【職場熱話】同老細鬧大交後辭職 被迫整「Hangover List」下屬大反擊！

根據非正式統計，辭職個案中，有九成都要不快的！打工仔有甚麼不快的辭職經歷？如果與上司有「牙齒印」，大家會以好來好去為宗旨，忍耐到最，還是在last day前來一個大反擊呢？

延伸閱讀：【職場文化】被上司搶功勞 辛苦成果被沾光 點樣應對先啱？

有網民在社交平台專頁「奴工處」上以「同事last day前幾日，老細日日迫佢send『Hangover List』……」為題投稿分享，指：「早排有個同事同老細日日鬧大交，最後佢遞咗信。因為個同事本身都跟緊好多大Project，老細又唔想同佢面對面講嘢，但又要知啲Project嘅手尾，就日日send幾個email叫個同事send『hangover』list出嚟，

本身個同事一直唔理佢，佢最後Last Day嗰日都冇send出嚟，但佢Goodbye email同老細講『好抱歉一直Hangover狀態，唔知要List啲咩出嚟，但係如果你想要follow up嘅Handover List，我諗睇返email 最方便，所有嘢一直有CC你』再用All the best 做結尾⋯⋯笑到我哋成班同事傻咗！」

相信不少讀者閱畢後都覺得事主的同事很有型！做了大家很想做而又不敢做的事！不過，此舉又有沒有代價呢？大家會否這樣做？

即睇網民回應：（按圖了解）

+10

+9

網民：「呢個人肯定係有料嘅人，玩返老細轉頭，佩服！」

網民：「如果真係咁緊要嘅嘢，你見我咁多日都冇做，你咪當面同我講囉，唔講即係唔緊要啦，所有嘢有cc畀你，你都可以唔知進度嘅，咁你返印度食蕉啦！」

網民：「責任感問題，無論上司點衰，我都會完成本份，唔會為啲咁嘅人破壞自己嘅宗旨。」

網民：「老細，我一遞信就變成咗Gameover狀態。」

網民：「個世界好細，香港更細。佢好識玩，但其實係玩緊自己。」

網民：「我同事最後嗰個月，老闆成日叫佢開會，唔係同老闆開就係叫人搵佢開，搞到佢到last day都未搞好份list。」

網民：「對住某啲老細真係唔使講責任心。」

網民：「聽落好心涼，好有『出咗啖氣』feel，但最終受害都係佢啲同事⋯⋯」

網民：「最後一日先畀都唔遲。」

網民：「串返對方錯別字，猛！」

網民：「有乜理由你伙記做緊咩而你呢個老闆係唔知道？真係莫名其妙。」

網民：「1.幾時飲2.同邊個飲3.飲咗幾多種酒4.飲咗幾多先冧，有冇嘔5.第二日用咗咩方法解酒」

網民：「又係你叫人hangover，咪hangover畀你睇囉，身為老細連hangover同handover都分唔到。」

為一時之快還是忍氣吞聲？
雖然很網民都指事主的同事就如為大家「出咗啖氣」一樣，感到很舒暢，不過都有網民認為，事主的同事其實沒有必要「去到咁盡」，畢竟「個世界好細，香港更細。佢好識玩，但其實係玩緊自己。」而且不知道該行頭窄不窄，山水有相逢的話，其實未必對自己有利。

亦有網民覺得做人應該要有責任感，「無論上司點衰，我都會完成本份，唔會為啲咁嘅人破壞自己嘅宗旨。」不知道大家會怎樣選擇呢？

延伸閱讀：【職場文化】被上司搶功勞 辛苦成果被沾光 點樣應對先啱？

+13

+12

延伸閱讀：【職場兩性】女同事Last Day突然表白 男事主苦惱：我有女朋友…

延伸閱讀：【職場熱話】9K請遊戲設計兼寫App 被網民大鬧無良公司！

延伸閱讀：【職場熱話】人工高、同事好 唯一苦惱係每日返工來回4個鐘！你會點做？

最新專訪片︰

⏩⏩  需要請人？立即刊登招聘廣告！  ⏪⏪