【辭職學問】辭職畀上司揶揄係想加人工 網民:係又點?加完再辭囉!

【辭職學問】辭職畀上司揶揄係想加人工 網民:係又點?加完再辭囉!

想升職加人工是每個打工仔的目標,不過有時自感能力達標,但都未能獲上司的認可,如果自己所求的,公司不能給予,這時不如考慮一下辭職轉工,尋求新的機會!不過,有些老闆卻處處阻撓,單單打打地揶揄,又說現在難以找到好工作,實在是「狗口長不出象牙」!

延伸閱讀:【勞工法例】辭咗職仲有冇得拎Bonus?僱傭合約細則咁樣講!

有網民在香港討論區上分享「辭職畀大佬話我係想博加人工」的情況,他指自己已經找到了更好的工作,升職兼加薪,所以回舊公司請辭,可是上司卻不停揶揄他,說現在辭職只會有待業的結果,遞信辭職說穿了只是想加人工。可是事主卻真的找到新工作,而上司只願活在自己的世界,甚麼都聽不入耳,更拒收事主的辭職信,這可以怎辦呢?

 

即睇網民回應:(按圖了解)

網民:「咁加咗人工,先再辭職囉!」

網民:「係又如何,人之常情。」

網民:「打工為人工,唔通同你講感情?」

網民:「佢唔肯收就直接交畀人事部吧!」

網民:「我試過因為多20%人工轉新工, 一個星期後, 舊老細call我話 :『人哋畀幾多我畀幾多!」

網民:「如果你唔喺度,減價都肯留低。」

網民:「唔通係愛同責任感咩?」

網民:「證明畀佢睇唔係,所以要即刻走,補水都要走。」

網民:「跟着啲咁嘅大佬,一定前途無限。」

網民:「直交人事部,或經理,最好公開拍片做證據,話係部門阿頭拒收,叫我夠膽直接跳過佢交信,話拍片係畀返部門阿頭睇,於邊日已經交信,臨走都搞吓佢。」

網民:「我記得我2021年辭職嗰陣,我舊大佬知留我唔到,(佢加我9%人工,我都唔留),之後就講咗啲好難聽嘅說話激我,又話祝我好運呀,又話我好難搵得返咁好人工呀咁,但其實我新公司嗰邊係升職加薪咁過去。」

網民:「所以封信應該要cc埋畀HR同你上司個阿頭,以send呢封信個日子計1個月/3個月last day。佢可以之後以加人工去留你,但係要佢official出畀你先再考慮,口頭講唔算數。」

網民:「其實嗰個阿頭都幾無賴喎!出面登個廣告大把人嚟見工,何必要苦苦相迫?」

網民:「試過搵咗份新工,同上司講咗辭職,跟住叫我畀新工嘅package佢,我話多差唔多成萬,佢話照加畀我,我話咪玩啦,當真係加到畀我,又要喺背後畀人指指點點,又要畀上面mon實晒啲表現,又要加大workload,我話咪搞啦,第時有機會再合作啦。」

Q1. 如何計算最後上班日期?

據《僱傭條例》第5項「僱傭合約的持續期」中的第1點指:

每份屬連續性的僱傭合約,如無任何相反的明訂協議,均須當作是為期1個月並可按月續期的合約。

按《僱傭條例》的第6項「以通知終止合約的情況」的第4點表示:

就本條而言,月(month)指由發出終止僱傭合約通知之日起計,或由僱傭開始之日起計(視屬何情況而定),至下個月份同一日的前一日終結時的一段期間,如下個月份並無同一日,或如發出通知或僱傭開始之日為一個月的最後一日,則至下個月份最後一日終結時的一段期間。

即是說,若僱主需要一個月的離職書面通知,《僱傭條例》便列明相關通知期是由遞上辭職信的那天起計算,至下月同一天的前一日為止,例如:於2019年5月14日遞信,通知期便截至6月13日;假如下個月份沒有相同日子,例如1月30日遞信,而2月沒有30日,便以2月的最後一天(28或29日)計算。如果在通知期內有公眾假期、既定休息日,打工仔均不需要補回。

Q2. 在通知期內可以放年假嗎?

根據《僱傭條例》,僱員按連續性合約受僱每滿12個月,便可享有有薪年假,但這些法定年假,不得計算在終止僱傭合約所需的通知期內。

即是說,如僱員是在辭職前預先申請年假,而僱主又批准了的話,這是可以的,但員工在遞交辭職信後才想申放年假,那就不可以(就算仍有年假配額,也不能申請放取),除非僱主與僱員雙方皆同意,否則未放取的年假是不可代替通知期(法定假期及休息日例外)。

不過終審法院曾在2008年就一宗僱員在通知期內放取預先安排的年假的案件作出裁決,判決指,上述限制並不適用於僱員辭職的情況,僱員在辭職時有權選擇在所需的通知期內放取法定的年假。然而,此為個別個案,未必適用於所有狀況,因此一般而言,離職通知期內是不能申請和放取年假。

辭職的細節實在不容忽視,向公司人力資源部問清楚,那就不會白白蝕了幾日給公司。而辭職亦需要考慮月份,因通知期內有公眾假期、既定休息日,打工仔均不需要補回,所以遇有新年、聖誕節、復活節等連假會比較着數。總之愈快走便愈快可以重新上路!

(資料來源:勞工處)

延伸閱讀:【勞工法例】辭咗職仲有冇得拎Bonus?僱傭合約細則咁樣講!

延伸閱讀:【職場熱話】求職者係曾欺凌過自己嘅同學 你會選擇面試奚落佢定唔見佢?

延伸閱讀:【職場熱話】同事喺公司pantry刷牙 會唔會有啲不雅?

延伸閱讀:【辭職學問】同事計錯數 散水餅唔夠派 應該點做好?

 

⏩⏩  需要請人?立即刊登招聘廣告!  ⏪⏪

Look out for further updates on our Facebook fan page!

Jobs You Maybe Interested In

刊登招聘廣告