【職場熱話】上司扮喊留人 挽留不成瞬黑臉 網民:加人工最實際!

【職場熱話】上司扮喊留人 挽留不成瞬黑臉 網民:加人工最實際!

人才流失是企業不願看到的事,其中一個主因是聘請新人需要投放資源到招聘程序、新人培訓等,但新人卻未必完全切合企業的工作手法與文化。僱員遞辭職信時或會獲僱主或上司挽留,究竟挽留語句是否真心真意呢?過往待遇或可能是一些尋找答案的線索。最近,有名已請辭的打工仔向社交媒體專頁「奴工處」投稿,述說其遞信過程,怎料經歷了上司態度180度轉變的過程。

延伸閱讀:【職場文化】逾5成打工仔因薪金過低辭職Take offer首要條件係…

即睇事主分享及網民回應:(按圖了解)

事主:上星期五我正式遞信,跟住阿頭喺房同我傾咗陣,問我點解走?

事主:我如實講搵到工,個offer唔錯,唔係想跳草裙舞,我只係想佢唔好再煩。

事主:點知佢雙眼通紅,再緊握我封信,講嘢窒窒吓咁話:「點解要咁對我?諗下當日入嚟呢間公司嘅原因,你諗清楚,下星期再畀答覆我。」

事主:點知我真係畀佢拋到,話下星期答佢,到咗今日我再覆佢唔做,佢好兇狠嘅眼神望我,話會同HR講聲。

事主:實情我同阿頭本身無乜兩句。

網民:唔使理呢啲戲精!

網民:答返佢樣樣嘢都加,人工就無加,點解要咁對我。

網民:入公司嘅原因除咗錢仲有乜?唔通為咗幫老世打一世工咩?

網民:笑死,留人唔係應該講人工咩,點會講感情?

網民:諗下當日點解嚟呢間公司?答佢:錢!走嘅理由?錢!點解咁對佢?公司唔肯出錢!

網民:咁樓主又衰嘅,畀咗一陣假希望佢!等佢一廂情願以為你會留低,但其實就畀你玩咗佢一鑊!

網民:我都遇過,覆唔做就即刻反晒面!

網民:佢應該好依賴事主,而家知自己要食返啲工作,咪喺度發癲囉!恭喜樓主離開廢物!

網民:今時今日請人其實幾難,登兩三個月都未必有人in,所以我信佢唔係扮嘢。

網民:其實請人唔難,只係請到老細高層滿意嘅人極難,我前任職公司三年都未請到個小薯,笑死!

口講重要無憑證 網民:加人工留人最實際

眾多網民紛紛表示事主上司明顯在「做戲」,不明白事主為何會因而延後其辭職決定,更有網民笑言事主令這件事「搞到咁樣衰」,指出現時可以用移民兩隻字「輕鬆KO」上司。

不少意見贊同事主離職決定,有網民認為上司對事主辭職一事表現緊張是源於薪金問題,留言道:「阿頭咁緊張,更加證明你一直underpaid(薪酬低於市場價格)。」該網民更建議事主採用上司伎倆,「last day(工作最後一日)眼淚口水鼻涕一齊流,反問阿頭點解一直死都唔加人工」。

留人不應該只有口講,更需要有實際行動。某網民對事主遭遇感同身受,曾遇上司在他遞信辭職後,「要行埋一邊傾偈,問點解唔做」,更出口術斷言「出邊份工一定仲辛苦」,「以為份工好筍」。金錢是每名打工仔上班的主因,多名網民認為若僱主打算留人,沒有東西比薪金上調更為實際。

延伸閱讀:【職場熱話】辭職時被上司挽留:諗吓呢幾年公司同我點對你?

延伸閱讀:【辭職學問】未過試用期 老闆想炒自己 應該遞信定等炒?

延伸閱讀:【求職兩難】口頭接受offer後獲悉有更好機會 求職者怕反口惹人討厭

⏩⏩  需要請人?立即刊登招聘廣告!  ⏪⏪

Look out for further updates on our Facebook fan page!

Related Articles

  • 【職場管理】4個培養積極工作環境嘅關鍵

  • 【花紅雙糧】公司幾時派花紅?企業財政年度各有不同!

  • 【員工福利】美國女富豪回饋員工 送每人兩張頭等艙機票加7.8萬旅遊津貼

  • 【職場熱話】想射波唔返工 會前一晚決定還是當日先決定?

  • 【職場熱話】一人一個辦公室生存貼士!網民:千祈唔好同同事做朋友

  • 【辭職學問】未過試用期 老闆想炒自己 應該遞信定等炒?

  • 【職場文化】點解一定要離開comfort zone?打工仔:邊有人追求辛苦?

  • 【職場熱話】新工二選一 最後揀咗份壓力大兼同事差 好後悔…

  • 【職場熱話】老闆收工單獨約食飯 點樣推先好?網民:屋企人大廈有人確診

  • 【職場熱話】打工仔投身社會後覺得自己好廢 網民:接受廢都係成長

Jobs You Maybe Interested In

刊登招聘廣告