【職場熱話】返工最開心係做隱形人？　網民：肯定係第一個被炒

職場八卦事多，稍有不慎即容易招來話柄。如上班能避開麻煩人事、與世無爭，這可謂打工仔一大樂事，究竟你會想做一個受歡迎的同事，還是樂於做個隱形人呢？最近，社交媒體專頁「奴工處」刊登一篇打工仔的投稿，內容是談論隱形人是公司最快樂的人，但做隱形人真實一件好事？

延伸閱讀：【職場人際】同事狂搞小圈子玩針對 打工仔心涼︰依家佢哋鬼打鬼最好睇！

即睇事主分享及網民回應：（按圖了解）

+12

+11

事主：其實返工有咩開心得過做隱形人？遲到早走無人知，Lunch唔使煩食乜，又唔使加入任何是非圈，想點就點，坐足八個鐘收工等收人工！

網民：最緊要準時出糧就得！
網民：我鐘意！食飯做嘢無人打擾，做完份內事就打卡收工！個個月等出糧！
網民：最後隱形到以為你無返工，糧都無出！
網民：隱形到連更表都無埋自己個名就會無糧出。
網民：可有可無，第一個被人炒！
網民：最高境界係連要炒人都因為忘記有呢個人嘅存在，所以炒咗第二個。
網民：咁其實等於你嘅存在價值係零？隨時炒得嗰種！
網民：你係覺得做隱形人咁係最好，定係你能力只可以做到咁？
網民：其實完全唔出聲唔得，同事一樣可以搵位入你話唔合作！
網民：啲是非就算只聽唔講，你都多一分危險！
網民：我最憎就係公司所謂熱鬧。
網民：遲到早走加埋點會有八個鐘呀？你數學唔合格？
網民：以前做過一個職位，要喺HQ返工。裏面全部都係同一個部門嘅人，但零零舍舍有間房，裏面嘅人係另一部門同事。老細話管唔到佢哋，所以終日見佢哋睇戲、玩電腦、電話、開大食會同瞓覺。無見過佢哋出房。唔知咩人嚟。

做透明人都有壞處？　打工仔：第一個被人炒

事主認為做透明人可以避開職場是非，午飯不需理會他認，更可以遲到早退，屬夢想的職場生活。不過，眾多網民則表示，透明人意即不合群，都會招人話柄，其中一個留言指出：「透明人先會容易被同事排斥。」透明人可以是因，存在感低落；也可以是果，因被排斥而成隱形人。

同事之間的相處可反映個人團隊精神，不乏留言提及「完全唔出聲唔得」，因為同事指摘欠缺團隊精神，更有人指長期隱形即向老闆表示自己可有可無，應會是「第一個被人炒」。另有網民揶揄事主，小心隱形到連自己的名字也從員工列表中消失。

誠然，許多人期盼避開職場紛爭與是非，但做一個隱形人看來對職涯發展沒有甚麼益處吧！

即使與同事關係再好，有7個秘密都唔可以講！（按圖了解）

+12

+11

唔想喺職場神憎鬼厭？簡單7招避免被上司、同事誤會！（按圖了解）

+16

+15

延伸閱讀：【職場熱話】上司打算聘請舊職麻煩同事　打工仔：我當時因為佢辭職

延伸閱讀：【職場熱話】同事鍾意講粗口、講是非 研究：係有活力、強力團隊嘅特質！

延伸閱讀：【職場感受】廿年職場生涯的覺悟 打工仔的十個不

⏩⏩  需要請人？立即刊登招聘廣告！  ⏪⏪