【職場熱話】辦公室內設吸煙房 打工仔煩惱應唔應該報串

【職場熱話】辦公室內設吸煙房 打工仔煩惱應唔應該報串

香港有關禁煙的條例已經實行多年,基本上所有室內處所自2007年起均屬非吸煙區,但去到2021年的今日,竟然仍有公司陽奉陰違,甚至肆無忌憚公然犯法允許在辦公室內吸煙?有網民早前向社交媒體專頁「奴工處」投稿,覺得辦公室煙味難聞,困惑自己應否告發公司設立吸煙房,因而詢問網民意見。

延伸閱讀:【職場健康】被同事個口臭到作嘔兼病埋 網民:咁臭可能係⋯⋯

即睇事主分享與回應:(按圖了解)

事主:公司有間犯法嘅煙房俾啲同事入去「呼吸」,啲同事日日入去偷懶,一出嚟就好大陣煙味。

事主:對我哋呢啲唔食煙嘅人嚟講,真係好困擾,想問可唔可以匿名告佢?

網民:直接打1823啦!

網民:換轉係我,我一定向上頭匯報。無效的話,一於告鬼佢,話知佢有幾唔服氣。

網民:同上頭匯報咗唔理,再有控煙辦上嚟,一定知道唔係你篤灰?

網民:如果你公司係縱容室內食煙,呢間公司不做也罷,直程要搞上傳媒唱衰佢添啦。

網民:轉工吧,開得間房,食嘅人一定唔少。

網民:如果老闆都食埋一份,你就死忍啦。

網民:成年人,如果係我就照直講叫佢去後樓梯煲,唔好室內煲。

網民:做過份工,管理層自己喺房食,叫你入房開會一路開一路食。

網民:我舊公司直頭連房都唔使,全公司任何地方都食,而且嗰間公司係做食品生意,本身亦有做生產,我係唔會買任何呢間公司嘅嘢。

網民:我都有食煙,但我都唔贊成開吸煙房,一個癮起成班一齊食,會食多好多。

吸煙危害健康 二手煙禍害更大

吸煙危害健康人盡皆知,但香港至今仍有約一成十五歲以上人士習慣每日吸煙。吸煙不只影響吸煙者健康,更會影響周遭的人。香港吸煙與健康委員會指出,長期接觸二手煙的人比吸煙者有更高患上與吸煙有關疾病的風險。

按圖了解吸煙可誘發的疾病與禍害:(來源:香港吸煙與健康委員會)

・癌症(尤其是肺癌)

・心血管疾病

・呼吸系統疾病

・生殖系統疾病

・影響生育能力

・影響男性性功能

・影響孕婦健康

・影響胎兒及嬰兒健康

工作地方吸煙屬違法

根據香港法例第371章《吸煙(公眾衞生)條例》附表2,「工作地方」屬二十一類指定禁止吸煙區之一。如果僱員認為公司違法容許同事吸煙,而不能透過內部反映而有所改善,僱員可向衛生署轄下控煙酒辦公室(俗稱「控煙辦」)投訴。

《吸煙(公眾衞生)條例》第2條將「工作地方」定義為「為進行業務或非牟利事業而被佔用」的地方,以及「自然人在自僱工作、受僱工作或受聘期間在內工作(不論是否獲得收入)」的地方,更包括「在工作時段之間用膳或休息時使用的該地方的任何部分」。

有網民指出,「吸煙與非吸煙人士要互相尊重」,但吸煙者理應要清楚自己行為會影響他人,而僱主也應為僱員締造健康的無煙環境。

 

衞生署控煙酒辦公室
地址:九龍彌敦道345號永安九龍中心十八樓1801-1803室
電話:2961 8823
傳真:2575 8944
電郵:tobaccocontrol@dh.gov.hk

延伸閱讀:【職場健康】辦公室空氣差 或會影響員工認知

延伸閱讀:【職場健康】全球每年200萬人死於工作相關疾病 主因︰工時長

延伸閱讀:【職場環境】提升生產力:辦公室五個設計小貼士

⏩⏩  需要請人?立即刊登招聘廣告!  ⏪⏪

Look out for further updates on our Facebook fan page!

Related Articles

  • 【職場熱話】餐廳入面有地盤佬就唔想入去食飯? 即被網民炮轟:乜嘢職業都要食飯!

  • 【職場熱話】公司留唔到人延通知期 網民:見工都掉頭走

  • 【薪金比較】女朋友人工高過自己會唔會好自卑? 網民:錢唔係衡量人嘅標準

  • 【職場熱話】一人一個公司最落後嘅設施 網民:冇水機、滑鼠仲有粒珠喺入面…

  • 【職場熱話】工作失去人生自由 日子無限loop 打工仔:感慨完就繼續做嘢啦

  • 【見工面試】通知落選者只是人情?研究:不通知或損公司形象

  • 【職場文化】不想升職成全球趨勢 薪金責任需平衡

  • 【區區打工仔】商業區新貴?黃竹坑返工好唔好?

  • 【職場熱話】戲院工作二三事 巡院被迫睇鬼片?

  • 【薪酬待遇】疫情下外傭平均月薪達$5,144 中西區僱主出手最闊綽

Jobs You Maybe Interested In

刊登招聘廣告