【職場熱話】求職者係曾欺凌過自己嘅同學 你會選擇面試奚落佢定唔見佢?

【職場熱話】求職者係曾欺凌過自己嘅同學 你會選擇面試奚落佢定唔見佢?

「凡事留一線,日後好相見。」相信大家都時常聽到這職場大道理,但原來有時真的會山水有相逢。近日有網民分享,知道將會面試的求職者,竟然是以前曾經在中學時代欺凌過自己的同覺,令他覺得不知如何是好。如果是你遇到如此情況,你想選擇用盡方法奚落他,還是直接不接見,令自己的心情沒如此大起伏呢?

延伸閱讀:【職場熱話】有咩工作性別單一化好嚴重?網民:廚師、美容、幼稚園老師?

有網民在社交平台專頁「奴工處」上分享正面對一大難題:「最近我要請個下屬,HR幫我揀咗3個人嚟緊面試,我睇CV發現其中一個係以前中學欺凌我嘅人!當年佢有整爛我書包、搵嘢扔我、屈我偷嘢、踢我小腿等等,我個心突然有啲唔舒服有啲驚,原來咁多年我都係未克服。我同朋友講,有朋友叫我唔好見算,又有朋友叫我照見奚落吓佢同埋克服佢,但我份人都唔係好識奚落人,如果係你,你會點做?」

有網民表示雖不是自己親身經歷,但都覺得此機會難得,是一個讓對方知道因果報應的大好機會!不過有網民則覺得事主應保持專業,或許給大家一個機會?

即睇網民回應:(按圖了解)

網民:「作為一個過來人,我建議你見。但要自己準備好先見,因為你心入面嘅問題,只有你自己先克服到,當年大家都細個先咁幼稚,而你以家已經長大,見到佢之後,你會突然間意識到,原來你已經唔會再畀佢欺負,有能力保護自己!咁先真正解決到你心裏面嘅問題。」

網民:「一係in時玩謝佢,一係請佢之後慢慢玩謝佢。」

網民:「見!奚落埋我嗰份!我都想有呢個機會,欺凌者終有報應!」

網民:「機會嚟啦飛雲!拎出嚟傾,話唔定解到你心結。」

網民:「叫佢嚟做返三個鐘written test,做完叫佢走唔使見,份嘢即刻拎去碎紙機。」

網民:「同HR一齊去見佢,唔使岀聲,淨係望住佢,如果佢認得你,佢應該已經緊張,呢個心理壓力都夠佢受。」

網民:「係上天畀個機會你去釋懷,用咩方式去見佢係你嘅選擇,隨你心情就可以,就算你奚落佢、侮辱佢,都係佢應該要承受,就當係你哋各自嘅命運。」

網民:「畀着我係你,更加要請佢。要佢比死更難受。」

網民:「好難講,除非自己係老細,佢都有可能反咬一口,唔需要搵個人嚟搞到自己督眼督鼻。」

網民:「約佢上嚟,順便問吓佢對職場欺凌有咩睇法,同埋如果佢係受害者會如何處理。」

網民:「照見,畀佢知道你而家地位高過佢、犀利過佢,然後見完唔揀佢!」

網民:「過來人分享,其實呢,欺凌人嗰啲人好可能會唔記得欺凌過人同埋邊個,可能淨係覺得係玩吓,所以無上心。通常只係被害者默默承受同記住。」

網民:「正所謂,君子報仇,十年未晚。」

網民:「見,仲要請埋佢。你愈大方面對,更顯得高低立見!」

 

山水有相逢
差不多所有留言的網民都覺得事主應該要見這位曾經欺凌自己的求職者,不過以甚麼方式去見他,就是事主的選擇。當然,不少人第一時間都覺得可以在面試時奚落他、給他做多餘的考核、問故意為難他的問題、要他分享對職場欺凌的看法之類,只是想像一下,就覺得可以報復的一刻,實在是大快人心。

不過,其實事主自己都有點心理陰影,不過有網民指可能見面後,對自己都有所幫助,他指:「作為一個過來人,我建議你見。但要自己準備好先見,因為你心入面嘅問題,只有你自己先克服到,當年大家都細個先咁幼稚,而你以家已經長大,見到佢之後,你會突然間意識到,原來你已經唔會再畀佢欺負,有能力保護自己!咁先真正解決到你心裏面嘅問題。」

延伸閱讀:【職場熱話】有咩工作性別單一化好嚴重?網民:廚師、美容、幼稚園老師?

延伸閱讀:【職場熱話】男同事又約食飯又約睇戲 冇feel可以點拒絕好?

延伸閱讀:【職場文化】靚仔靚女喺職場上容易啲生存? 網民:睇你識唔識打扮

⏩⏩  需要請人?立即刊登招聘廣告!  ⏪⏪

Look out for further updates on our Facebook fan page!

Jobs You Maybe Interested In

刊登招聘廣告