【見工面試】見工但唔肯畀公司地址 HR話確定面試至會講？事主：搞到好似做秘密交易咁！

見工面試是每個求職者必經的關卡，無論你是初入職場還是準備轉工，都需要針對不同職位、公司文化和個人背景作全方位準備，讓你在面試中更容易留下深刻印象，突圍而出。可是當面試的公司就連地址也不願意透露時一眾求職者又該如何自處？

網民在網上平台「Threads」上發文分享指認為現時的公司許多也非常古怪，明明已約好了面試的日期，但卻又遲遲不願告訴事主公司的地址及當日面試時的其他細節。事主直言這樣的安排奇怪得猶如是要做一些神秘交易般，完全擾亂了事主平日見工前的準備工作。經歷掀起一眾網民熱議，更勸阻事主不要赴約。

即睇公司地址有咩咁神秘！（按圖了解）

+21

+20

請人！請人！請人！
🔗職位空缺傳送門🔗
▶️【月薪$25,000+】工作機會
▶️【圖書館】相關工作機會
▶️【兼職PartTime】工作機會
▶️【電子商務】職位空缺

事主：宜家啲工真係好奇怪，約好咗星期三見工但無畀地址我，OK！

咁我今日問吓見工地址啦，但佢要求見工前一日我確定咗先畀地址……

乜宜家係咁㗎咩？見個工好似交贖款咁，仲要好似唔高興我早咗一日問佢！

平時習慣見工前早啲Research定地址。

網民A：我試過約好咗上到去見工，

全場員工細細聲話請咗人啦喎……

點解仲有人嚟見嘅？

填好晒表之後被通知話負責人不在，之後有人通知你再面試……

網民B：我諗，你都係唔好去見好了，見工都咁！點返工啊以後？

網民C：早排有間診所叫我2日後見工﹐但係街無紙筆寫地址，

問佢可唔可以WhatsApp地址畀我，佢話可以轉個頭Send畀我但收唔到！

覺得佢咁無誠意而且地點唔方便所以無去見！

網民D：可能約你直入緬北園區！

網民E：可能統一處理申請嘅係HR行政，面見嘅喺前線分店經理囉！

網民F：上次見工對方要視像見，話轉頭會打嚟結果冇回音！我咪打上去問，打咗多日都係Cut線！

網民G：見工都咁？仲去做？

網民H：你係正常唔再需要懷疑自己！

佢無問你先填個人資料咪算係咁囉！

建議你再搵過份，睇定啲先啦！

網民I：當一間公司疑心咁大，地址都唔夠膽畀人嘅時候，應該總有啲問題！

網民J：伏工警告！

網民K：我試過見工約都未簽就要攞住址證明！我問佢攞住址證明做乜佢又答唔出！

網民L：呢啲奇奇怪怪工直接話唔使就得啦！實無好嘢！

網民M：約好見工但連地址都畀唔到嘅公司，小心啦！

網民N：佢公司咁唔見得光咩！成件事好伏，一係佢仇家多，驚人上門尋仇！

三個行動建議，助你應對「神秘面試」保障自身安全

見工約咗日期，但公司遲遲唔肯畀地址，仲話「確定面試先講」——呢種安排令事主直言「搞到好似做秘密交易」。網民紛紛警告：「見工都咁，點返工啊以後？」、「伏工警告！」面對這類「神秘面試」，求職者應保持警覺，以下三個行動建議助你判斷風險、保護自己：

第一，面試前主動確認地址，若對方含糊其辭則應提高警覺。

正常公司會在面試前提供完整地址及聯絡方式。若對方堅持「確定面試才畀地址」、態度不耐煩，甚至無法解釋原因，便值得懷疑。有網民直言：「當一間公司疑心咁大，地址都唔夠膽畀人嘅時候，應該總有啲問題。」若對方持續迴避，應考慮是否值得赴約。

第二，見工前先做背景調查，了解公司是否真實存在。

收到面試邀請後，應先查證公司背景：搜尋公司名稱、地址、業務範圍，確認是否與面試內容一致。若網上難以找到相關資訊，或公司名稱與實際業務不符，便應提高警覺。有網民分享：「約好咗上到去見工，全場員工細細聲話請咗人啦喎⋯⋯」——這類情況並非罕見，事前調查有助避免浪費時間。

第三，若整體感覺不妥，果斷拒絕面試。

見工是雙向選擇，求職者亦有權評估公司是否值得信任。若面試前的溝通已令你感到不安、不被尊重，甚至懷疑對方誠信，應相信直覺，果斷拒絕。有網民直言：「呢啲奇奇怪怪工直接話唔使就得啦！實無好嘢！」與其事後後悔，不如一開始便保護自己。

當遇到面試公司遲遲不願提供面試地點等基本資訊，甚至態度含糊或強調「見工前確定才提供」，求職者都應提起警覺，考慮自身安全及權益。若對方無法解釋原因，或整體感覺不透明、無誠意，建議果斷拒絕面試或進一步查證，以免陷入潛在陷阱或浪費時間。

🔥最熱門地區職位空缺🔥
🔗職位空缺傳送門🔗
▶️【中環】工作機會
▶️【啟德】工作機會
▶️【觀塘區】工作機會
▶️【屯門區】工作機會

延伸閱讀：【請人陷阱】餐廳老闆遇「見工替身」！對話1細節露餡！網民呼籲：仲要小心呢樣嘢！

+32

+31

延伸閱讀：【求職秘笈】點避開地獄公司？面試問福利都冇用？網民激推一條問題99%測出黑心公司！

延伸閱讀：【網上鬧爆HR？】質疑見工面試安排差 反被網民恥笑︰唔知點解我覺得樓主怪怪地

►最新【政府/公共機構】職位空缺  

►最新【行政】職位空缺   

►最新【銀行/金融】職位空缺  

►最新【非政府組織/社福】職位空缺      

►最新【人力資源】職位空缺   

最新專訪片︰

【office豪華旅行團】GT Group超日系辦公室展現年輕活力 仲有Poolside畀員工放水燈！

⏩⏩  需要請人？立即刊登招聘廣告！  ⏪⏪