【職場熱話】初創公司「百無」 員工返工竟要用自己數據?

【職場熱話】初創公司「百無」 員工返工竟要用自己數據?

雖然疫情嚴重打擊經濟,但仍有不少人大膽實踐創業夢。創業必須投放一定資源才可以運作暢順,基本辦公的設備必不可少,例如文具、辦公桌等。假如你進入了一間初創企業,發現這些基本設備完全欠奉,你又會怎樣做呢?最近,有網民向社交媒體專頁「奴工處」投稿,正在猶豫其身處的新公司是否有問題,皆因公司「百無」,連自己網路數據都要分享給其他同事用!

延伸閱讀:【見工面試】伏工特徵你要識! 三個情況一定要推Offer?

即睇事主分享及網民回應:(按圖了解)

事主:啱啱返咗份新工,份工係入data為主,老細話公司啱啱成立無耐,公司咩都無……

事主:所以未必會有電腦。電腦櫈、文具都安排唔到,要自己帶返公司,就連wifi都要自己連接share。

事主:暫時份工得4個同事,老細係個啲啱啱創業出嚟嘅男士,助手係佢女朋友。事主:另一個女仔就話唔覺得有咩問題,大家點睇?

網民:有無問過有無人工?

網民:要夾錢交電費,自己買廁紙嗎?

網民:同公司講,home office仲慳錢。

網民:入data無電腦係咩境界?

網民:肯俾錢添置必須品就Ok,唔肯或拖延就盡快閃啦!

網民:初創咩都無唔出奇,但連電腦都無,點做嘢?

網民:如果我無電腦係咪可以日日齋坐?

網民:幾千蚊砌部PC嘅本都無就唔好創業啦,雖然商業登記證只係250蚊。

網民:落深水埗高登執部二手電腦都係千五蚊,電腦都無開乜鬼嘢公司?執鬼咗佢啦!

網民:又要創業,又唔肯落本,點做人老闆?

網民:呢啲通常係衰工!

網民:一陣連份糧都安排唔到。

網民:如果勞保都無就要小心!

 

網民呼籲:勿貼錢返工 擔心事主基本保障欠奉

事主公司欠缺最基本的辦公室文書設備,網民非常好奇為何事主工作要輸入資料,但連電腦和互聯網也需自備。個人網絡數據有價,有網民提醒事主上班基本底線,希望事主「唔好貼錢返工」。

雖然事主猶豫其公司是否有問題,但有網民點出事件另一大問題是事主「點解仲未走」。另有網民認為事主公司連基本設備也沒有的情況下,難以保障員工安全和遵守勞工法例,例如有網民問道:「勞工法例規定要有飲用水提供,佢有無?」根據《職業安全及健康規例》(香港法例第509A章)第16條,工作地點的負責人必須確保該工作地點有提供足夠的可供飲用的水,以供受僱在該工作地點工作的僱員飲用。

延伸閱讀:【網民職場Talk】乜嘢工先算係「伏」? 打工仔力數四宗罪

延伸閱讀:【職場熱話】返工遇到最受氣嘅事係咩?網民一人一件分享:畀客投訴、公司唔幫你

延伸閱讀:【職場熱話】獵頭公司無下文搵另一間突被鬧 求職者:我點知道你哋行規?

⏩⏩  需要請人?立即刊登招聘廣告!  ⏪⏪

Look out for further updates on our Facebook fan page!

Related Articles

  • 【網絡熱話】同事帶蜥蜴、有毛蜘蛛返工 網民:睇到字都覺得驚

  • 【職場遊世界】日本企業允許80歲以上僱員就職 限每周工作4天 每日5小時

  • 【職場熱話】自覺生活圍繞舊公司 無咗自己失方向 網民:畀多啲自由時間自己

  • 【職場熱話】打工仔呻五天半工作制無個人時間 網民:真正社畜嘅生活

  • 【圓規襲港】天文台預料發出八號熱帶氣旋警告信號 打工仔係咪可以即刻走?

  • 【職場熱話】辦公室內設吸煙房 打工仔煩惱應唔應該報串

  • 【職場熱話】餐廳入面有地盤佬就唔想入去食飯? 即被網民炮轟:乜嘢職業都要食飯!

  • 【職場熱話】公司留唔到人延通知期 網民:見工都掉頭走

  • 【薪金比較】女朋友人工高過自己會唔會好自卑? 網民:錢唔係衡量人嘅標準

  • 【職場熱話】工作失去人生自由 日子無限loop 打工仔:感慨完就繼續做嘢啦

Jobs You Maybe Interested In

刊登招聘廣告