【職場熱話】辭職準備好交接 點知公司未請下手 網民:走咗就唔理

【職場熱話】辭職準備好交接 點知公司未請下手 網民:走咗就唔理

從遞交辭職信當日到工作最後一日,普遍都會有一個月時間。為了好來好去,普遍打工仔也會在這段時間做好交接工作,以盡最後責任。不過,即使有做好手尾的心,公司也未必配合,例如下手誰屬依然成謎?最近,有名打工仔到社交媒體專頁「奴工處」投稿,表示正在煩惱離職前的交接工作能否順利完成。

延伸閱讀:【辭職學問】辭職信應否表達失望情緒?如果要寫應該點先有禮?

即睇事主分享及網民回應:(按圖了解)

 

事主:我過多一星期轉新工,Handover List都寫好晒,但每次交畀上司時,佢都叫我直接交畀下手,但問題係公司到呢刻都未請到下手,佢究竟想點?

網民:夠日子就唔關你事
網民:It’s none of your business.
網民:分咗手,求其咪算。
網民:請唔請到人都唔係你問題,唔到你話事,做到夠期嗰日,夠鐘咪走人。
網民:擺低係檯面等下手嚟到自然會睇到。
網民:有咩問題,夠鐘走咪放喺自己檯面囉,無人收關你咩事?
網民:Last moment無人接手直接放檯面離開,關人鬼事,除咗出尾糧,咩電話都唔接。
網民:理得佢?仲好啦。可以唔使講咁多。
網民:交低身後事就走先啦係咁先喇。
網民:係有心嘅咪整本手尾簿囉,交惡走嘅就理佢都生蘑菇啦。
網民:尾糧又收咗仲想人返嚟?
網民:Last day去到last minute broadcast交接啲嘢畀全世界!
網民:我接上一個手嗰陣,人地走咗個半月,都係寫字留言,然後之後我仲發現,佢再對上加埋佢同期(全部走晒)嗰啲手尾都未搞,都係我執屎。
網民:我入咗間公司,上一手係三個月前,仲要所有files都係甩甩漏漏咁。
網民:我都係咁,上司未請到人所以叫我交畀另一位同事。但嗰位同事同我講:我唔係負責做你嘅嘢,你教我都無用,你寫低,到時會pass畀新人。

 

企業要小心規劃人力資源 網民籲:事主毋須負責

網民指,事主沒有責任處理公司的人力資源規劃問題,認為打工仔最大責任只是通知去留決定,以及完成可觸及的交代工作。僱員與僱主的勞資關係在最後工作天便會終止,除了部份離職後的限制條款外,僱員不須履行舊僱主要求,所以不少留言表示:「夠鐘走咪放喺自己檯面囉,無人收關你咩事?」另有些人建議,如果不欲為公司帶來麻煩,製作「手尾簿」是個不錯的選擇,可讓未來或會出現的下手參照相關資料工作。

從網民留言可看到,不少人轉職後未曾遇上上一任的負責員工,所以新入職初期感到無從入手,更有人直言感覺猶如「執屎」,暗指部分公司未有處理好人力資源規劃問題,以及忽視工作交接流程。

主流意見認為,事主毋須負責公司未聘請新人一事,離開後不應繼續擔心舊職問題。

遞交辭職信如何留有美好印象?不妨參照以下的四應做與三不做:(按圖了解)

延伸閱讀:【轉工跳槽】大離職潮來襲? 留住人才靠手段 加入管理層未必有用?

延伸閱讀:【職場文化】Workload一個頂兩個 做唔切被老闆鬧 網民:擺明恰你

延伸閱讀:【辭職學問】離職原因小心講 講錯隨時被淘汰 9個負面理由要注意

⏩⏩  需要請人?立即刊登招聘廣告!  ⏪⏪

Look out for further updates on our Facebook fan page!

Jobs You Maybe Interested In

刊登招聘廣告