【職場熱話】公司電腦裝咗監控軟件,可以咁嘅咩?網民:其實冇人會睇你做過啲咩!

【職場熱話】公司電腦裝咗監控軟件,可以咁嘅咩?網民:其實冇人會睇你做過啲咩!

老闆希望員工能夠專注工作,以提高公司業績,所以千方百計希望員能減少「扮工」時間,例如經常巡查同事工作進度,一覽下屬的生產效率;一旦發現有人「扮工」,員工就有可能收到警告信,嚴重者更有可能遭受解僱。

近日有網民於連登討論區發文,發現公司電腦有一個名叫ActivTrak的軟件,好奇心使然之下便到Google看看是甚麼類型的軟件,搜尋過後竟發現是監控員工生產力的軟件!只要有同事有登入帳戶以及密碼就能知道每一部電腦後台的數據,例如曾上過甚麼網站、軟件使用的時數、工作量,誇張至打字、使用滑鼠等都計算為生產力,不禁懷疑其他公司是不是亦如出一轍,喜歡監控員工工作時的一舉一動。

見到公司部電腦有個叫ActivTrak既軟件 咁我好奇就上網google左一下 原來係一個監控員工生產力既軟件 可以睇到你個每個鐘係咪做緊野 上咩類別網站,用咩APPS 大家公司係咪都咁變態?

按圖看網民反應:

網民A:完全唔出奇,幾十年前都有。嗰時好多都係喺Switch嗰度加部機就可以睇到做緊啲咩嘢。

網民B:你而家呢個先進好多,睇到好多嘢。但係佢咁樣亦都畀你知道都已經好好,如果係喺後台網絡設備加落去,普通員工根本唔會知道。

網民C:我公司啲人日日都煲劇,佢哋好大鑊喎。

網民D:冇嘅,公司有權裝,你有權唔撈。呢啲咁差嘅公司自然會慢慢淘汰。

網民E:其實就算裝咗都唔會有人睇。呢啲數據係IT部/部門主管先有權限睇,部門主管一係就忙到甩碌冇時間睇, 一係就唔識login入去睇。IT部更加唔會理你做過啲咩,人哋同你冇仇冇怨嘅話,都唔會得閒走去報串。通常想炒嗰個人又唔想賠錢時,就會攞出嚟用。

網民F:哇!咁樣公司咪知啲私人Password???

網民G:由佢睇囉,最多咪炒你。

網民H:正常點會用公司機做自己嘢,用自己電話做咪冇事。

網民I:曾經做過一間港資公司,所有枱冇隔牆,所有座位上嘅天花板裝咗360度4K cam連收音功能,除咗廁所,所有地方都有cam,所有電腦都裝咗監控同remote software,普通user冇權裝Apps,同坐監冇分別。

網民J:其實Microsoft有類似工具,睇你Teams同邊個傾偈,用邊隻App多。但老實講,就算有呢件嘢老闆都唔會check咁多,要check你嘅大把方法。所以你正正常常做到嘢,根本唔會搞你。

網民K:用加速器狂打字係咪可以刷生產力?!

 

部分網民表示正常公司機構都會安裝類似的軟件,但大多數都是沒有人登入細讀各員工的工作進度,以及電腦曾瀏覽甚麼網頁,除非有很嚴重的過錯,導致公司決定解僱該員工,才會以此作為理據。當然,員工得悉後會擔心自己的個人私隱遭受到侵犯,所以最好的做法就是盡量避免用公司電腦登入一些過於私隱的網站,或是使用自己的智能電話處理即可。工作期間需要稍作休息,上司以及老闆亦會有所體諒,所以打工仔都不需要太擔心,照常工作、休息便可以了。

不時因工作效率太慢而遭受上司責備?按圖了解5個提高工作效率的方法:

因為工作關係而感到太大壓力?即看這5個小習慣助你應對排山倒海的工作挑戰!

延伸閱讀: 如何應對工作挫折和憤怒?

延伸閱讀: 【職場文化】點樣處理職場衝突?同事嗌交只想食花生?點做先可以解決問題?

延伸閱讀: 【職場熱話】打工仔表示返工冇晒私人時間 網民:有埋小朋友仲得了?


最新專訪片︰
【Office豪華旅行團】華懋集團新辦公室轉型!每層都有唔同主題嘅Social Hub 又靚又方便
 

 

⏩⏩  需要請人?立即刊登招聘廣告!  ⏪⏪

Look out for further updates on our Facebook fan page!

Related Articles

  • 【職場熱話】辭職被公司要求檢查手機對話及相簿 網民:警察都冇權睇啦

  • 【推薦信|工作】上司唔肯寫reference letter畀下屬 搞喊同事!網民:其實有另一樣嘢咪夠!

  • 【銀行熱話】銀行員工扮工扮出鑊?美富國銀行突炒10多名員工 因為用咗OOO神器!僱主又可以點樣有效防止員工「扮工」?

  • 【打工仔幸福感】月入逾$O萬 幸福感會較!6成自認幸福感高打工仔 有4大特點!

  • 【打工仔辛酸】大老細係超級控制狂 有同事竟做到OOOO?網民:快啲裸辭保平安啦!

  • 【打工仔辛酸】一人一個返工壓力大徵狀!晚晚失眠、極不願意入公司門口、電話一響就焦慮……

  • 【職場熱話】轉工感幸福 打工仔終於可以放假同家人OOO!網民:無嘢重要得過屋企人

  • 【薪酬待遇】打工仔加人工 竟然只加得OOO?事主大怒:加完等於無加過咁濟!

  • 【職場熱話】打工仔要做陪審員 老闆一舉動隨時犯法!網民:叫你老細有咩留返同法官講!

  • 【4天工作周】4天工作日返10小時VS. 5天工作日返8小時 究竟點揀好!網民:梗係揀返4日啦!

Jobs You Maybe Interested In

刊登招聘廣告
;
Follow CTgoodjobs for the latest career news, hot topics and recommended jobs!
Maybe Later Follow