪金好咗就冇走，但好想改變呢個長期要留喺國外嘅狀況。我都快30歲啦，如果要轉工起碼都要趁早。各位有咩意見同建議？」
網民回應：
A/如果人工冇Double，都係唔好去，你份人工根本唔夠用。
B/你與其問我哋，不如問吓自己，冇人保證你女朋友唔會走佬，仲要係你親戚嘅公司。
C/笑死點解你唔帶埋女朋友去美國，順便組織家庭換吓身份，你到時就唔怕人工冇得提高。
D/講真，你喺銀行做得耐，都會有8萬台幣（約19,177港幣），直接走啦。
E/呢啲根本就係外派員工唔係出差啦，你咁都睇唔出？以星期計就話，以月計你好蝕，都係快啲走啦。
F/不愧係華人公司，專佔熟人便宜，你自己諗清楚。
G/想問你係咪用觀光簽證做嘢？你諗清楚，有咩事要你自己孭。
H/你覺得唔想留就唔好留，你要衡量吓，你要嘅係錢定想過嘅人生，呢啲只能夠揀一個。
I/當然唔好啦，唔明呢啲公司有咩好留。
事主的帖文，引發網民的激烈討論，近乎全部人都勸喻事主盡早辭職轉工。有人指事主與其詢問網民意見，倒不如問自己，始終沒人敢保證事主的女朋友不會離開。有人表示，事主在銀行待得久，也會有同樣的薪酬水平。對於事主為去留而苦惱，有網民就覺得事主應該自行衡量，始終高收入和想過的人生，只能選一項。
有網民質疑事主是以旅遊簽證工作，很可能是犯法，事主在留言解釋指，老闆曾建議他轉為美國E2投資者簽證，只是事主覺得有簽證的話，未來就要長期留守，所以婉拒。個案中事主曾經提過，想要留在台灣，這種時候好應該跟老闆坦承，若老闆無法滿足這個條件，或許就要選擇轉工。
工幹最貴的地方是哪裡？（點圖了解更多）
工作5年都冇升職？（點圖了解更多）
最新專訪片︰
【星級斜槓族】JACE陳凱詠自組工作室成獨立音樂人 新歌《間歇性休眠》紀錄人生低谷期 鼓勵大家勇敢面對人生考驗
Look out for further updates on our Facebook fan page!
Follow CTgoodjobs for the latest career news, hot topics and recommended jobs!