Next
【見工面試】Interview引面試官笑有著數？網民：your face your fate
【見工面試】Interview引面試官笑有著數？網民：your face your fate
2022-06-27
為求得到心儀工作，求職者都會想辦法在見工時，展示自己最好的一面，吸引僱主或人力資源從業員（HR）的目光，為自己印象加分。做好自我介紹、對答如流及表現自信外，還有甚麼方法能給面試官留下好印象？最近在網上討論區Dcard，有台灣打工仔分享自己的經歷，指自己面試時成功逗了面試官笑，後來就收到Offer，網民都紛紛提出自己的意見：「your face your fate」。
點圖了觸更多事主經歷：
延伸閱讀：【面試攻略】見工被問上一份工離職原因 6大模範答案得HR歡心
延伸閱讀：【職場英語】學會英文客套話 不再被字面誤導
事主分享：
「呢排我搵緊工，見咗幾間公司，想同大家分享吓被問嘅問題，同喺過程發生嘅趣事。
喺某間公司見工嗰陣，面試官問我：『你接唔接受到分工要輪班？』我第一下就直接問：『會唔會要亂輪㗎？』完全無發覺用詞不當，嗰陣對方笑咗出聲，仲話：『我哋公司好守法，會一個月安排一次更表，唔會亂輪，放心。』
喺另一間公司，面試官問我唔鍾意前上司嘅邊種特質，嗰陣我就諗，呢個係個陷阱題，應該要講啲無傷大雅嘅答案，所以我就答：『着衫唔好睇算唔算？』對方即刻爆笑，可能佢諗唔到我會咁答，佢仲反問我到底上司着衫有幾唔好睇。
有間公司係直接見部門主管，佢問我『短期內有咩工作目標？』我就話，『想考某個執照，但而家要做嘢先有錢考，所以短期內嘅目標係有一份工』對方第一下呆咗，下一秒又覺得我講得幾有道理，所以就笑住點下頭。
某次面試係Group Interview，面試官有三個面試官、四個求職者，面試官問大家未來有咩規劃同夢想，我係最後一個答，前面啲人都答類似，想提升自己嘅能力，想考執照，想進修等等嘅答案。問到我嘅時候，我都無乜嘢好講，於是忽發奇想答：『我嘅夢想係唔使返工，財富自由！』三個面試官都聽到笑咗出嚟。
個人覺得面試係要畀面試官更了解你工作經驗，同時亦都係畀對方知道，你嘅性格特質適唔適合公司，同呢個職位，我自己工作係同客戶服務有關，都幾重視臨場反應，所以我見工偶爾都同面試官講吓笑，睇吓對方性格同自己啱唔啱。利申返，以上見過嘅工都收到Offer。」
網民回應：
A/我之前試過畀面試官問，點解暑假要搵實習做，我話因為感覺我個人停唔到落嚟，無嘢做會好焦慮，對方都畀我搞到笑咗出嚟
B/樓主你一定係生得好靚，無返咁上下靚，答啲咁嘅答案，對方一定會反白眼
C/哈哈哈你啲回答好幽默
D/人哋HR聽官方說法聽得多，聽到個咁搞笑嘅答案一定會印象深刻
E/答啲咁嘅答案，正常應該會直接Fail，好彩你遇到啲面試官都唔介意
F/我覺得係你主管太好人
G/幾好啊，我覺得睇工作性質，做客戶服務、服務業都可以咁做，舒緩啲嚴肅嘅氣氛都OK，但如果太專業嘅工作，喺面試咁樣，就會有種輕浮嘅感覺
H/如果面試官係啲後生嘅人，咁講都仲還好，如果係啲年紀大啲嘅面試官，佢哋未必接受到
I/你唔好覺得自己係講咗啲咩有趣嘅答案，所以自滿，只係人哋咁啱唔介意
J/笑還笑，人哋一定會覺得好輕浮，呢啲完全唔係幽默，係思維幼稚
視乎工作性質及情況
很多網民指出，在面試開玩笑都要視乎工作性質，若然應徵的職位是屬於客戶服務，工作時經常需要應付突發情況，情況許可之下，在面試官面前開玩笑，是可以接受的行為，也能讓考試官知道你有一定程度的臨場反應能力。相反，要是應是較為專業，少有面對突發狀況，在面試時開玩笑就會變得沒頭沒腦，這種行為可能會令面試官留下壞印象。
在見工前有甚麼需要準備？（點圖了解更多）
即睇6個面試禁忌：
延伸閱讀：【見工奇遇記】問職業前景卻被面試官黑面？求職者衰講多咗●●兩隻字
延伸閱讀：【見工面試】求職者常遇到的4類測試
Look out for further updates on our Facebook fan page!
Related Articles
Follow CTgoodjobs for the latest career news, hot topics and recommended jobs!