【職場熱話】最憎嘅同學Apply自己公司!因為事主1句話上司決定放棄面試?

【職場熱話】最憎嘅同學Apply自己公司!因為事主1句話上司決定放棄面試?

俗言有云「做人留一線,他朝好相見」,意指做事要給別人留情面,到日後相見時才好相處。否則,可能因為人際關係而錯過工作機會,有台灣打工仔在網上討論區Dcard分享個人經歷,指得知一個討厭的同學申請自己公司的職位,上司竟然因為自己一句話,取消與同學的面試。

點圖了解更多事主分享:

事主:「最近上司收到幾個面試申請,其中一個係我同校,上司問咗我一句『你識唔識佢?』我望住佢份CV,打咗個突,就係我以前嘅同班同學,我好少同佢來往,主要係性格不合,唔可以話佢係畀全班討厭嗰種人,但係係我好唔鍾意嗰Type,而我都唔係唯一一個討厭佢嘅人。

我哋完全係喺唔同嘅社交圈子,佢好鍾意畀人吹捧做中心,唔係特別靚但覺有自己嘅魅力,做嘢都幾自私,做人都好小氣,成日喺人哋背後講人,好似邊個好肥,邊個着啲衫好Cheap。

我都曾經畀佢問過點解唔用啲大牌子嘅護膚品,嗰種口氣感覺係嫌我用啲好Cheap嘅嘢,因為佢嚟我哋宿舍間房嗰陣,見到我用嘅護膚品所以咁問,當下心諗關你咩事,都冇特別講乜。我嗰陣唔想同佢交惡,我就係咁怕事。

返正題先,當上司問我嗰陣,我好掙扎,我唔希望佢嚟,因為我真係好憎佢,更加唔想同佢做嘢。不過,如果我喺上司面前一五一十講出嚟,唔知佢點諗我,會唔會覺得我好心胸狹窄。後來我都係講咗句對佢偏向不利嘅說話,因為我真係唔想佢入我哋公司,類似『我同佢之前冇咁熟,佢活潑,鍾意玩多啲,所以以前上堂比較少見到佢』嘅說話。

上司竟然直接同我講:『咁我哋唔好搵佢嚟In』我當然係好開心,但又有啲罪惡感,好似我搞到佢冇咗個機會咁,畢竟入到大公司都唔容易,睇佢份CV都喺細公司做咗幾年。我覺得我完全唔考慮佢嘅專業,就叫上司唔好請佢,搞到面試機會都冇埋,好似唔係幾好。」

網民回應:

A/你做得啱呀,善良係選擇,唔係義務。

B/專業係其次,最緊要係識同人相處,可以參考吓。

C/先做人,再做事。

D/你講到唔入你哋公司,好似人生斷晒後路咁做乜啫。你點知你咁拒絕佢,佢會唔會遇到貴人或者爬到更高嘅地方。

E/對敵人仁慈,就係對自己殘忍。

F/你完全冇做錯,做咩要咁卑微,但你都要記得,到未來某一日,會有個人因為你嘅好小事,而當你嘅申請冇到,人生係咁。

G/冇乜好罪惡感,可以隨便問個識嘅人,就冇咗個工作機會,應該唔會影響到某個人嘅人生。

H/正確選擇呀,唔好入嚟搞壞個氣氛。

I/如果上司係因為你嘅一句說話唔畀佢入嚟,公司個制度都幾有問題,點會問個員工,其他人入唔入嚟面試好?你哋HR係做咩?應該係上司見到佢份CV,心裡面有啲問題,想搵人討論,你嘅一句說話成為咗致命一擊。

J/我都試過畀人阻止,冇咗個面試機會,但佢係恰我嗰個,驚我入去爆晒佢啲衰嘢出嚟,但其實我都好多謝佢咁做,因為我而家份工好好多。

K/其實你講客觀陳述就夠,人哋上司會諗個人啱唔啱用。

L/就咁聽個人性格唔太好,仲要喺唔熟嘅情況下都有咁嘅印象,多數都仲有啲好衰嘅位,印象中呢類型人做嘢都唔好得去邊,畀佢入嚟,你都忍唔到佢嘅性格,仲要因為係舊同學,畀人叫去做嘢,佢做得差,其他同事唔想做衰人,最後又係搵你去善後。

不少網民都安慰事主,認為事主的決定非常正確,網民的分別留言說「善良是選擇,不是義務」、「對敵人仁慈就是對自己殘忍」及「正確的選擇,不然進來也是搞壞團隊氛圍」。相反,有網民就覺得上司單純因為事主的一句話而刷掉同學的申請,制度令人質疑,更坦言「公司的審核制度也有問題啊,怎麼會問員工要不要請誰來面試?」

有人提醒事主,這樣做沒有錯,但她也要有心理準備,未來可能因為小事,而失去工作機會。面對與事主同樣的情況,打工仔會怎樣做?這個時候只要客觀陳述自己的見聞就好,這樣能夠幫助上司之餘也心安理得。

介紹朋友入公司,最後中伏?(點圖了解更多)

即睇維持職場人際關係嘅小技巧!

延伸閱讀:【職場英語】7大職場用語你要識!「Chair a meeting」、「Reshuffle」又點解?
延伸閱讀:【職場理財】自覺理財不遂 有可能理財能力比想像中好!5個理財指標 判斷財務健康與否!
延伸閱讀:【職場溝通】到職1周被上司「照肺」 全因1個理由!打工仔:點解要請我?
延伸閱讀:【職場文化】同事學歷低、工作少、年資少 但人工竟然高過自己!


最新專訪片︰

【CEOTalks】肯定員工努力 願意堅持終能獲得成功 譚仔國際行政總裁劉達民:中途放棄的話 永遠未能欣賞山頂的風景

 

⏩⏩  需要請人?立即刊登招聘廣告!  ⏪⏪

Look out for further updates on our Facebook fan page!

Related Articles

  • 【見工面試】面試講「我冇經驗,但我可以學」原來係大忌!1個框架教你點答先啱

  • 【見工面試】求職者錯過面試機會!竟然因為覆咗1個訊息?網民:呢啲公司唔去都罷!

  • 【2024勞工法例|僱傭合約|解僱原因】10大老闆迫辭職常用手段!架空員工可令其自願離職?

  • 【職場調查】職場新人6大煩惱事!網民說不出的困擾係?好驚對住上司?

  • 【職場趨勢】員工對僱主信任度大跌!僅69%僱員相信老闆決策正確 較兩年前跌一成

  • 【溝通技巧】啲嘢做唔晒 點覆同事會好啲?網民:睇吓對方態度點!

  • 【薪酬趨勢2024】學歷與收入成正比?7大類教育程度就業人士每月就業收入中位數!

  • 【見工面試】12大面試嚴重錯誤!叫錯面試官個名、放負、睇手機 你有冇犯過?

  • 【見工面試】HR竟然唔記得約咗Interview?事主慘呻:過程0尊重、浪費時間!

  • 【職場健康】知唔知「PUA」係咩?同情緒勒索唔一樣!常見職場PUA 6大行為!

Jobs You Maybe Interested In

刊登招聘廣告
;
Follow CTgoodjobs for the latest career news, hot topics and recommended jobs!
Maybe Later Follow