Next
【辭職學問】公司表示無收過辭職信點算好？事主：佢反問我有無證據.....
【辭職學問】公司表示無收過辭職信點算好？事主：佢反問我有無證據.....
2022-09-30
相信不少打工仔明白，投遞信辭職並不代表所有事情的終結，需要處理繁複的文件、交接程序等等，到Last Day來臨，才算是真正的結束。在連登討論區有打工仔分享自己的特别經歷，指Last Day將至，但公司居然表示沒有收過辭職信：「經理反問我有沒有證據」。
點圖了解更多事主經歷及網民回應：
延伸閱讀：【職場貼士】待業期間無所事事？5個規劃有效降低求職焦慮
延伸閱讀：【職場貼士】5個開會不再浪費時間的方法
「話說我公司離職要兩個月通知，而聽日就係Last Day，但個經理居然話無收過我封信，唔承認我辭咗職，佢仲反問我有無證據，唔通走要賠返兩個月？咁可以點搞？利申：公司等人用，未請到人住」
網民回應：
A/你搵返Email個寄件箱咪得囉
B/你當初點遞信先
C/我次次放完辭職信都會影相作實，你都幾傻吓
D/你點辭，封信畀咗邊個？
E/所以我用Email遞信，大家有日期證明，唔使口同鼻拗
F/我一向都係親手遞信，同埋Email補底，如果你只係放喺枱面，係人都話無收過
G/如果你唔係親身通知，就真係抵你，只係放喺枱面
H/其實呢辭職信始終都係親手會好啲，至少確認上司親手收咗好啲，當然影低個Copy，或者記錄低就更好
I/公事有無任何Email或者Whatsapp提及過你已經辭職，要清假之類嘅字眼？
J/即刻檢查返全部有記錄低嘅對話記錄，例如同上司啲WhatsApp email嗰啲，睇吓有無佢默認過你辭咗職嘅對話，例如你話要搵定下手交接，跟住佢答你「嗯嗯」呢啲
K/問吓佢：你係咪認真？咁要打去勞工處問吓，佢話認真的話，問完勞工處，真係走唔到就Hea佢一個月
L/我都試過出事，不過我好少少，個上司話三日後先見到封信，話要我遲三日先走，但我話我同日畀咗Copy HR喎
M/呢兩個月完全無做過交接工作？有嘅話已經可以做證明，無交接過嘅話，點解你一路都唔懷疑，仲會咁安心覺得無人會搵你交接
親手遞信、補發電郵 保障自己
多數網民都首先詢問事主遞信的形式，事主在回覆表示自己只是單純將辭職信放到經理的桌上，沒有後補Email。對此，有網民認為可以嘗試尋找相關的電郵及訊息紀錄作證據，如提及交接的事項及經理的回應。不過大部分網民都指事主想法過於單純，正常情況下，辭職信應該要親手提交，並補發電郵，甚至將副本抄送給HR，確保萬無一失；否則，很容易出現口同鼻拗的情況。
辭職有甚麼Do’s and Don’ts？（點圖了解更多）
即睇計算最後上班日的方法：
延伸閱讀：【見工面試】想由小薯晉身成管理層 面試可以點樣凸顯管理技能？
延伸閱讀：【職場文化】如何收服下屬的心？後疫情時代「好上司」必備5個特質
Look out for further updates on our Facebook fan page!
Follow CTgoodjobs for the latest career news, hot topics and recommended jobs!