【轉工跳槽】想過年後辭職 卻一直被委派新工作 點算好?網民勸喻:咪諗到自己咁重要!

【轉工跳槽】想過年後辭職 卻一直被委派新工作 點算好?網民勸喻:咪諗到自己咁重要!

職涯每個人都有屬於自己的方向,萌生想要離開現時職場的想法,實屬正常事。不少人都會計劃在獲發雙糧,過年後辭職;可是實行計劃時,總可能遇上障礙。有台灣打工仔在網上討論區Dcard分享煩惱,指自己有意離職,卻一直被委派新工作,讓他感到很苦惱,網民對此勸喻:「不要把自己想得太重要!」

點圖了解更多事主分享:

事主:「過年後想提辭職,但一直都被塞新工作,點算好!半年前入到間規模算大嘅公司,工作第1個月就覺得呢個部門好怪,例如:主管好情緒化,今日叫你做A,隔日就問你做咩唔做B,公司官僚文化好嚴重,執行內容成日都要跟住高層嘅心情調整,而且我嘅職位流動率都好高,3年就換咗4個人......

但礙於我經驗少,覺得可以再忍吓,於是忍到拎埋Bonus,內心已經下決心要唔做,但年初就係有唔同嘅Present,被上司問我來年有咩目標,對自己嘅Project有冇咩諗法,真係覺得好心虛,因為我真係冇乜動力,都冇心要繼續留喺度做嘢,只想做埋剩低嘅工作。

最近都有In其他工,但對於要提離職都仲係覺得好焦慮,感覺辭咗職,部門同事就要分咗我啲嘢嚟做,但其實大家手上面嘅工作都好多,加上3月有個大project要kick off,目前規劃嘅內容都仲係我負責,如果我即刻辭職唔做,會為部門帶嚟好大嘅麻煩,諗到就覺得好焦慮,大家係點提唔做?真係好唔想造成人哋嘅困擾!」

網民回應:

A/你幫公司同事設想,但有冇人幫你諗,唔好因為自己唔忍心,造成自己唔快樂。工作係冇做完嘅一日,既然係大公司,對員工提辭職唔做,應該都習以為常,所以你都係大膽辭職!

B/對人哋仁慈即係對自己殘忍。

C/辭職真係唔使諗太多,係公司常見嘅事,離職經驗都要學習。離職係公司要承受嘅風險之一,會因為離職造成公司經營困難或同事要大量增加工作,咁代表公司管理有問題,都留唔到才。唔係一直增加工作就可以留到才,咁你一世都唔好辭職,你只係缺乏勇氣,想走做好規劃,搵到工就走啦!

D/理得佢,唔做最大嘅位,公司唔會因為你離職就做唔住,Project郁唔到。就算你做唔到唔理公司啲嘢,但你諗吓,公司都冇對你好好,我的話會係公司啲人越難過,我就越開心!

E/我係講咗辭職之後,主管先瘋狂塞嘢畀我做,因為我嘅年資算深,要我交接畀兩個新人,提離職嗰陣,主管仲同我講,要是我喺離職前,有咩面試就請假去啦,結果要做嘅嘢多到搵唔到時間請假。

F/Email直接畀上司,睇吓通知期要留幾耐,到日子差唔多就走。

G/傻仔嚟,嗰啲嘢唔係你需要擔心嘅事,受唔住嘅人自然會走,忍到嘅就留喺度。或者你嘅離開,可以提醒留喺公司嘅人為自己謀福利。

對於事主的苦惱,不少網民都勸喻他不要把自己想得太重要。有人反問事主,「你為公司同事着想,誰為你想想?」更坦然大公司都應該有足夠經驗面對同事離職,建議事主直接辭職。有網民就指事主對其他人仁慈,即是對自己殘忍。職場上人來人往,有人來,有人去,不必過於高估自己的地位,為自己前途着想,這樣才能找到最適合自己的方向。

發現工作不適合自己,應否堅持?(點圖了解更多)

即睇決定離職前要先思考的5大要點!

延伸閱讀:【職場英語】想喺Email快速表明目的? 教你7大「For your…」用法
延伸閱讀:【職涯規劃】30歲最後悔做過邊10件事?「拍拖太少」都上榜?
延伸閱讀:【職場熱話】好奇而家返工嘅人用乜中文輸入法多?網民:而家班00後好多都用普通話拼音啦!
延伸閱讀:【職場關係】10種職場「小人」典型特徵 小心過度友善 悲觀主義者

用你3分鐘!快啲填!🥳🥳🥳

《CTgoodjobs 2024年第一季薪酬趨勢調查》

👉https://bit.ly/CTgoodjobs2024年第一季薪酬趨勢調查 


最新專訪片︰

【星級斜槓族】ViuTV女神沈殷怡棄律師入娛圈 自認變態喜歡考試 曾有一刻後悔入行?!

⏩⏩  需要請人?立即刊登招聘廣告!  ⏪⏪

Look out for further updates on our Facebook fan page!

Related Articles

  • 【2024更新|接待員人工】Receptionist起薪點達$17,500?一文睇清接待員薪酬、職責及要求!

  • 【面試秘笈】面試觀感有得練?1個方法教你點改善HR對你嘅第一印象

  • 【語文系出路│Jupas選科】5個適合外語系畢業生嘅職業 呢份工起薪點逾3萬!

  • 【求職平台|職位空缺】香港找工作如何入手?畢業生、失業及轉工人士必睇!5大免費求職平台資料一覽!

  • 【見工面試】HR唔尊重求職者?直斥「公司唔係畀你學嘢!」網民:講得呢句都係老Seafood!

  • 【返工返到要畀社交媒體帳號?】打工仔嘆返工要上繳社交媒體帳號 方便公司監察員工 網民認證係真事:我同佢同一間公司!公司究竟有無觸犯法例?一文睇清公司不合理要求有否違法

  • 【薪酬調查2024】全球員工竟有20%料被凍薪!邊個國家打工仔最滿意薪金?即睇統計結果!

  • 【轉工跳槽】2年半換11份工!咁Jumpy面試被問轉工原因點算?網民建議事主做1件事!

  • 【見工面試】別再問「公司文化是怎樣」?專家教你3條必問題目!更了解公司有方法!

  • 【職場趨勢2024】打工仔酷熱天氣冇得唞!夏日工作天(Summer Fridays)面臨被廢?再度回歸5天工作周!

Jobs You Maybe Interested In

刊登招聘廣告
;
Follow CTgoodjobs for the latest career news, hot topics and recommended jobs!
Maybe Later Follow