【見工面試】見工準時係應份?HR:10個求職者有3個都遲到

【見工面試】見工準時係應份?HR:10個求職者有3個都遲到
見工時早10分鐘到達面試地點,不但能給予僱主良好的第一印象,求職者還可以調節心情,不慌不忙地面對接下來的提問。不過最近有HR指出,越來越多求職者見工遲到,普遍遲來15分鐘,令人不禁質疑準時的重要性。

延伸閱讀:【見工面試】HR叫錯名 見工要做IQ TEST 打工仔分享最差面試經驗

按圖了解網民分享:

打工仔:「我哋公司算中上水平,行內叫有啲名氣,仲係上市公司。頭先同HR吹下水,佢發晒脾氣話被部門主管捽,原來連續幾日都有好多人見工遲到。搞到其他部門主管走去同ceo嘈,ceo又鬧返HR head,一層鬧一層。佢哋一日閒閒地見十個八個求職者,佢話真係每日至少有兩三個人遲到。遲到範圍一般15分鐘內,而一星期會有兩三個人遲半個鐘,最痴線試過遲兩個鐘,話自己肚痛。年齡層就咩都有,30至50歲嘅人都有遲,不過二字頭就真係多啲。因為公司規定in完要寫返份report交上去,除非no show,否則遲到都要in。我純粹想同大家了解吓,究竟而家見工遲到係咪好正常?準時唔係應份咩?」

網民點睇?
網民A:其實守時係基本禮儀,去邊度做咩都好,準時都係應份。就算約朋友出街,都唔會想人哋浪費時間等你。
網民B:我之前見工約我10點,成間公司無人,跟住等咗15分鐘先見到成班人一齊返公司,見到我仲問我搵邊位。我話約咗見工,個老細好驚訝「吓?乜今日約咗人見工咩?」
網民C:準時同樣適用於僱主,有啲老細遲成一粒鐘都肯嚟見人,呢啲工請你都唔好做,咁無時間觀念的老闆你唔好預佢會準時放你工。
網民D:行為反映心態,如果唔志在份工,自然唔會著緊,咪見工都遲到囉,最後梗係唔請佢啦。
網民E:個人認為遲到係不能接受,除非中途有突發意外、死人冧樓,其他原因免談。
網民F:我次次見工會早到,但每次hr都遲到,填完資料等到就快恰著先叫我入房,特別係大公司。
網民G:雙方都應該準時囉,唔明班HR次次都遲大到咩意思。試過約我9點見,我8:45到咗,等到10:15都無影,最後我直接走咗。
網民H:而家天氣熱,去到公司會成身汗,我會提早15分鐘涼冷氣乾一乾身,同埋留少少時間以防需要用廁所。
網民I:求職者早少少到OK嘅,但HR都一樣有責任去預好啲時間,例如要填表,咁就應該約早15分鐘,等個人有時間填好先見。
自從疫情之後,許多公司都採用網上形式進行招聘,透過zoom、skype等平台進行視像面試。與傳統面對面見工不同,求職者千萬不要「準時」進入虛擬面試室,原因是……

7項Online Interview要注意的細節:(按圖了解)

 


 
 

延伸閱讀:【網絡熱話】見工HR遲到無心機 網民:選擇扮有事走定繼續見完?

⏩⏩  需要請人?立即刊登招聘廣告!  ⏪⏪

Look out for further updates on our Facebook fan page!

Related Articles

  • 【見工奇遇記】面試前做足準備 求職者因HR一個舉動即不合格?

  • 【見工奇遇記】HR要求面試做測驗 不獲聘請但擅自刊登求職者作品?

  • 【HR日常】不停收同一求職者CV HR大呻︰每出新招聘廣告都見到佢

  • 【見工奇遇記】自以為「皇親國戚」拉關係?HR嬲爆︰面試不停提老細

  • 【HR攻略】人事部每句說話都影響心情?9個令求職者失望的句子

  • 【求職攻略】HR爆搵工10大捉蟲位 最緊要小心用Faceboook IG?

  • 【見工奇遇記】盤點面試被HR問過的古怪問題 「自己似邊個明星」都上榜

  • 【見工奇遇記】面試花三小時 先後被三個人見?打工仔︰全部問我同一個問題

  • 【見工奇遇記】打工仔被懷疑請假面試 全因新HR打電話去原公司核實資料?

  • 【見工面試】HR出Post分享見過最騎呢的CV 白紙一張、連聯絡電話都無?!

Jobs You Maybe Interested In

刊登招聘廣告