【職場熱話】午膳津貼變相留員工開會 打工仔:我寧願落街食

【職場熱話】午膳津貼變相留員工開會 打工仔:我寧願落街食

舊時香港報紙不時出現「包伙食包住」的工作招聘廣告,「包住」今日基本上已經絕跡,但仍有公司設有午膳津貼延續「包伙食」傳統。今日香港百物騰貴,茶餐廳午餐加凍飲索價約半百,午膳津貼看似是十分不錯的福利,但有打工仔卻認為設有午膳津貼可構成另類剝削。一名打工仔早前向社交媒體專頁「奴工處」投稿,悲呼午膳津貼成為員工午飯時間不能離開辦公室的藉口。

延伸閱讀:【職場文化】老闆開會遲放飯 應該遲返定準時返? 網民:梗係順延遲返啦!

即睇事主分享及網民回應:(按圖了解)

事主:公司好好福利,會包埋我哋食飯,每日都會同老細食飯,老細埋單。

事主:但係其實就係,老細會利用呢個時間嚟開會,每日都係傾公事,仲要唔可以拎個電話出嚟玩,唔關你事嘅嘢都要聽其他人有咩意見。

事主:有時候我寧願自己畀返錢,自己出去食lunch。如果係你,大家又會點樣揀?

網民:好慘,連lunch嘅私人時間都無埋。

網民:我前老闆咪係囉,懶好人咁請我哋食飯,其實咪逐個同事一路食一路鬧,連part-time同事都鬧埋佢做唔到嘢!

網民:食飯仲要用腦真係好累。

網民:其實我鍾意一個人去食,同老闆、上司、同級、下屬食都唔想,一嚟食咩唔使就,二嚟單拖易搵位,三嚟有時唔想食可以去公園hea陣,返工已經攰,食飯仲要諗話題好鬼煩。

網民:咁咪即係無break time?出去食好過。

網民:我自己一條友食完,鍾意去行下街,夠鐘先返去。同事就鍾意買返去食,食完就開工。

網民:我唔係咁鍾意同同事食飯,佢哋有時鍾意連續一個月外賣或者食同一間舖,食到我都怕!

應尊重員工選擇權利

香港《僱傭條例》未有任何有關午膳時間及方法作出規定,但有網民則認為事主公司欲以「幾廿蚊個飯盒偷埋lunch hour嘅工時」,屬於非常刻薄的行為,可見僱主應從常理考慮僱員感受,以及尊重其選擇午膳場所的權利。如果公司長期霸佔員工午膳時間用於工作,對留住人才或有不良影響。

另有網民指,「無得出街呼吸新鮮空氣我覺得太抑鬱」,可見午膳時間有助調節僱員每日心理和心理健康。實際上,外出午膳除了可讓你離開一下緊張的辦公室外,還有有多個好處!

3大外出午膳的好處:(按圖了解)

提神醒腦

・長時間留在同一個空間會感沉悶,加上室內空氣未必流通,全日留在辦公室內會使工作效率下降。

・外出午膳可讓人到室外呼吸新鮮空氣,減低同一空間的沉悶感覺,有助提升下午的工作效率。

讓自己走動一下

・長期坐著不動會為身體帶來壞影響。澳洲公共衛生研究學者Josephine Chau曾在論文指出,成年人每天坐10小時會增加死亡風險達34%。

・午膳時間為工時內難得可走動的機會,應該好好把握時間,避免長時間坐著。

促進社交

・工作大部分時間面對電腦螢幕,最多只能與鄰座同事閒聊兩句,外出午膳是難得的機會讓你維持社交生活。

・相約在附近工作的舊同學或朋友一同午膳是忙碌中的一點小確幸。

延伸閱讀:【職場人際】新工一個月無飯腳唔知點?網民:何苦要同人扮熟

延伸閱讀:【職場熱話】新人入職被要求請下午茶 事主:唔好問我點解辭職

延伸閱讀:【職場貼士】最有工作效率竟然係星期〇!調查指午飯前效率較高

延伸閱讀:【職場健康】返工口痕想食下午茶又怕肥?堅守7大原則減低增磅風險

⏩⏩  需要請人?立即刊登招聘廣告!  ⏪⏪

Look out for further updates on our Facebook fan page!

Related Articles

  • 【職場熱話】用OT衡量工作表現 上司連送殯都唔畀? 事主:要我開完會先走得…

  • 【萬聖節行行有鬼故】深夜送外賣去工廈 一打開升降機竟然係OO!

  • 【職場英語】僱主嫌棄香港大學生GPA唔過3 網民:佢英文仲差過求職者!

  • 【職場熱話】着運動褲返工畀同事投訴 事主:個個着牛仔褲就得?

  • 【灣區攻略】多項資助吸港澳人才 各市政府出謀獻策

  • 【萬聖節行行有鬼故】樂園職員收夜 驚見價錢牌OOOO!

  • 【職場熱話】初創公司「百無」 員工返工竟要用自己數據?

  • 【職場遊世界】日本企業允許80歲以上僱員就職 限每周工作4天 每日5小時

  • 【職場熱話】自覺生活圍繞舊公司 無咗自己失方向 網民:畀多啲自由時間自己

  • 【職場熱話】打工仔呻五天半工作制無個人時間 網民:真正社畜嘅生活

Jobs You Maybe Interested In

刊登招聘廣告