Next
【見工面試】HR斥求職者send咗CV但成日唔聽電話 網民反指：唔識用email？
【見工面試】HR斥求職者send咗CV但成日唔聽電話 網民反指：唔識用email？
2022-10-17
不知道當大家搵工send了CV之後，會否手機不離手，時常保持警覺，留意有沒有HR打電話給你見工面試呢？還是大家會很淡定，閒時才看電話，有未接來電才斯斯然地回撥呢？
延伸閱讀：【職場禮儀】老細話有嘢要改 新人同事成日都答：得閒先做！
有網民在社交平台專頁「奴工處」上投稿分享，指自己任職公司機構的HR，他非常不明白為甚麼有些求職者如此難聯繫！更因而大動肝火，斥各位求職者都應該對見工面試來電保持警覺：「唔明啲求職者點解send CV過嚟，但可以長期唔聽電話，咁點搵你見工呀大佬？」
不過，有些網民就覺得，難道send了CV就等於要求職者24小時on call？亦有網民不明白為甚麼HR一定堅持打電話而非使用WhatsApp或email。大家又覺得呢？
即睇網民回應：（按圖了解）
網民：「如果電話唔聽、聽唔到，其實你可以用返email叫佢call back，甚至用WhatsApp畀佢知呢個號碼係你公司而唔係coldcall。好多時開緊會， 做緊嘢校咗靜音，辦公時間接唔到電話，其實好平常。」
網民：「首先唔係個個公司都會provide手提電話畀HR，所以用唔到WhatsApp去搵個candidate，我本人就一定唔會用personal電話call candidate; 電話都唔聽，好明顯email都唔覆，所以一樣搵唔到人。」
網民：「好多公司3字頭係會畀人default 係詐騙/推銷嘅，另外返工時間都可能唔方便聽電話。不過如果我搵緊工，聽到電話嘅話都盡量會聽。」
網民：「send咗CV就要24小時on call？」
網民：「好多人冇聽陌生電話的習慣。」
網民：「其實打電話係可以直接了解到一個人嘅對答同說話係咪正常，講嘢有無禮貌，嗰一刻已經係interview嘅開始。好多人就係打字、email個人就正常，要佢presentation就hang機，咁點返工？」
網民：「點解唔send email or SMS 約個時間先呀，大佬！可能人哋開緊會、見緊工、去緊廁所……」
網民：「試過搵到工大概三個星期之後，先有個HR打咗幾次嚟話見工。」
網民：「連聽個電話都驚，咁不如唔好返工。」
網民：「上星期，有個HR辦公時間sent mail畀我，叫我做個test（冇電話打過畀我）。喺午飯後畀我，叫我即日覆返佢。 一樣米養百樣人。」
網民：「直接WhatApps有咩問題。」
網民：「人哋用email send CV畀你，你咪用email send 返叫人嚟in 囉，做咩要打電話？打電話一定要聽？」
網民：「求職啫，仲返緊工嘅都有會要開嘅，唔係成日坐喺度等你電話。啲HR好興missed call又唔留voice message，鬼知呢個電話係你而唔係junk call咩？」
HR VS 求職者
不知道各位讀者看完一輪大辯論後，覺得孰是孰非？有網民就覺得求職者自己本身有一定的負任，搵工後要更加對來電警覺才對，如果看到了未接來電，則可以禮貌地回撥並跟進；而有網民卻覺得HR很教舊，為甚麼還一定堅持要用電話聯絡求職者，就不能相對地用email或用WhatsApp嗎？網民提到，有些搵工的打工仔仍要上班，難保他們要開會、見客，不能即時聽電話實屬正常事。
所以其實最緊要是missed call之後的處理手法，HR一方當然可以補發電郵或WhatsApp通知，而求職者一方則需要回覆未接來電，這才可以開啟搵工的第一步！不然雙方就會一直處於欠缺人才和欠缺發揮空間的機會。
延伸閱讀：【見工面試】面試應該點樣自我介紹 令對方留下深刻印象？
延伸閱讀：【職場禮儀】老細話有嘢要改 新人同事成日都答：得閒先做！
延伸閱讀：【生育率】亞洲地區全球生育率最低 香港、台灣、南韓皆上榜 共通點係…
延伸閱讀：【心理測驗】一張圖了解你喺職場扮演咩角色！你會用咩姿勢等車？
最新專訪片︰
組合MIRROR、COLLAR填詞人Oscar︰「我好享受辛苦的創作過程」
Look out for further updates on our Facebook fan page!
Follow CTgoodjobs for the latest career news, hot topics and recommended jobs!