【職場熱話】人工45K冇壓力但冇前景 公司減人手推「肥雞餐」賠半年人工!點揀?

【職場熱話】人工45K冇壓力但冇前景 公司減人手推「肥雞餐」賠半年人工!點揀?

在職場中,人們經常需要在不同的選擇之間做出抉擇。相信各位打工仔都會量度薪金、工作量和工時吧?薪金高的就一定最吸引,不過如果薪金高但沒有前景呢?可能仍不減其吸引度,不過公司正在裁員的話,這就難說了……

延伸閱讀:【職場性騷擾】老細經常趁機摸男同事屁股!網民:收集證據舉報佢!

有網民在社交平台專頁「奴工處」上投稿分享,指自己正在做一份挺不錯的工作,高薪又沒有壓力,不過似乎此地都難以再久留,因為公司節減人手,推出「肥雞餐」勸大家自願離職,這時後應該主動舉手,還是試着留到最後呢?事主分享道:「做緊份工45K冇壓力,但同時冇咩上升空間,部分要節省人手推肥雞餐,自願離職有半年人工。自問出去搵得返呢份人工,但可能冇咁hea,假設四十歲,你會點?」

即睇網民回應:(按圖了解)

網民:「曲線曬命係咪?!」
網民:「成40歲人自己前景都要問,睇怕都係揀繼續hea多,係有上進心唔會咁問!」
網民:「通常錯過咗肥雞,下餐就係乳鴿,跟住就係豉椒。」
網民:「有得hea 點解唔繼續hea?30歲就話啫,賺45k嚟hea喎!Why not?」
網民:「繼續 hea做。」
網民:「你再解釋一下:1. 有冇經濟壓力 2. 結婚沒 3. 有冇仔女,幾多個,幾大呀? 4. 你自己點睇呢份工?」
網民:「睇睇肥雞餐有幾肥先再決定,如果呢個情況嚟睇,要知道有幾多人會接受肥雞餐,因為不難估計,食咗肥雞餐走咗嘅空缺,應該唔會再請,即係留低嗰啲兄弟做埋,到時你想避又避唔到,走又唔抵,蝕章?」
網民:「有餐緊係食餐啦!等公司遣散係基本!」
網民:「公司開始靠唔住,開唔到源玩節流,睇風駛舵啦。」
網民:「而家人嘅平均壽命越來越高,閒閒哋都80歲,咁你諗吓自己要做到幾錢先夠退休,舉個例65歲,咁你而家份工係咪可以做到咁耐?唔得嘅話當你hea到50歲要轉行,有無競爭力?如果無,你而家趁40歲仲叫轉工,唔會被人歧視年紀太大時,認真考慮吓了。」
網民:「可以hea的話,不會郁。」
網民:「有餐食餐,你都未搵工,點知份工係點,可能仲hea過呢度呢!」
網民:「我會想食肥雞,因為我咁啱想轉行,但要由頭開始,肥雞可以畀我出去闖嘅勇氣。 如果我無dream,半年肥雞算得乜,我hea hea吓半年一眨眼就過。」
網民:「45K應該有30至50萬儲蓄,喺外國覺得自己冇機會上就會出嚟創業,搏盡無悔。」
網民:「40歲?仲有廿年先退休,真係好難選擇!」
網民:「如果公司財務有壓力,遲早逐個捉嘅話:呢餐唔食,遲啲補2個月炒你都得。如果份工畀你做到退休,你都唔會問呢個問題啦。」
網民:「自問搵得返呢個價或以上就一定係食肥雞餐走,可以hea做嘅原因好大可能唔係因為自身能力高或效率高,而係根本無咁多嘢做,不過係自問啫,出到去市場就知乜嘢環境,公務員公營機構都有大把人覺得自己出去都撈得掂。」

如何抉擇?
在面對公司裁員和「肥雞餐」這樣的職場抉擇時,有網民建議事主應該先問自己幾個問題,「1. 有冇經濟壓力 2. 有冇結婚 3. 有冇仔女,幾多個,幾大呀? 4. 你自己點睇呢份工?」然後綜合考慮自己的個人情況和職業發展前景,做出更明智的決策。以下是一些建議:

1.評估個人情況:事主應評估自己的經濟狀況、家庭情況和退休計劃等。如果有足夠的儲蓄和資源,可以考慮留下來繼續工作。如果沒有足夠的儲蓄或有其他壓力,可以考慮接受「肥雞餐」。

2.考慮職業發展前景:事主應評估現有工作的職業發展前景和未來的就業市場趨勢。如果現有工作沒有發展前景,並且未來的就業市場趨勢不容樂觀,可以考慮接受「肥雞餐」,尋找更有發展前景的工作機會。

3.謹慎考慮:事主應該謹慎考慮和評估自己的選擇,並避免受到其他人的影響和壓力。最終的決定應該是基於個人情況和職業發展前景的綜合考慮。

最新【行政 / 文職】職位空缺

最新【銀行 / 金融】職位空缺

最新【政府 / 公共機構】職位空缺

職場抉擇需要事主仔細評估自己的情況和職業發展前景,做出更明智的決策。無論事主選擇留下來或接受「肥雞餐」,都需要積極尋找機會,不斷提升自己的能力和價值,以確保未來的職業發展!

延伸閱讀:【職場性騷擾】老細經常趁機摸男同事屁股!網民:收集證據舉報佢!

延伸閱讀:【職場性騷擾】年輕主管被同事背後中傷兼性騷擾 遇到職場欺凌可以點算好?
延伸閱讀:【各行各業】爸爸成日自覺做司機冇出色 網民安慰:每個人喺社會上都有自己嘅崗位!
延伸閱讀:【職場熱話】大嘆幫朋友做姊妹仲慘過返工!網民:早過平時返工起身、仲要貼錢買裙…


最新專訪片:

【SHE Says】努力打破性別定型 環聯亞太區數據科學及分析主管林蔚:普惠金融分析令更多人實現夢想

 

⏩⏩  需要請人?立即刊登招聘廣告!  ⏪⏪

Look out for further updates on our Facebook fan page!

Related Articles

  • 【辭職學問】上司唔肯寫reference letter畀下屬 搞喊同事!網民:其實有OOOO咪夠!

  • 【職場熱話】新工試用期只有1個月合理? 求職者:未來上司話我好適合份工……

  • 【產假申請2024】打工仔有咗BB 應該幾時同公司講?申請產假要準備咩文件?即睇懷孕後通知僱主時間及如何申請懷孕證明

  • 【職場熱話】次次食完飯個鋅盤就塞咗!HR落令禁止同事OOO!

  • 【見工面試】被問「未來5年會有咩目標?」應該點回答以提高錄用機會?

  • 【見工面試】你點解會唔做之前嗰份工?面試應該點答先唔會變成訴苦大會?

  • 【職場熱話】有病應唔應該返工?SL完戴口罩都被同事嫌:咳到好煩呀!

  • 【職場熱話】大家會因為咩原因而辭職?網民:冷氣太凍搞到成日病…

  • 【見工面試】點解次次講到好想請你但又冇offer 網民:見工時雙方都係演戲!

  • 【職場熱話】阿婆可能就嚟唔得 打工仔想請假 冷血上司:你同阿婆好close?

Jobs You Maybe Interested In

刊登招聘廣告
;
Follow CTgoodjobs for the latest career news, hot topics and recommended jobs!
Maybe Later Follow