Next
【見工面試】被問對份工有咩期望 事主：我見保安 唔通要話希望世界和平？
【見工面試】被問對份工有咩期望 事主：我見保安 唔通要話希望世界和平？
2022-10-19
各位打工仔見工面試時，有沒有試過被問一些奇怪或難以回答的問題？這時你們會怎樣反應？一笑置之還是努力迎合面試官，答出一些他想聽到的答案？大家有沒有想到問題背後的真正意思呢？
延伸閱讀：【見工面試】面試應該點樣自我介紹 令對方留下深刻印象？
有網民在社交平台專頁「扮工室Online」上以「見工時被問過的垃圾問題？」為題發問，帶起大家分享過往見工面試中，被問過的奇怪問題，不少網民的留言分享都令人嘖嘖稱奇！有網民分享：「佢問我：『你24歲啦喎，唔後生啦喎，做乜而家先轉工？』我心諗，24唔轉唔通84先轉咩？」又有網民指：「去見收銀、店務員工作，畀人問：『你點樣睇而家經濟趨勢如何？（大佬，我咁犀利識得分析，我唔去做經濟學家？反而過嚟收銀咩……）」如果是求職者本人，當刻可能真的非常無奈……
另外，有網民指自己見保安工作，竟然都被問題考起了！
即睇事主分享及網民回應：（按圖了解）
事主：「去in政府工，之前啲問題對答都正正常常，直到佢問我：『你對呢份工有咩期望？』我就呆咗，我設想過各種問題，但係諗都無諗過佢會問呢啲，大佬呀，你份保安管理員位嚟，你係咪期望我答你：『我期望世界和平』？定係答你：『我期望可以透過份工改變世界』？身為一個老實人，我實在諗唔出，除咗準時收工準時出糧，仲可以有咩期望，所以我就露出尷尬而不失禮貌嘅微笑直到結束。」
網民：「呢啲考緊你EQ，同埋夠唔夠穩定呀，作個佢想聽嘅答案咪得。」
網民：「好多見工都係吹得就吹啦！問埋啲好無謂問題，我覺得如果要請你，講咩佢都請，如果唔請你，作到天花龍鳳佢都唔會睬你。」
網民：「你可以講期望同事之間互相溝通清楚、友善、工作指引清晰、工作流程準確之類？你唔想咁咩？假少少加句想幫到手之類？」
網民：「我都有你相同遭遇問題，我答服務社會囉，嗰陣真係好尷尬。」
網民：「其實見工其中一個係考你識唔識同人相處，講啲對方啱聽嘅，亦係識唔識同人相處的一種。」
網民：「答佢：『我想做到退休。』」
網民：「想你答：『最少N年內坐你個位』之類？」
網民：「收工準時可以講成工作順暢穩定（唔順利先會OT嘅啫）；準時出糧就唔使講啦，政府出糧唔會遲，其實有時啲嘢轉個彎就得。」
網民：「有時會問你點解會揀呢份工？老實答你為錢？你人工又未必話真係好多，虛偽啲答覺得公司前景好，疫情下講呢啲又太假。」
面試其實都是一場show
不少網民都指，面試官可能希望求職者能解讀到問題背後的真正意思，想求職者回答正面而又能表現自己的答案，不過很多網民都覺得，其實要回答「服務社會！」、「為大家服務！」的感覺好假，但其實可以輕輕包裝，如有網民指：「你可以講期望同事之間互相溝通清楚、友善、工作指引清晰、工作流程準確之類？你唔想咁咩？假少少加句想幫到手之類？」其實都要不錯的回答，你最緊要記住，面試其實都只求職者與面試官之間的一場show，好好表現自己，不要笑場，就是最好的尊重！
延伸閱讀：【見工面試】面試應該點樣自我介紹 令對方留下深刻印象？
延伸閱讀：【職場禮儀】老細話有嘢要改 新人同事成日都答：得閒先做！
延伸閱讀：【生育率】亞洲地區全球生育率最低 香港、台灣、南韓皆上榜 共通點係…
Look out for further updates on our Facebook fan page!
Follow CTgoodjobs for the latest career news, hot topics and recommended jobs!