【職場熱話】同事因無暇處理家事辭職 老闆問:點解唔請工人?

【職場熱話】同事因無暇處理家事辭職 老闆問:點解唔請工人?

朝九晚六的生活佔據了打工仔生活的每日大部分時間,加上本港職場常有加班工作,不少人難以兼顧家頭細務。假如工作後還需要照顧家中有兩老或子女,人生可謂沒有一刻喘息。職場不時有人因家庭原因而辭職,最近有一名打工仔到社交媒體專頁「奴工處」投稿,提及其同事打算更好照料家庭而辭職,怎料老闆說出了一句「堅離地」說話,觸發網民的熱烈討論。

延伸閱讀:【職場熱話】上司懶睇email要下屬印出嚟 網民:幾時餵佢食飯?

即睇事主分享及網民回應:(按圖了解)

投稿者:話說我同事辭職,咁老闆就話傾吓原因之類,咁其中一個原因就係我同事話佢收工返屋企後要趕時間去買餸煮飯畀屋企人食,而老闆們常常24小時都會WhatsApp或打電話叫佢即刻做嘢或改文件,搞到佢冇晒私人時間照顧屋企。點知我哋個好老闆就話佢:「呢啲你叫工人做啦,請個工人姐姐就搞掂晒啦!」我聽到之後真係O嘴,老闆畀嘅人工又唔係高,我哋請到工人唔一早請咗咩?

網民:何不食肉糜?
網民:條友知唔知而家工人有幾難請?
網民:因為公司畀唔夠人工我。
網民:老闆,無咩工人好似我咁好,低人工都照做。
網民:咪就係因為而家人工低,請唔起工人,所以咪要轉工囉!老細~~~
網民:好多老細經常話,百幾二百萬唔係錢,好少錢。但你叫佢人工加多$500都叫救命。
網民:我諗加人工先,咁我就可以請!同埋無咩人好似我咁抵得諗,連工人都請唔起嘅工我都照做! 
網民:你叫老闆出錢請工人!
網民:煮飯同屋企人一齊食係福氣,睇怕呢個老闆無此福份!
網民:就算有錢請工人,我都要有地方畀佢住先得啦!
網民:咁應該問請工人係咪有得claim?間屋唔夠大,冇地方畀工人瞓,換過間大啲再claim?
網民:同啲「堅離地」物種,講多都嘥氣,根本唔同channel,有機早走早著好過。
網民:我老細都係堅離地,問點解我啲仔女唔讀國際學校……

 

眾斥老闆離地 籲先改善待遇

眾多網民笑言,離地是大部分老闆的特徵,常拋下不可理喻的說話,叫人哭笑不得。多人提及,能否聘請家傭在乎收入,但觀乎投稿者所述,該企業薪酬待遇並不優厚,員工難以在日常增加聘請工人的開支。網民呼籲面對類似情況應該直線抽擊,例如向老闆表示:「無咩工人好似我咁好,低人工都照做。」

多名網民認為,每個人說話都應該要負責任,否則容易令人不悅,甚至得罪他人。即使老闆是支薪一方,但這個位置不代表可以口不擇言,尤其企業應該清楚員工的薪酬,從而推斷其經濟狀況。

「何不食肉糜」笑話流傳千年

有網民指,老闆說話猶如「何不食肉糜」,不理解民情。根據史書記載,西晉後期飢荒連連,大臣稟報無數平民餓死,但身為國君晉惠帝竟以「何不食肉糜」回應,認為民眾有能力將肉煮成肉粥避免飢餓,因而遭後世恥笑千年。此話在今日仍用以揶揄「堅離地」的掌權之士。

遇到以下4類上司要盡快轉工!唔止無發揮空間,仲會令人退步?!(按圖了解)

延伸閱讀:【職場熱話】上司年紀細過自己會唔會介意? 網民:年齡唔係重點
延伸閱讀:【職場熱話】上司話唔識就問 點知一問就被投訴 網民:呢句如同●●●●
延伸閱讀:【職場貼士】能力再好都無用!9種被上司負評的行為

⏩⏩  需要請人?立即刊登招聘廣告!  ⏪⏪

Look out for further updates on our Facebook fan page!

Jobs You Maybe Interested In

刊登招聘廣告