【職場熱話】畢業證書太大張唔帶嚟見工 HR:帶齊文件咁難?

【職場熱話】畢業證書太大張唔帶嚟見工 HR:帶齊文件咁難?

見工面試是絕大部分打工仔的必經階段。相信各位回想起面試前要準備林林總總的文件副本時,除了希望自己「下世唔好做樹」之外,更會覺得有些文件帶出外會帶來不便。如果畢業證書是「大大張」的A3大小,則更加麻煩,究竟帶還是不帶這道問題,一直困擾著不少尋找工作的朋友。最近,有名HR向社交媒體專頁「奴工處」投稿,指出不少大學生因畢業證書太大而不帶其正本面試,狠批該等學生不依照指示面試。不過,這言論最終惹起網民的口誅筆伐。

延伸閱讀:【見工面試】GPA高但自覺醜樣 一直冇offer 網民:冇自信就輸咗!

即睇事主分享及網民回應:(按圖了解)

 

事主:我個post成日要約人嚟面試,講到明要帶晒啲文件正副本,好多大學生都會話大學張畢業證書太大張所以無帶嚟。其實由你畢業嗰日拎佢返屋企都好辛苦,因為好大張,咁你不如唔好讀啦。俾幾十萬讀個學位攞咗個牌,覺得唔係專業資格嚟。只可以講呢個世界實在太多高分低能。

網民:真心覺得呢位話人高分低能嘅HR,唔該你每次in人,先攞出個正本商業登記俾應徵者睇先,應該易過人哋屋企帶證書嚟見工喎。

網民:我in人如果見條友A3都帶,我嫌佢唔識變通添呀。

網民:其實已經電子化,仲要人帶正本?請咗先叫佢帶張正本copy 啦。

網民:我就拎開A4彩色縮印本嘅,帶正本都唔代表係真㗎喎,咁驚你咪自己去返相關機構check囉。

網民:有時聽到呢啲要求就知個HR係古老石山,呢間公司應該唔會好。

網民:證書就得一張,有咩事整爛咗,唔見咗,污糟咗係咪你負責賠返俾人先?

網民:我張證書緊要過你份工,講完。

網民:你唔請我,我一張證書都唔會帶來,除非電話講到。

網民:我從來都只帶Certified true copy,無人問過我攞正本。

網民:我覺得要帶埋個單位嚟先證明到你係喺嗰度住。

 

院校證書A3大小 網民:唔明點解要咁大張

香港有多間院校的畢業證書以A3大小設計,有畢業於外國大學的網民表示好奇,不明白「點解香港嘅大學要用到咁大張cert」。

在今年4月,有名香港中文大學畢業生在「CUHK Secrets」投稿吐苦水,羨慕其他大學的A4畢業證書,並形容中大畢業證書「牛龜咁大」,認為當「同事老細見到你拎住個環保袋裝住咁大張嘢」的時候,就知道自己打算轉工。

 

網民認為:應在聘請後才要求正本

不少網民對投稿的HR事主深感不滿,指出初次面試時帶備成績單(transcript)或證書的核證副本(certified true copy)已經足夠。

 

延伸閱讀:【面試攻略】成日問公司文化福利?00後見工最常犯的五件事

延伸閱讀:【見工面試】面試放咗個響屁 擔心影響取錄機會 網民:太臭應該唔請…

延伸閱讀:【網絡熱話】見工遇到衰HR簽約後求救 網民反斥︰明知伏仲簽?!

⏩⏩  需要請人?立即刊登招聘廣告!  ⏪⏪

Look out for further updates on our Facebook fan page!

Related Articles

  • 【職場熱話】參加bootcamp學識數據編程? 網民:百貨應百客

  • 【職場傳染病】辭職都會傳染? 2大原因解構「離職傳染」

  • 【職場遊世界】日本社畜文化好嚴重?揭示6個上班族辛酸史

  • 【見工面試】誇張照騙?帶屋企人面試?HR最不想遇到的8種求職者

  • 【職場貼士】控制狂老細 事事監督? 盤點5個老細最殺員工士氣嘅行為

  • 【行業趨勢】銀行金融行業仍是鐵飯碗?10個有1個想轉行、6成人不滿現時薪酬

  • 【薪酬待遇】疫情下外傭平均月薪達$5,144 中西區僱主出手最闊綽

  • 【返工血淚史】日日返工搭同一班巴士但點解會越嚟越塞?原來香港每日開車嘅人只佔全港人口⋯⋯

  • 【行業冷知識】傳譯形式分好多種?翻譯員誤譯會好大件事!

  • 【職場文化】男女工資差距不只因歧視?邊個先進國家差距最嚴重?

Jobs You Maybe Interested In

刊登招聘廣告