【職場熱話】新同事返工 被指派去大肚同事屋企WFH 網民:HR嘅諗法好出位!

【職場熱話】新同事返工 被指派去大肚同事屋企WFH 網民:HR嘅諗法好出位!

相信大家對在家工作(Work From Home,WFH)都有相當的經驗,但你們又試在新上工第一天,就得去同事的家「Work From別人的Home」嗎?這事例極為荒旦,不過想出這方法的HR卻非常自豪!

延伸閱讀:【香港人在外國】廣告業女生隻身到英國 所有事情都靠自己 嘆:有時會好孤單…

有網民在社交平台專頁「奴工處」上投稿,以「要去同事屋企返工?」為題,分享道:「話說有個同事大咗肚,一有咗就因身體不適而要求WFH,公司因為佢放產假而需要請多個人幫佢,因為新同事一返工冇人教佢做嘢,所以HR諗到個佢覺得好好嘅方法,就係叫個新同事頭幾日去個大肚同事屋企返幾日,等大肚同事教吓佢先再返office。 

但個大肚同事住天水圍,仲要冇電梯,要行7層樓梯,重點,佢見工係中環,以為以後返工返中環,點知一入職就要去天水圍。」新同事的遭遇似乎只能以無奈應對,不過,公司似乎很為這位懷孕同事着想,那這公司算是好還是不好呢?

即睇網民回應:(按圖了解)

網民:「咁咪仲好,唔使過海!」

網民:「新同事同大肚婆都可以拒絕,老闆都唔會同意,成件事假到離譜,呢啲情節拍戲都叫回水啦。」

網民:「點可以去人屋企返工?」

網民:「要唔要幫大肚同事煮埋飯先?」

網民:「去天水圍都唔緊要嘅,返咗中環公司打咗卡先……」

網民:「個HR嘅想法好出位吓!」

網民:「就算係真,都係返幾日啫。」

網民:「唔解唔用視像?」

網民:「莫非個新同事係你。」

網民:「轉個角度諗,呢間公司都幾關心同事,做得過呀!」

網民:「咩年代?有咩唔可以用電話同zoom?咁如果同第二啲地方office嘅同事開會做嘢,係咪要飛過去?」

網民:「返工返到要喺同事屋企返,呢個HR勁呀!」

 

HR應與時並進
雖然很多網民都覺得新人同事很慘,要遠征天水圍,亦有人覺得懷孕同事未必會願意讓新同事在自己家中工作吧?亦有網民覺得,換個角度看,公司甚麼對這位懷孕的同事確要不錯,非常配合。但同時,有網民覺得,如果該工作崗位的工作,只有懷孕同事懂得做,這間公司的工作安排是否很有問題呢?

不過,有網民覺得HR這想法實在出位,明明大家都已經習慣了遠距離工作,為甚麼不可以用視像通訊軟件來教新同事呢?有網民更分享,自己第一天上班就已經WFH,只可靠用teams及zoom來與同事們溝通和學習,而他順順利利地接手,其實事件中的HR都應該與時並進,善用軟件和科技作輔助,方便大家工作和生活。

 

延伸閱讀:【職場熱話】有咩工作性別單一化好嚴重?網民:廚師、美容、幼稚園老師?

延伸閱讀:【職場熱話】男同事又約食飯又約睇戲 冇feel可以點拒絕好?

延伸閱讀:【職場文化】靚仔靚女喺職場上容易啲生存? 網民:睇你識唔識打扮

⏩⏩  需要請人?立即刊登招聘廣告!  ⏪⏪

Look out for further updates on our Facebook fan page!

Related Articles

  • 【企業管理】實行在家工作對企業的8大好處

  • 【職場熱話】全公司都確診 點樣運作好? 「喺隔離營開分公司」

  • 【職場熱話】WFH要畀證據? 開會要cap圖? 網民:小學生咩

  • 【職場熱話】公司疫情下的安排 WFH? 打工仔:淨係出咗個email

  • 【職場熱話】經朋友介紹到公司工作 事後發現遭壓價 人工連Fresh Grad都不如?

  • 【HR貼士】外判工作6大好處 助企業靈活擴展

  • 【職涯規劃】過半數市民指青年上流機會不足 37%人預計未來10年情況會變差

  • 【見工面試】最厚面皮的說話 面試就是一場戲? 網民:大家鬥假

  • 【職場抉擇】嫌棄薪酬加幅少 搵工又驚老細知 加人工定搏升職?

  • 【職場貼士】7個使用LinkedIn嘅禁忌

Jobs You Maybe Interested In

刊登招聘廣告