【職場熱話】40歲打工仔慘被裁員感慌張 網民安慰:有好多出路

【職場熱話】40歲打工仔慘被裁員感慌張 網民安慰:有好多出路

經濟不景加上疫情反覆不定,某些企業為求繼續營運,無奈選擇裁員。新人薪金低,高層掌握權力,薪金有一定水平的中層人員常成為被開刀的對象。最近,社交媒體專頁「奴工處」有一40歲男打工仔哭訴遭受裁員影響,即使願意自貶身價也難覓得工作,高不成低不就,還需要面對養妻活兒的壓力。

延伸閱讀:【職場熱話】30歲仲返緊炒散 以時間換金錢好失敗?事主:人生咁就輸十年…

即睇事主分享及網民回應:(按圖了解)

事主:40歲先嚟失業真係好難受,公司生意差,人工4至5萬嗰堆炒咗幾個,而我係其中一個。呢三個月搵咗好多份工都冇回音,試過自降身價搵文員工,面試期間人哋直接話請我唔起,佢哋驚影響團隊氣氛所以唔敢請我,但講緊我只係要求15K人工……我望住以前啲同學仔打政府工,跳咗十年point收緊3至4萬,但只係做文員嘢真係好羨慕。40歲又要養妻活兒又要供樓,唔知點算……

網民:師兄,同你一樣,三個月啫,唔使咁快灰喎。我失業近一年都係咁搵工。
網民:40歲好後生啫,而家60歲先至話係壯年,咪當從新入社會囉!
網民:40歲其實好值錢,加油!
網民:搵4至5萬,走去搵返啲基層工或者FG工,梗係唔請啦……
網民:搵工講際遇,唔好咁快灰心,加油!你先要相信自己適合份工,再諗諗點sell自己畀人,連自己都無信心,點搵工呢?畀心機!
網民:吓,40歲係黃金期,香港市場中高層管理應該嚴重缺人才喎,係咪以前你份工太hea,所以而家知識技能完全脫節?
網民:唔可以心急,搵份兼職先,因比較易搵,心定落嚟再詳細部署打算啦!
網民:想搵返一個有明確career track的行業,基本上IT / healthcare已是中年人士的最佳選擇。
網民:增值讀書轉做護理員/醫院助理,人工高,不過就要唔怕骯髒、血,同埋辛苦。
網民:睇你肯唔肯馬死落地行,做其他行業囉!我樓下間三餸飯請夾餸阿姐都萬六。
網民:唔怕被鬧,唔怕辛苦,做物管由服務處至保安,清潔大把空缺,只怕冇人做。
網民:疫情最嚴重個時,大把人失業,大把人被迫轉行,日日只可以深呼吸。人生總要經歷,我同樣是過來人。

能屈能伸定有出路
香港生活成本高昂,絕大部分人需要工作才可維持基本生活,否則連簡單衣食住行也成問題。40歲事主背負家庭,更要養活兒女,開支龐大,中年失業無疑引致焦慮與不安。即使前路茫茫,眾多網民認為香港出路多元,只要願意放下身段便能賺取收入。某些留言提及醫護、保安等行業從來不缺職位,更有人覺得IT行業是中年轉職的出路。

中年失業無疑令人氣餒,也是職涯危機。多名網民安慰事主要先整理思緒,「唔好咁快灰心」。根據政府統計處2022年5月至7月的臨時數字,40至49歲的失業率為3.9%,屬第二低的年齡組別。有網民表示40歲是職業黃金期,事主應先要對自己有信心。

面對中年失業問題,勞工處設有中高齡就業計劃協助年滿40歲或以上的失業求職人士擔任全職或兼職長工,仍在失業而有意繼續投身職場的中年打工仔可以留意一下。

 

踏入40歲,打工仔應該有以下5個工作態度:(按圖了解)

有車有樓先係「成功」?其實心態更重要,40歲應該要擁有以下呢10樣嘢!(按圖了解)

延伸閱讀:【職場熱話】人到中年好焦慮 40歲零儲蓄無技能點算好?

延伸閱讀:【職場熱話】月薪低於5萬等於無人生?網民:只係供樓、養車就無咗大半…

延伸閱讀:【就業市場】2022年第四季55%僱主有意增聘人手 最缺人竟然不是IT及金融業?

延伸閱讀:【自我增值】醫護支援、中醫保健、物管保安有前景 待業進修啟前程

⏩⏩  需要請人?立即刊登招聘廣告!  ⏪⏪

Look out for further updates on our Facebook fan page!

Jobs You Maybe Interested In

刊登招聘廣告