Next
【職場熱話】返工壓力大到暈 樓主：好似無一份工啱自己
【職場熱話】返工壓力大到暈 樓主：好似無一份工啱自己
2022-11-29
工作壓力過大對打工一族來說問題可大可小，輕則會擾亂自身日常生活，重則更會影響心理情緒，隨時引發情緒病。有網民於討論區發文，慨嘆自己轉過數份工作仍對個人工作能力充滿懷疑，除未有於工作上獲得滿足感之外，更因工作表現導致失眠。帖文獲得不少有心網民善意回覆，當中不乏實用意見，樓主聞言直呼感動。
按圖了解事主意見：
事主：已經轉過幾份工，好似無一份啱自己。
事主：上一份工作量少啲但濕碎嘢多，人工普通，同事之間氣氛麻麻。
事主：依家呢份人工唔錯但工作量勁重。仲要追數，追唔到就會畀老闆同事嘈。
事主：其實我都想除咗𢭃人工之外可以做好份工，獲得一絲滿足感。咁樣諗係咪太奢侈？
事主：自從返工之後，起身第一時間淨係諗到有咩做漏、有咩做錯，亦都試過因為咁樣失眠。
事主：有時覺得唔係份工問題，係自己心態問題。
事主：人哋個個放工Happy Hour，我就喺個腦開自責大會，同朋友出街都繼續諗。
事主：成日都會怪責自己好粗心。其實我都知道要放開，但釋懷真係好難。
事主：好似好耐無畀人讚過，覺得自己都好難欣賞自己，一諗到就想喊。
事主：朋友其實好好，會同我分析、安慰我，一呻完已經舒服好多。
事主：但感覺一返工就畀份工綁住，Quit先可以拋低晒所有責任。
即睇網民回覆：
網民：你有提到想要做好份工嘅滿足感，會唔會係跑數工本身唔啱你？
人對周邊嘅事物掌控得越少，就越難得到滿足感。跑數、內容創作者呢啲工自己可以掌控到嘅嘢本身就好少，所以壓力比正常人大。
網民：我之前都係咁。壓力大到長期腳軟，飯都食唔落。
網民：最近睇緊《被討厭的勇氣》呢本書，反思緊點解好似總係接納唔到自己，總係喺其他人嘅期望下尋找價值。
網民：見識過身邊工作態度輕鬆嘅人都係醒目底，乜都拆得掂，一切喺佢地掌控之中先咁不慌不忙。
網民：成日左諗右諗只係浪費精神，寫低諗完要做嘅嘢，有初步總結，一般都會輕鬆啲可以有返多啲自己時間。
網民：有時過分執著同介意人哋點睇，內心先會掙扎懷疑自己。
網民：一係搵份無咁大壓力嘅工，你呢種心態注定做唔到高層。
網民：如果係你做錯嘢，人哋提完你就改，錯一兩次其實好閒。其實好多嘢都可以補救，唔會錯一次就無得返轉頭。
網民：做咗一段時間都可以轉環境，唔一定要放棄晒全行。搵返個自信，同同事夾到先做耐啲。
網民：佩服做嘢掂又正面嘅人，生活仲有咩事會難倒佢哋？
從問題根源著手解決問題
與其讓憂鬱情緒不斷累積，不如嘗試主動將心中煩惱掃走。參考以下3種方法，可能有助解決工作帶來的心理影響。（按圖了解）
尋找傾訴對象
把煩惱藏在心中只會像滾雪球般越積越大，最後憂鬱情緒就會如洪水決堤般一發不可收拾。尋找合適的傾訴對象有助發洩心中不滿，有時更可能得到令你意想不到的建議。
虛心接受意見
獲得別人提供的建議後又該如何是好？堅持己見還是盲目順從？每個難題都總有相對應的解決方法，動動腦筋利用別人的建議結合自認為最合適的處理手法，說不定會收到奇效。
轉換心態
當問題無法經固有處理手法解決時，問題根源到底在哪裡？是方法不對還是能力所限？如果屬於後者，未能獨自處理，不如嘗試調整心態，承認自己的不足，與同事通力合作，協力拆解難題。
工作壓力大應否立即辭職？（按圖即睇）
延伸閱讀：【應否裸辭】打工仔呻裸辭後壓力大 網民反駁︰一早就要評估好經濟能力先
延伸閱讀：【網絡熱話】工作壓力太大被醫生勸離職 網民︰唔值得為份工犧牲健康呀！
延伸閱讀：【職場壓力】香港人身心健康指數亞太區包尾 逾9成打工仔曾經歷工作過勞
Look out for further updates on our Facebook fan page!