【職場熱話】同一日收到兩個offer 應該揀錢定揀興趣好?網民:唔好後悔一世

【職場熱話】同一日收到兩個offer 應該揀錢定揀興趣好?網民:唔好後悔一世

魚與熊掌不可兼得,要在現實與理想之間二擇其一,向來是一道難題。有網民於網上連登討論區發文指,自己在同一日內收到兩間公司的聘請通知,一間高薪福利好,另一間是自己喜愛的球隊,兩個offer的年薪相差近兩萬加幣,令樓主非常苦惱。

延伸閱讀:【個人成長】 進入社會後 你必須要知道的4個殘酷真相

按圖睇樓主及網民回應:

樓主:依家人喺多倫多,兩個鐘之內收到兩份offer。

1. 而家做緊份文員仔,intern contract完咗之後,offer我轉full time (9月開始) 年薪58000加幣 + bonus 6000加幣(即年薪約37萬港元),連保險福利同埋20日有薪假。平時返工唔太chur,準時收工放工。

2. 美職棒 Toronto Blue Jays offer Project Management Associate (5月開始),年薪44000加幣(即年薪約25萬港元),因為只係得一年contract,所以唔包保險,冇福利冇有薪假。未知返工chur唔chur。

而家真係唔知點揀,不嬲都係棒球fans,所以真係好鍾意好鍾意嗰隊波,每日返工都可以見到啲sports stars,已經可以想像到日日返工都會勁開心(講緊屋企有好多佢哋嘅紀念品,痴晒poster嗰款)。

但係最近買咗車,申請做永久居民都需要錢,所以覺得好掙扎。想知大家會點揀?我二十中啱啱出嚟做嘢冇幾耐,自問入世未深,人生第一次遇到呢個情況,嚟咗加拿大差唔多一年,究竟應該揀錢定興趣?

網民A:1啦,過到嚟仲同錢過唔去咩?

網民B:2,人生有幾何可以喺自己鍾意嘅球隊返工?

網民C:一年合約我會揀2,反而長約怕做耐咗/知道太多內部嘢會失去幻想。

網民D:畀我會揀2,做3至6個月,見夠啲球星先走,反正第一份工都係普通文員,唔難搵,但你本身係忠實fans,呢個機會可能錯過咗就一生都後悔。

網民E:如果你話為咗份CV好啲而揀2都合理,但係只係為咗同球星吹水而揀份待遇差咁多嘅工,你到時一定後悔。同埋你點解覺得啲球星一定會理你?

網民F:我會揀2啦,呢啲機會就算加拿大人都唔易得到,如果做得好,唔排除佢哋會轉長工。

網民G:樓主先二十中,而家唔發夢等幾時?搵錢多交稅又多,不如玩一兩年先認真搵工!

網民H:你計吓自己一年開支幾多?負擔到嘅揀2,負擔唔到就揀1。

網民I:其實去到外地,你同隊波距離已經近咗好多,建議揀個穩陣啲嘅選擇,保障咗自己將來先。萬一All in咗隊波,做得開心嘅係happy ending;唔開心,就輸份工輸埋你嘅夢。

網民J:本身睇牌面揀咗1,但如果1係普通admin嗰種文員仔(冇乜career path),而如果樓主係有興趣喺PM發展(例如考cert之類),咁其實2都諗得過。

網民K:一定係揀2,唔使諗,life is more than making money。

網民L:做完2感覺可以同當地人講十年,呢啲經歷唔係個個有。

大部分網民均支持樓主追夢,直言機會難得,更可以成為人生其中一個值得驕傲的事蹟,不過網民提醒樓主勿抱有過分美好的期望,因為該職位屬於後勤職位,未必能夠與球星面對面接觸。更有網民表示,加拿大公司比較喜歡透過轉介或人際網絡找工作,如果該職位會聘請外來人士,有可能是當地人也不願意做的工作。

睇埋如何做好職涯規劃:

延伸閱讀:【另類職人】《全民造星》創造旁白君 文卓森談追夢︰電視圈需要年輕人的熱誠

延伸閱讀:【財務自由】港人財務自由度長期唔合格!只有33%認為可以安享理想退休生活

延伸閱讀:【職涯規劃】30歲必須月入3萬元?20個職場人生道理


最新專訪片︰
【星級斜槓族】ViuTV女神沈殷怡棄律師入娛圈 自認變態喜歡考試 曾有一刻後悔入行?!

⏩⏩  需要請人?立即刊登招聘廣告!  ⏪⏪

Look out for further updates on our Facebook fan page!

Related Articles

  • 【解僱員工】刻苦耐勞VS受歡迎 網民:我係高層會炒你先 炒人有咩要注意?賠償要點計?

  • 【轉工跳槽】拒絕Offer應否提及搵到工?HR咁樣講⋯

  • 【政府工職位空缺2024】郵政署招聘運作助理員 只須中四學歷 月薪高達$15,251(內附入職要求、工作職責及申請方法)

  • 【求職難】4成公司承認今年曾發布虛假招聘廣告!咁做嘅原因係咩?

  • 【求職平台|職位空缺】香港找工作如何入手?畢業生、失業及轉工人士必睇!5大免費求職平台資料一覽!

  • 【辭職時機】月薪低於2萬!每年須出差4個月應否辭職?網民:快啲走!

  • 【薪酬趨勢2024】人工過$2萬嘅行業係?8大行業主類劃分的平均每月薪金!

  • 【見工面試】同一間公司10次面試都失敗!求職者百思不解!網民推測1個關鍵原因!

  • 【職場扮工】7成CEO扮識AI!為趕上潮流?管理層:「仿佛自己是一個騙子」

  • 【薪酬趨勢2024】秘書搵幾多錢?4大按職業組別平均每月薪金!呢類人士月入$26,000以上?

Jobs You Maybe Interested In

刊登招聘廣告
;
Follow CTgoodjobs for the latest career news, hot topics and recommended jobs!
Maybe Later Follow