【職場熱話】大學欠缺intern經驗而不獲升職　網民：擺明係藉口！

CTgoodjobs' Editor

Published: 2022-06-06

Updated: 2022-06-06 15:56

大學生普遍會在長假期尋找實習機會提升職場能力，了解職業路向，以便整理一份豐富履歷，讓自己在畢業後有更好的際遇、機會和職涯發展。不過，有不少學生也曾苦惱一個問題：究竟實習是否必須呢？最近，有一打工仔到「香港討論區」發文吐苦水，竟指自己因為求學期間欠缺實習經驗而不獲升職，但絕大部分網民覺得這非真實的原因。

延伸閱讀：【職涯規劃】返intern要小心？過來人分享實習經驗無簽約更要注意

即睇事主分享及其他網民回應：（按圖了解）

+16

+15

事主：我讀個科同而家份工無直接關係，同埋我未畢業嗰陣無做過intern，而佢哋嗰陣請我只係因為當時佢哋急住要人，唔係真係賞識我。上司話我連intern都未做過，仲衰過啲fresh grad，乜intern真係咁重要咩？好多人讀嗰科都唔係做嗰科嘅工，一路做一路學真係唔得咩？

網民：藉口來，咁都聽唔明？的確，工作能力不一定與讀嗰科有關（專業例外）。即係話你嘅工作表現，未達到上司／公司要求囉！

網民：隨便搵個理由，根本唔想升你。

網民：佢睇你唔順眼，求其作個藉口你又信。

網民：搵定工啦，連氹住你先嘅說話都慳返，即是佢覺得你可有可無。

網民：老細唔睇你的話，份份工都無運行，咩藉口無所謂啦！

網民：已經入職仲講乜鬼intern？這是講到明不喜歡你，快搵後路！

網民：真係覺得你連Fresh grad都不如，就已經炒咗你，請過個Fresh grad啦。

網民：都係嗰句，搵到好路數就走啦。唔想升你，唔想加你人工，咪咁囉！

網民：真相無意思，你最好搵定下一份工。

網民：咁你唔係嗰科，人哋有大條道理插你。

網民：根本係你對佢無利益，唔好咁天真。

網民：社會就係咁，升到職嘅佔一大半唔係佢做得好，只係靠擦鞋，最重要係上司鐘意就OK，嗰陣就算你唔識，上司都畀機會你甚至搵識嘅人幫你。

網民：同意！我之前有讀行業相關課程都無得升，但另外條Team請咗個大學讀中國歷史嘅，一嚟就高級過我。而家我做緊嘅工係要攞牌嘅，點知公司最高級個經理係無牌嘅，而佢只係舊時同老闆係同事，傾得埋，所以老闆叫佢入嚟做。

網民：你有料，就算無讀過書都照升可也！

網民：我無讀過相關嘅科目，亦都無做過intern，仲只要係邊做邊學，但我升咗職。

網民：人際關係都係能力一種，群體社會尤其重要，通常自己上唔到位就話人擦鞋先可以上到位嘅人通常係loser用嘅藉口。

說話表面未為真　網民：升職靠人事

大學實習經驗會否影響職場際遇呢？多名網民指出，這或會於畢業後初期帶來一定影響，但其後應沒有太大關聯，當中一個留言提醒事主：「已經入職仲講乜鬼intern？」這說話暗示，上司在胡亂尋找藉口拒絕事主升遷，多人附和這個意見，更指繼續留任將會「無運行」，應盡快尋找工作「搵後路」。

對於升職與否的考慮因素，多人認為人事關係與工作能力比大學時期的實習經驗更為重要。有網民提及自身經歷，指出「無讀過相關嘅科目，亦都無做過intern，只係邊做邊學」，但最終也獲賞識而升職。不過，更多人覺得「識人好過識字」，擁有良好人事關係會令事業事半功倍，其中一名打工仔語帶不忿直言：「升到職嘅佔一大半唔係佢做得好，只係靠擦鞋。」有網民則反駁，這些言論是「loser（失敗者）嘅藉口」，皆因人際關係也屬於工作能力的一種。

大學生做實習係搵工入場券？按圖即睇返intern的7大好處！

+17

+16