【職場熱話】KPI重要定工作氣氛重要?公司迫走好同事 成條team散晒…

【職場熱話】KPI重要定工作氣氛重要?公司迫走好同事 成條team散晒…

現時很多行業都要「追數」,不論是代表真實金錢的數字,還是虛擬的瀏覽數字,大家都要達到一個指標才算合格。而現在更有不少公司以能否「追到數」為量度個人工作能力的指標,關鍵績效指標 (KPI) 是測量您團隊或組織朝重要商業目標進展表現如何的量化指標。不過,以KPI來量度個人能力和員工價值,又真的夠全面嗎?

延伸閱讀:【中秋節】同員工歡度中秋 一個果籃50人分 網民:原來真係有五餅二魚…

有網民在社交平台專頁「奴工處」上投稿分享一件可惜的事,他指以前有一個好同事,對同team同事都照顧有加,是工作氣份良好的重要因素,不過因為公司開始實行KPI措施,而迫走了該名同事……不禁令大家思考,究竟KPI重要還是工作氣氛重要?

即睇事主分享及網民回應:(按圖了解)

事主:「有一種同事大家要好好珍惜,佢會記得所有人嘅衣食住行嘅喜好、邊個人對咩敏感、邊啲人鍾意食咩嘢、有咩唔鍾意食都瞭如指掌。有新人入職佢會好詳細咁解釋每一個task同方向,會提你約咗客開會,唔舒服嗰陣佢會主動做埋你個份。有佢成team人氣氛好好,做嘢都好爽手。

但冇幾耐轉咗上司,轉咗以KPI做工作能力標準,workload比以前大咗好多,大家都勉強跟到,但嗰位好好嘅男同事因為係KPI最低個個,所以畀head炒咗,自始成條team散晒,KPI長期唔到數,最後呢條幾年先走一個人嘅team,變到一年內冇一個人識。今個月,我辭職了。」

網民:「其實最應該炒嘅就係呢啲上司。」

網民:「呢個故事好似美劇《Suits》入面一條storyline,某進取新上司用algorithm去搵表現最差下屬嚟炒,最後發現呢個下屬其實係令其他人表現更好嘅人。」

網民:「逼走晒啲同事,佢就係最資深。」

網民:「公司就係咁冷酷無情,所以唔好再講啲咩『同間公司有情有義』嘅廢話。」

網民:「好同事值得更好,上司咁叻叫佢做埋全部嘢。」

網民:「KPI係最衰嘅計算方法。就好似呢位好好同事,佢係全隊team嘅潤滑劑,但KPI係唔會計算佢點樣培訓同事、佢點樣喺背後支援同事。」

網民:「好多膚淺又自大嘅manegament永遠唔會睇得透呢點!」

網民:「好同事係留喺公司嘅其中一個因素,你其實對同事可能多過家人,難頂嘅自己都辛苦。」

網民:「希望這位好同事很快找到好公司工作,祝福他!」

網民:「係公司嘅損失,希望呢位男同事有更好發展。」

網民:「Soft skills最難用KPI量度。偏偏呢啲美式MBA管治最多老闆buy。離開都好嘅!」

網民:「好憎用所謂KPI去評核工作表現同成效,因為有好多嘢KPI根本睇唔到。」

網民:「所有老細都鍾意睇KPI嚟計下屬,真正好嘅員工,佢嘅能力係唔會喺KPI show到。老細應該用對眼同腦去考核人,而唔係單純睇數字。」

KPI以外
很多網民都表示自己的公司正實行KPI標準,不過他們都叫苦連天,認為單以數字來量度員工的能力和價值,其實是很不公平,有網民指:「好憎用所謂KPI去評核工作表現同成效,因為有好多嘢KPI根本睇唔到。」、「KPI係唔會計算佢點樣培訓同事、佢點樣喺背後支援同事。」

更加有網民覺得老闆不應該只用KPT來量度,因為有時soft skills最難用KPI量度。其實KPI可以要一個標準,但當考慮一個員工重要與否時,就應該要多評估他的人際關係、在團隊中的作用等因素!失去了一個可以令團隊成長和順利運作的員工,會是多麼的可惜……

延伸閱讀:【中秋節】同員工歡度中秋 一個果籃50人分 網民:原來真係有五餅二魚…

延伸閱讀:【職場熱話】同事成日話公司衰 勸喻大家早走早着 但自己十幾年都仲喺度…

延伸閱讀:【職場熱話】打工仔嘆返shift好難約朋友 網民:唔通返shift等於斷六親?

延伸閱讀:【職場熱話】同事瘋狂𢲷頭 頭皮屑飛到周圍都係 同事:真係六月飛霜…

⏩⏩  需要請人?立即刊登招聘廣告!  ⏪⏪

Look out for further updates on our Facebook fan page!

Jobs You Maybe Interested In

刊登招聘廣告